ᕿᑭᖅᑕᓂ ᐋᓐᓂᐊᕕᐊᓗᒃ
ᐅᕙᒍᑦ ᒥᒃᓵᓄᑦ
ᕿᕿᖅᑕᓂ ᐋᓐᓂᐊᕕᐊᓗᒃ 22-ᓂᑦ ᐃᒡᓕᖃᖅᐳᖅ ᐃᖃᓗᖕᓂᑦ. ᐋᓐᓂᐊᕕᒃ ᐱᔨᑦᑎᕋᖅᐳᑦ ᐃᒻᒪᖄ 16,000-ᓂᑦ ᐃᓄᖕᓂᑦ ᕿᑭᖅᑖᓗᒻᒥᐅᓂ, ᐊᖏᕐᕋᕆᔭᑦ 12-ᓄᑦ ᓄᓇᓕᖕᓄᑦ ᐃᒻᒪᖄ 1-ᒥᓕᐊᓐ ᑭᓛᒥᑐᒦᖦᖢᑎᒃ.
ᐱᓕᕆᔨᒻᒪᕇᑦ ᐅᐸᒐᐅᓲᑦ
ᕿᑭᖅᑕᓂ ᐋᓐᓂᐊᕕᐊᓗᖕᒥ ᐊᑐᐃᓐᓇᐅᔪᑦ ᑭᓱᓕᕆᔨᓪᓚᕆᖕᓄᑦ ᐱᔨᑦᑎᕋᐅᑎᑦ:
ᐅᑯᐊ ᐊᑐᐃᓐᓇᐅᖃᑦᑕᖅᑐᑦ ᐅᓪᓗᓕᒫᖅ ᖃᐅᑕᒫᑦ 24/7:
- ᓄᑕᕋᓕᕆᔨᑦ
- ᐱᓚᒃᑐᐃᔨᑦ
- OBGYN
- ᓯᖓᐃᔪᓕᕆᔨᑦ
ᐅᑯᐊ ᐱᔨᑦᑎᕋᐅᑎᑦ ᐊᑐᐃᓐᓇᐅᑎᑕᐅᓲᑦ ᖃᔅᓰᖅᓱᑲᓪᓚᒃᖢᑎᒃ ᐊᕐᕌᒍᒥ:
- ᐆᒻᒪᑎᓕᕆᔨᒃᑯᑦ
- ᐅᕕᓂᓕᕆᔨᒃᑯᑦ
- ᓇᒡᒍᐊᓕᕆᔨᒃᑯᑦ
- ᓂᐊᖁᓕᕆᔨᒃᑯᑦ
- ᐃᓅᓕᓴᖅᑎᑦ ᐃᓗᑦᑎᓐᓄᑦ
- ᐳᕙᓕᕆᔨᒃᑯᑦ
- ᓇᑲᓱᓕᕆᔨᒃᑯᑦ
- ᓴᐅᓂᓕᔨᒃᑯᑦ
- ᓄᑕᖅᑲᓄᑦ ᐆᒻᒪᑎᓕᕆᔨᒃᑯᑦ, ᓴᐅᓂᓕᕆᔨᒃᑯᑦ, ᓂᐊᖁᓕᕆᔨᒃᑯᑦ
- ᑎᒥᒧᑦ ᓈᒻᒪᙱᓪᓕᐅᕈᑎᓕᖕᓄᑦ ᑲᒪᔨ
- ENT (ᓯᐅᑎᓕᕆᔨ, ᕿᖓᓕᕆᔨ ᐊᒻᒪ ᐃᒡᒋᐊᓕᕆᔨ)
- ᐃᔨᓕᕆᔨᑦ
ᑐᓴᐅᒪᔭᒃᓴᑦ ᐋᓐᓂᐊᕕᓕᐊᖅᐸᒃᑐᓄᑦ ᐊᒻᒪᓗ ᐳᓛᕆᐊᖅᐸᒃᑐᓄᑦ
ᖃᐃᒍᕕᑦ ᑕᑯᔭᐅᕝᕕᒃᓴᖕᓄᑦ ᓄᑖᒃᑯᑦ ᐃᓯᕐᓗᑎᑦ ᐋᓐᓂᐊᕕᖕᒧᑦ. ᐃᓯᕈᕕᑦ ᑕᑯᔭᐅᑎᓪᓗᒍ ᐊᑐᖅᑐᒥ ᓄᓇᕗᒻᒥᑦ ᐋᓐᓂᐊᕕᓕᐊᖅᑐᖅᓯᐅᑏᑦ ᐅᕝᕙᓘᓐᓃᑦ ᓇᓗᓇᐃᒃᑯᑕᒥᑦ ᐱᔭᕆᐊᖃᖅᐸᑦ. ᐃᓯᖅᑎᑦᑎᔨᓄᑦ ᑕᒪᓐᓇ ᓇᓗᓇᐃᑦᑎᐊᕈᑕᐅᖕᒪᑦ ᑭᓇᐅᖕᒪᖔᖅᐱᑦ ᐊᒻᒪᓗ ᐋᖅᑭᒃᐸᒌᖅᓯᔾᔪᑕᐅᓪᓗᓂ ᑐᓴᐅᒪᔭᐅᔭᕆᐊᓕᖕᓂᑦ ᐃᒡᕕᑦ ᒥᒃᓵᓅᖓᔪᑦ ᑲᒪᒋᔭᐅᔪᑦ. ᐃᓯᕈᕕᑦ ᓇᓗᓇᐃᒃᑯᑕᒥᑦ ᑕᓕᐊᓕᖅᑕᐅᓗᑎᓪᓗ. ᑖᓐᓇ ᓇᓗᓇᐃᒃᑯᑕᖅ ᑕᓕᐊᖅ ᐊᑦᑕᖕᓇᔾᔭᐃᒃᑯᑎᒋᕙᐃᑦ ᐊᒻᒪᓗ ᐊᑐᐃᓐᓇᕆᐊᖃᖅᖢᒍ ᑕᐃᒪᙵᓕᒫᖅ ᕿᕿᖅᑕᓂ ᐋᓐᓂᐊᕕᐊᓗᐊᓃᓐᓂᓕᒫᖕᓂᑦ. ᖃᐅᔨᒪᔾᔪᑕᐅᓪᓗᓂᓗ ᕿᕿᖅᑕᓂ ᐋᓐᓂᐊᕕᐊᓗᒃ ᐃᖅᑲᓇᐃᔭᖅᑎᖏᓐᓄᑦ ᐸᖅᑭᔭᐅᑦᑎᐊᕋᓗᐊᕆᐊᒃᓴᖕᓂᑦ.
ᕿᕿᖅᑕᓂ ᐋᓐᓂᐊᕕᐊᓗᒃ ᐃᓕᑕᕆᔭᐅᓯᒪᕗᖅ. ᑐᐊᕕᖕᓇᖅᑐᒃᑯᕕᒃ ᐅᒃᑯᐃᙵᐃᓐᓇᐅᔭᖅᐳᖅ ᖃᐅᑕᒫᑦ ᐃᑲᕐᕋᓄᑦ 24-ᓄᑦ, ᐱᓇᓱᐊᕈᓯᓕᒫᖅ. ᐅᐸᒐᒃᓴᐃᑦ ᐃᑲᕐᕋᖏᑦ ᓇᒡᒐᔾᔭᒥᑦ ᐅᓪᓗᑐᐃᓐᓇᒧᑦ 8:30 ᐅᓪᓛᒥᑦ 5:00 ᐅᓐᓄᒧᑦ
ᐃᓂᒃᓴᓕᐅᕋᓱᒃᑯᕕᑦ ᓇᒃᓴᕐᓗᒍ ᓄᓇᕗᒻᒥᑦ ᐋᓐᓂᐊᕕᓕᐊᖅᑐᖅᓯᐅᑏᑦ ᐊᒻᒪᓗ ᐄᔭᒐᖅᑕᑎᑦ ᑎᑎᕋᖅᓯᒪᓗᒋᑦ. ᓄᓇᕗᒻᒥᐅᑕᐅᙱᑦᑐᑦ ᐊᑐᓪᓗᐊᖅᑐᑦ ᐊᕕᒃᑐᖅᓯᒪᕝᕕᒋᔭᖏᑦᑕ ᐋᓐᓂᐊᕕᓕᐊᖅᑐᖅᓯᐅᑎᖏᓐᓂᑦ ᓇᓪᓕᐅᒃᑯᒫᖏᑦᑕ ᓇᐃᓴᐅᑎᖏᓐᓂᑦ.
ᐳᓛᕆᐊᖕᓇᖅᑐᖅ ᖃᐅᑕᒫᑦ 3:00-ᒥᑦ ᐅᓐᓄᒃᓴᒥᑦ 8:00-ᒧᑦ ᐅᓐᓄᒃᑯᑦ.
ᕿᕿᖅᑕᓂ ᐋᓐᓂᐊᕕᐊᓘᑉ ᐅᖄᓚᐅᑖ: (867) 975-8600
ᐱᔨᑦᑎᕋᐅᑏᑦ ᐊᑐᐃᓐᓇᐅᔪᑦ ᕿᑭᖅᑕᓂ ᐋᓐᓂᐊᕕᐊᓗᖕᒥ ᐋᓐᓂᐊᕕᖕᓂᑦ:
- ᑕᑯᔭᐅᑲᐅᖅᑐᕈᓐᓇᖅᑐᓄᑦ ᑕᑯᔭᐅᕝᕕᒃ – ᐅᓪᓗᐃᓐᓇᕐᒧᑦ ᑕᑯᔭᐅᕝᕕᒃᓴᖅ ᐃᖏᕐᕋᓲᖅ ᓇᒡᒐᔾᔭᒥ−ᐅᓪᓗᑐᐃᓐᓇᕐᒧᑦ, 9−ᒥᑦ ᐅᓪᓛᒃᑯᑦ – 5−ᒧᑦ ᐅᓐᓄᒃᓴᒧᑦ.
- ᐃᓂᒃᓴᓕᐅᖅᑕᐅᓯᒪᕙᒌᖅᑐᑦ ᐃᓗᐊᖅᓴᐃᔨᒧᑦ (ᓘᒃᑖᒧᑦ ᐃᓗᐊᖅᓴᐃᔨᒧᓪᓘᓐᓃᑦ)
- ᐱᕕᒃᓴᖅ ᐃᓂᒃᓴᓕᐅᒃᑲᓐᓂᕐᓗᓂ ᓯᕗᓂᑦᑎᓐᓂ (ᑕᖅᑭᓄᑦ 3-12 ᓯᕗᕐᖔᒍᑦ)
ᑕᑯᔭᐅᓵᓕᕕᒃ ᐋᓐᓂᐊᕐᕕᓕᐊᖅᑐᓄᑦ
ᑭᓲᖕᒪᑦ ᑕᑯᔭᐅᓵᓕᕕᒃ ᐋᓐᓂᐊᕐᕕᓕᐊᖅᑐᓄᑦ? ᑕᑯᔭᐅᓵᓕᓐᓇᖅᑐᖅ ᐋᓐᓂᐊᕕᓕᐊᖅᑐᓄᑦ ᑕᕝᕙᓂᔅᓴᐃᓐᓇᖅ ᐅᓪᓗᕐᒥ ᑕᑯᔭᐅᓐᓇᖅᑐᖅ ᒪᒃᐱᖅᓯᒪᓲᖅ ᓇᒡᒐᔾᔭᐅ−ᑕᓪᓕᒻᒥᕐᒧᑦ, 9-ᒥ ᐅᓪᓛᒃᑯᑦ 5−ᒧᑦ ᐅᓐᓄᓴᒧᑦ. ᐱᔾᔪᑎᒋᔭᖓ ᑖᔅᓱᒪ ᖃᐅᔨᓴᖅᑕᐅᕝᕕᐅᑉ ᑕᑯᔪᒪᓪᓗᑎᒃ ᐱᓕᕆᕝᕕᒋᔭᐅᕙᒃᑐᓂᒃ ᐅᖃᐅᓯᖃᖅᑐᓂᒃ ᐅᖃᐱᓘᑕᐅᔪᒥᒃ ᓈᒻᒪᒡᓗᑎᒃ ᑕᑯᔭᐅᓵᓕᕕᖕᒧᑦ. . ᑕᒪᕐᒥᒃ ᑕᑯᔭᐅᕝᕕᒃᓴᑦ 15 ᒥᓂᑦᓯᓄᑦ ᑲᒪᒋᔭᐅᓐᓇᖅᑐᑦ. ᑕᒪᕐᒥᒃ ᑕᑯᔭᐅᔪᑦ ᖃᐅᔨᓴᖅᑕᐅᖃᑦᑕᖅᐳᑦ ᐋᓐᓂᐊᓯᐅᖅᑎᒧᑦ ᑭᖑᓂᖓᒍᑦ ᑕᑯᔭᐅᕝᕕᒃᓴᓕᐅᖅᑕᐅᓪᓗᑎᒃ ᓘᑦᑖᒧᑦ ᐋᓐᓂᐊᓯᐅᖅᑎᒧᓪᓘᓐᓃᑦ.
ᑕᑯᔭᐅᕝᕕᒃᓴᖅᑖᕈᒪᓗᓂ ᐅᓪᓗᕐᒧᑦ, ᕿᑭᖅᑕᓂ ᐋᓐᓂᐊᕕᐊᓗᖕᒥ ᓘᒃᑖᓕᐊᕐᕕᖓᓄᑦ ᑕᑯᔭᐅᔭᖅᑐᕈᓐᓇᖅᐳᑎᑦ 8−ᒧᐊᖅᑎᓪᓗᒍ ᐅᓪᓛᒃᑯᑦ. ᐅᖃᐅᔾᔭᐅᓂᐊᖅᑐᑎᑦ ᓈᓴᐅᑎᒥᒃ ᑎᒍᓯᖁᔭᐅᓗᑎᑦ ᑕᑕᑎᕐᓗᒍᓗ ᑐᐊᕕᕐᓇᖅᑐᒥᒃ ᑕᑯᔭᐅᔪᓐᓇᕐᓂᕐᒧᑦ ᑕᑕᑎᕆᐊᓕᒃ. ᓈᓴᐅᑎᑎᒍᑦ ᓯᕗᓪᓕᐅᔪᑦ ᐱᔨᑦᑎᕋᖅᑕᐅᖅᑳᕐᓗᑎᒃ. ᓈᓴᐅᑏᑦ ᑕᐃᔭᐅᒃᐸᑦ, ᑐᕌᖅᑎᑕᐅᓇᔭᖅᑐᑎᑦ ᓇᓕᐊᖕᓄᑐᐃᓐᓇᖅ ᐊᑎᓕᐅᖅᑎᑦᑎᔨᒧᑦ ᑐᓂᓂᐊᖅᑕᑦ ᑕᑯᔭᐅᓵᓕᓐᓇᖅᑐᖅ ᐋᓐᓂᐊᕐᕕᓕᐊᖅᑐᓄᑦ ᐃᓯᕈᑎᒋᓂᐊᖅᑕᑦ ᑕᑕᑎᕆᐊᓕᒃ. ᐃᓱᒪᒋᔭᐅᒃᐸᑦ ᓈᒻᒪᒐᓱᒋᔭᐅᓗᓂ ᑕᑯᔭᐅᓵᓕᕝᕕᒃᓴᒧᑦ ᐃᓂᒃᓴᓕᐅᖅᑕᐅᕕᒃ, ᐃᓂᒃᓴᓕᐅᖅᑕᐅᓇᔭᖅᑐᑎᑦ ᑕᐃᑲᓂ ᐅᓪᓗᕐᒥ. ᐋᓐᓂᐊᕕᓕᐊᒃᑲᓐᓂᕈᕕᑦ ᑕᑯᔭᐅᕝᕕᒃᓴᕐᓄᑦ, ᓇᓗᓇᐃᕐᓗᑎᑦ ᐅᐸᒍᑎᓵᓕᓗᑎᑦ ᖃᐅᔨᒋᐊᕐᓗᑎᓪᓗ ᓇᓕᐊᖕᓄᑐᐃᓐᓇᖅ ᐊᑎᓕᐅᕆᔨᒧᑦ.
ᐱᔾᔪᑎᒋᔭᐃᑦ ᐅᐸᒍᑎᓂᕐᒧᑦ ᓈᒻᒪᙱᑉᐸᑦ ᑕᑯᔭᐅᓵᓕᓐᓇᖅᑐᖅ ᐋᓐᓂᐊᕐᕕᓕᐊᖅᑐᓄᑦ, ᐅᖃᐅᔾᔭᐅᓇᔭᖅᐳᑎᑦ ᑐᐊᕕᕐᓇᖅᑐᓄᑦ ᑕᑯᔭᐅᕝᕕᖕᒧᑦ ᐃᓂᒃᓴᓕᐅᖁᔭᐅᓗᑎᓪᓘᓐᓃᑦ ᖃᑯᒍᒃᑲᓐᓂᖅ.
ᐅᑯᐊ ᑕᑯᔭᐅᔪᓐᓇᖅᑐᑦ ᑕᑯᔭᐅᓵᓕᕕᖕᒥ ᐋᓐᓂᐊᕐᕕᓕᐊᖅᑐᓄᑦ:
- ᓄᓕᐊᕐᓂᒃᑯᑦ ᖃᓄᐃᙱᑦᑎᐊᕈᓯᑦ (ᓄᓕᐊᕐᓂᒃᑯᑦ ᖁᐱᕐᕆᔾᔪᑕᐅᓲᑦ)
- ᕿᑐᕐᖓᒃᓴᖃᒪᖔᑦ ᖃᐅᔨᓴᖅᑕᐅᓂᖅ
- ᑭᖑᓪᓕᖅᐹᒥ ᐄᔭᒐᐃᑦ ᐃᓗᓪᓕᖅᑕᐅᒃᑲᓐᓂᖅᑐᑦ
- ᐋᓐᓂᐊᕌᕐᔪᒃᑐᑦ ᒪᐃᑦᑐᓪᓗ
- ᓇᑲᓱᒡᓗᖕᓂᖅ
- ᓄᕙᖕᓂᖅ, ᓴᐅᓂᙳᓂᖅ, ᐃᒡᒋᐊᙳᓂᕐᓘᓐᓃᑦ
- ᐱᓗᐊᙱᑦᑐᖅ ᐅᕕᓂᒃᑯᑦ ᐱᖑᔭᖕᓂᖅ
- ᓯᐅᓯᕆᓂᖅ
- ᑲᒪᒋᔭᐅᔪᑦ ᐅᓂᒃᑳᖅᑐᑦ ᑕᑯᔭᐅᓵᓕᕕᖕᓄᑦ ᐊᑖᓃᑦᑐᓂᒃ ᐅᖃᐱᓘᑎᓂᒃ ᐋᖅᑭᒃᑕᐅᔾᔮᙱᑦᑐᑦ ᑕᑯᔭᐅᓵᓕᕕᖕᓄᑦ ᐃᓂᒃᓴᓕᐅᖅᑕᐅᕙᒌᕆᐊᖃᕐᓂᐊᖅᖢᑎᒡᓗ, ᐊᑯᓂᐅᓂᖅᓴᒃᑯᑦ ᐃᓂᒃᓴᓕᐅᖅᑕᐅᓗᑎᒃ. ᐊᑯᓂᐅᓂᖅᓴᖅ ᐃᓂᒃᓴᓕᐅᕆᐊᖃᕐᓂᐊᖅᐳᑦ ᐋᓐᓂᐊᓯᐅᖅᑎᒧᑦ ᐱᕕᒃᓴᖃᑦᑎᐊᖁᓪᓗᒋᑦ ᐃᓱᒫᓘᑎᒋᔭᑎᑦ ᑲᒪᒋᔭᐅᖁᓪᓗᒋᑦ
- ᐋᓐᓂᐊᑯᑖᒃᑐᑦ ᐊᓯᖏᓪᓘᓐᓃᑦ ᖃᓄᐃᓕᖓᓂᕆᔭᐅᔪᑦ ᐱᔭᕆᐊᖃᖅᐳᑦ ᐊᐅᓚᑕᐅᔪᒥᒃ ᓱᕐᕋᖕᓇᖅᑐᑦ (ᐄᔭᒐᐃᑦ, Benzodiazepines, ᐆᒻᒪᕆᖕᓇᖅᑐᓪᓗ).
- ᐱᓗᐊᙱᑦᑐᒥᑦ ᐱᓗᐊᖅᑐᒧᑦ ᐋᓐᓂᐊᕐᕆᔭᖃᖅᑐᑦ
- ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐊᓯᖏᓪᓗ ᐃᖅᑲᓇᐃᔭᕐᕕᖕᒥᑦ ᑕᑕᑎᕆᐊᓖᑦ
- ᑕᒪᒃᑭᖅᑐᒥ ᓘᒃᑖᒧᑦ ᖃᐅᔨᓴᖅᑕᐅᓃᑦ
- ᖁᖅᑲᖅᐸᑦ
- ᐊᓂᖅᓵᖅᑐᒡᒐᖅᐸᑦ
- ᖃᖓᑦᑎᐊᓕᓴᑦ ᐋᓐᓂᖅᓯᒪᔪᑦ ᑕᕐᕋᖅᑐᖅᑕᐅᔭᕆᐊᖃᖅᑐᑦ (ᓲᕐᓗ ᓴᐅᓂᖏᑦ ᓱᕋᒃᓯᒪᒃᐸᑕ)
- ᓯᖓᐃᑎᓪᓗᒋᑦ ᐊᑲᐅᙱᓕᐅᕈᑎᑦ
- ᐱᓚᒃᑕᐅᕌᓂᒃᑎᓪᓗᒋᑦ ᐊᑲᐅᙱᓪᓕᐅᕈᑎᑦ
- ᑐᓐᓂᖅᑯᑕᐅᔪᖅ ᓘᒃᑖᒧᑦ ᐱᔨᑦᑎᕋᖅᑕᐅᓗᓂ
- ᐃᓱᒪᒃᑯᑦ ᐋᓐᓂᐊᕈᑎᖃᖅᑐᑦ
- ᐱᓕᕆᔾᔪᓰᑦ (ᓯᖓᐃᓕᕇᒃᑯᑎᑦ ᐴᖅᑕᐅᑎᓪᓗᒋᑦ, ᐃᒡᓕᐊᕐᒧᑦ ᖃᐅᔨᓴᕈᑎᑦ, ᕿᓕᖅᓯᓇᐃᔭᖅᑕᐅᓃᑦ, ᓇᒡᒍᐊᒃᑯᑦ ᑲᐱᔭᐅᓃᑦ, ᐊᓯᖏᓪᓗ)
- ᖃᐅᔨᓴᖅᑕᐅᒐᔪᒃᑐᑦ
- ᐊᓯᖏᑦ ᑐᐊᕕᕐᓇᙱᑦᑐᑦ ᐃᓱᒫᓘᑕᐅᔪᑦ ᐊᒻᒪ ᐋᓐᓂᐊᑯᑖᒃᑐᑦ
ᐃᓂᒃᓴᓕᐅᕐᓂᖅ ᑕᑯᔭᐅᓵᓕᓐᓇᖅᑐᖅ ᐋᓐᓂᐊᕕᓕᐊᖅᑐᓄᑦ ᐋᓐᓂᐊᕕᒃ ᒪᑐᓯᒪᑎᓪᓗᒍ:
ᐋᓐᓂᐊᕐᓂᕐᒧᑦ ᐃᓱᒫᓘᑎᖃᕈᕕᑦ ᐃᓂᒃᓴᓕᐅᖅᑕᐅᓯᒪᔭᕆᐊᖃᕐᓗᑎᑦ 15 ᒥᓂᑦᓯ ᐅᖓᑖᓄᑦ, ᐃᓂᒃᓴᓕᐅᖅᑕᐅᔪᓐᓇᖅᐳᑎᑦ ᐊᑎᓕᐅᕆᔨᒧᑦ ᑎᑎᕋᖅᑎᒧᑦ.
ᐃᓂᒃᓴᓕᐅᖅᑕᐅᔪᒪᒍᕕᑦ ᓘᒃᑖᓕᐊᕐᕕᖕᒧᑦ:
- ᐅᖄᓚᓗᑎᑦ (867) 975-8600 ᒪᓕᒡᓗᒋᓪᓗ ᒪᓕᒋᐊᓕᑦ ᐃᓂᒃᓴᓕᐅᖅᑕᐅᔪᒪᒍᕕᑦ. ᑭᐅᔭᐅᙱᑉᐸᑦ, ᓂᐱᓕᐅᕐᓗᑎᑦ ᑭᖑᓂᐊᒍᓪᓗ ᐅᑎᕐᕕᐅᓂᐊᖅᐳᑎᑦ ᕿᓚᒻᒥᐅᓂᖅᐹᒃᑯᑦ.
- ᐅᐸᒍᑎᓗᑎᑦ ᓘᒃᑖᓕᐊᕐᕕᖕᒧᑦ ᐃᓂᒃᓴᓕᐅᖅᑕᐅᓗᑎᓪᓗ.
ᐋᓐᓂᐊᕐᓂᕐᒧᑦ ᐃᓱᒫᓘᑕᐅᔪᑦ ᐃᓂᒃᓴᓕᐅᖅᑕᐅᒃᑲᓐᓂᕆᐊᓖᑦ:
- ᐃᓅᓕᓴᐅᑎᑖᒃᑲᓐᓂᕈᑎᒃᓴᑦ
- ᑎᒥᒥᒃ ᓱᑲᖃᓗᐊᕐᓂᕐᒧᑦ ᐊᐅᓚᑦᑎᓂᖅ
- ᐊᕐᕌᒍᑕᒫᑦ ᑎᒥᒃᑯᑦ ᖃᐅᔨᓴᖅᑕᐅᓃᑦ
- ᐊᔾᔨᐅᙱᑦᑐᓂᑦ ᑎᒥᒃᑯᑦ ᖃᐅᔨᓴᖅᑕᐅᓃᑦ (ᐊᖁᑎᓄᑦ ᖃᐅᔨᓴᖅᑕᐅᔾᔪᑎᑦ, ᐃᒪᕕᖕᒥ ᐃᓗᐊᖅᓴᐃᔨᑦ, ᑲᓇᑕᐅᑉ ᓯᓚᑖᓂᙶᖅᑐᑦ ᐃᓗᐊᖅᓴᐃᔨᑦ, ᐊᓯᖏᓪᓗ)
- ᑐᓐᓂᖅᑯᑕᐅᔪᖅ ᓘᒃᑖᒧᑦ ᐱᔨᑦᑎᕋᖅᑕᐅᓗᓂ
- ᐃᖅᑲᓇᐃᔭᕐᕕᖕᒥ ᖃᐅᔨᓴᖅᑕᐅᔾᔪᑎᑦ ᐊᒻᒪ ᑕᑕᑎᕆᐊᓖᑦ (ᐊᐅᓚᔪᓐᓇᖅᑐᓄᑦ ᖃᐅᔨᓴᕈᑎᓄᑦ ᑕᑕᑎᕆᐊᓖᑦ)
- ᕿᑐᕐᖏᐅᕐᓂᖅ ᖃᓄᐃᙱᑦᑎᐊᕐᓗᓂ
- ᐋᓐᓂᕐᓇᖅᑐᒥᒃ ᐃᒃᐱᖕᓂᐊᖏᓐᓇᐅᔭᕐᓂᖅ
- ᐃᓱᒪᓕᕆᓂᖅ
- ᐋᓐᓂᐊᕆᔭᐅᖏᓐᓇᓕᖅᐸᒃᑐᓄᑦ ᐊᐅᓚᑦᑎᓂᖅ (ᑎᒥᒃᑯᑦ ᓱᑲᖃᓗᐊᕐᓂᖅ, ᐊᐅᒃᑯᑦ ᖁᕝᕙᓯᓗᐊᕐᓂᖅ, ᐊᓯᖏᓪᓗ)
- ᓱᐴᖅᑐᖃᑦᑕᕈᓐᓃᕐᓂᖅ
- ᐊᐅᖏᖅᑕᐅᓂᕐᒧᑦ ᑐᒃᓯᕋᐅᑎᑦ/ᑕᑯᔭᐅᒃᑲᓐᓂᖅᑐᑦ
- ᑕᕐᕋᖅᑐᖅᑕᐅᔪᒪᔾᔪᑏᑦ/ᖃᐅᔨᒋᐊᖅᑕᐅᒃᑲᓐᓂᖁᔭᐅᔪᑦ
ᐱᕙᒌᔭᖅᐸᒡᓗᑎᑦ ᐃᓂᒃᓴᕆᓂᐊᖅᑕᕐᓄᑦ ᓘᒃᑖᓕᐊᕐᕕᖕᓂ:
- ᐃᓂᒃᓴᓕᐅᖅᐸᒌᕐᓗᑎᑦ ᓯᕗᓂᐊᒍᑦ, ᓲᕐᓗ, ᐄᔭᒐᖃᑦᑕᖅᑕᑎᑦ ᐃᓗᓪᓕᒃᑲᓐᓂᕆᐊᖃᖅᐸᑕ ᐱᓇᓱᐊᕈᓯᕐᓂᒃ−ᑕᖅᑭᕐᓂᒃ, ᐃᓂᒃᓴᓕᐅᖅᐸᒌᕐᓗᑎᑦ ᓯᕗᓂᑲᓪᓛᒍᑦ ᖃᐅᔨᒪᑦᑎᐊᕐᓂᐊᕋᕕᑦ ᓈᒻᒪᒃᑐᓂᒃ ᐃᓅᓕᓴᐅᖅᑎᖃᕋᓗᐊᕐᒪᖔᖅᐱᑦ ᑕᑯᔭᐅᕝᕕᒃᓴᕕᑦ ᐅᓪᓗᖓ ᑎᑭᓐᓇᓱᖕᓂᖓᓂ.
- ᓇᓗᓇᐃᒃᑯᑦᑎᕐᓗᒍ ᑕᑯᔭᐅᕝᕕᒃᓴᕕᑦ ᐅᓪᓗᖓ ᐅᓪᓗᖅᓯᐅᑎᒃᑯᑦ ᑭᖑᕙᓛᙱᓐᓇᕕᑦ.
- ᐱᕙᒌᔭᕐᓗᒋᑦ ᐃᓅᓕᓴᐅᑎᑎᑦ ᑕᑯᔭᐅᕝᕕᒃᓴᕐᓄᐊᓚᐅᙱᓐᓂᕐᓂ ᐅᕝᕙᓘᓐᓃᑦ ᐅᖃᓘᑎᖕᓄᑦ ᐊᔾᔨᓕᐅᕆᓚᐅᙱᓐᓂᕐᓂ, ᖃᐅᔨᒪᒋᐊᕐᓗᑎᑦ ᑐᑭᓯᒋᐊᒐᒃᓴᓕᒫᑦ ᐊᔾᔨᓕᐅᖅᑕᐅᒐᓗᐊᕐᒪᖔᑕ. ᐅᖄᓚᔪᓐᓇᕐᒥᔪᑎᑦ ᐄᔭᒐᖅᑖᕐᕕᖕᒧᑦ ᐱᔪᒪᓗᑎᓪᓗ ᑎᑎᕋᖅᓯᒪᔪᓂᒃ ᒫᓐᓇ ᐃᓗᐊᖅᓴᐅᑎᓂᒃ ᐃᓕᖕᓄᑦ ᑐᓂᔭᐅᓯᒪᔪᓂᒃ.
- ᐊᐱᖅᑯᑎᒃᓴᖃᕐᕕᒋᔭᕐᓂᒃ ᓇᒃᓴᕐᓗᑎᑦ ᐃᓗᐊᖅᓴᐃᔨᒧᑦ
- 15 ᒥᓂᑦᓯᓂᒃ ᖃᐃᓵᓕᓗᑎᑦ ᑕᑯᔭᐅᕝᕕᒃᓴᕐᓄᑦ.
- ᐊᑎᓕᐅᕐᑕᐅᑎᓪᓗᑎᑦ ᐊᑎᓕᐅᕐᕕᖕᒥ ᐃᕐᖐᓐᓇᖅ ᐃᓯᕈᕕᑦ ᑕᑯᔭᐅᕝᕕᒃᓴᕐᓄᑦ.
- ᑕᑯᑎᑦᑎᖁᔭᐅᓂᐊᖅᑐᑎᑦ ᐋᓐᓂᐊᕕᓕᐊᕈᓐᓇᐅᑎᖕᓂᑦ ᑕᑯᔭᐅᕝᕕᒃᓴᕐᓄᑦ ᐊᑎᓕᐅᓕᐅᖅᑕᐅᓕᕈᕕᑦ.
- ᖃᐅᔨᒪᒋᐊᕐᓗᑎᑦ ᐋᓐᓂᐊᕕᓕᐊᕈᓐᓇᐅᑎᑦ ᐊᑐᕋᓗᐊᕐᒪᖔᑦ ᐃᓱᓕᕝᕕᐊᓃᖏᓪᓗᓂᓗ. ᐋᓐᓂᐊᕕᓕᐊᕈᓐᓇᐅᑏᑦ ᐃᓱᓕᓯᒪᒃᐸᑦ, ᐊᑎᓕᐅᕆᔨᑦ ᑎᑎᕋᕐᕕᒃᓴᒥᒃ ᑐᓂᓯᔪᓐᓇᖅᐳᖅ ᐱᐊᓂᒋᐊᖃᕋᔭᖅᑕᐃᓪᓗ ᓄᑖᙳᕆᐊᖅᑕᐅᔾᔪᑎᒃᓴᖅ.
- ᖃᐅᔨᒪᒋᐊᕐᓗᒍ ᖃᐅᔨᒋᐊᕐᕕᒃᓴᕕᑦ ᓇᓗᓇᐃᔭᐅᑎᖏᑦ (ᐅᖃᓘᑎᕕᑦ ᓈᓴᐅᑖ ᑐᕌᕈᑏᓪᓗ) ᐅᓪᓗᒥᒨᖓᔪᑦ ᐊᑐᖃᑦᑕᖅᑐᑦ ᐊᒻᒪᓗᑦᑕᐅᖅ ᑐᐊᕕᕐᓇᖅᑐᓄᑦ ᖃᐅᔨᒋᐊᕐᕕᒃᓴᑦ.
- ᑎᑎᕋᖅᑎᑉ ᐱᑎᓐᓂᐊᖅᐹᑎᑦ ᐋᓐᓂᐊᕕᓕᐊᕈᑎ ᑎᑎᖅᑲᖏᓐᓂᒃ ᓂᐱᑎᒐᕐᓂᒃ ᐊᑎᓕᐅᖅᑕᐅᖃᑕᐅᓯᒪᓕᕈᕕᑦ ᑕᑯᔭᐅᕝᕕᒃᓴᕐᓄᑦ. ᖃᐅᔨᒋᐊᑦᑎᐊᖅᐸᒡᓗᒋᑦ ᑎᑎᕋᖅᓯᒪᔪᑦ ᓂᐱᑎᒐᑦ ᑕᒻᒪᖓᙱᒻᒪᖔᑕ ᐋᓐᓂᐊᕕᓕᐊᖅᑐᖅ ᑎᑎᕋᖅᓯᒪᒐᓗᐊᕐᒪᖔᑦ ᓇᓗᓇᐃᒃᑯᑕᖏᓐᓂᒃ ᓂᐱᑎᒐᕐᓂ.
- ᑕᑯᔭᐅᒃᑲᓐᓂᕆᐊᖃᕐᓂᕐᒧᑦ ᐃᓂᒃᓴᓕᐅᖅᑕᐅᓯᒪᒃᑲᓐᓂᖁᔭᐅᒍᕕᑦ ᓯᕗᓂᑦᑎᓐᓂᑦ, ᐃᓂᒃᓴᓕᐅᖅᑕᐅᑲᐅᑎᒋᖁᓇᔭᖅᐸᐃᑦ ᑕᑯᔭᐅᒃᑲᓐᓂᕐᕕᒃᓴᐃᑦ, ᑕᐃᒫᒃ ᑕᑯᔭᐅᒃᑲᓐᓂᕐᕕᒃᓴᐃᑦ ᖃᕆᑕᐅᔭᒧᐊᕐᑕᐅᓗᓂ ᐃᖅᑲᐃᓯᔾᔪᑎᓗ ᐱᓕᕆᐊᖑᓗᓂ ᑕᑯᔭᐅᒃᑲᓐᓂᕐᕕᒃᓴᐃᑦ ᓇᓪᓕᓚᐅᖅᑳᕋᓂ.
ᖃᐅᔨᒪᔨᑕᕐᓄᑦ ᐱᔨᑦᑎᕋᐅᑎᑦ:
- ᑕᑯᔪᒪᒍᕕᑦ ᐱᓕᕆᔨᒻᒪᕆᖕᒥᑦ ᕿᑭᖅᑕᓂ ᐋᓐᓂᐊᕕᐊᓗᖕᒥᑦ, ᐃᓂᒃᓴᓕᐅᖅᑳᕆᐊᖃᕋᔭᖅᐳᑎᑦ ᐃᓚᒌᓄᑦ ᓘᒃᑖᒧᑦ ᐋᓐᓂᐊᓯᐅᑎᒧᓪᓘᓐᓃᑦ. ᑕᑯᔭᐅᓕᕈᕕᑦ, ᐱᑎᑦᑎᔨ ᖃᐅᔨᓂᐊᖅᑐᖅ ᑐᓐᓂᖅᑯᑕᐅᓂᖅ ᓘᒃᑖᒧᑦ ᐱᔨᑦᑎᕋᐅᑎᒧᑦ ᐱᔪᓐᓇᖅᑎᑕᐅᖕᒪᖔᑦ ᒪᓕᒡᓗᓂᒋᑦ ᖃᐅᔨᓴᖅᑕᐅᔾᔪᑎᑎᑦ. ᑕᒪᕐᒥᑦᑎᐊᖅ ᓘᒃᑖᑦ ᐱᔨᑦᑎᕋᕐᓂᕆᕙᒃᑕᖏᑦ ᐱᔭᕆᐊᖃᖅᐸᒃᐳᑦ ᑐᓐᓂᖅᑯᑕᐅᒋᐊᖃᖅᐸᒃᖢᑎᒃ ᐃᓚᒌᑦ ᓘᒃᑖᖓᓐᓄᑦ ᐋᓐᓂᐊᓯᐅᖅᑎᒧᓪᓘᓐᓃᑦ.
ᐃᑲᔪᖅᑕᐅᔭᕆᐊᖃᕈᕕᑦ ᐋᓐᓂᐊᕕᓕᐊᕈᓐᓇᐅᑎᒧᑦ ᐃᓂᒃᓴᓕᐅᖅᑕᐅᓂᕐᒧᓪᓘᓐᓃᑦ, ᖃᐅᔨᒋᐊᕈᓐᓇᖅᐳᑎᑦ ᐅᕗᖓ (867) 975-8600 ᑭᐅᔭᐅᒍᕕᓪᓗ ᐃᑲᔪᖅᑕᐅᓂᐊᖅᐳᑎᑦ. ᐅᐸᒍᑎᓪᓚᑦᑖᕈᓐᓇᕐᒥᔪᑎᑦ ᐃᑲᔪᖅᑕᐅᔪᒪᓗᑎᑦ.
ᐱᐅᔪᒃᑯᑦ ᖃᐅᔨᕈᓘᔭᕐᓂᕈᕕᑦ, ᑐᓴᕐᕕᒋᔪᒪᑦᑎᐊᖅᐸᑦᑎᒋᑦ. ᐱᔨᑦᑎᖅᑕᐅᔪᒧᑦ ᖃᐅᔨᓴᕈᑎᒥᒃ ᐱᔪᒪᓗᑎᑦ ᑕᑯᔭᐅᕌᓂᒃᑯᕕᑦ.
ᓈᒻᒪᒃᓴᙱᒃᑯᕕᑦ ᑕᑯᔭᐅᕝᕕᒋᓵᖅᑕᕐᓂᒃ, ᑎᓕᐅᖅᐸᑦᑎᒋᑦ ᐋᓐᓂᐊᓕᐊᖅᑐᓕᕆᔨᒃᑯᓐᓄᑦ ᑐᓴᖅᑎᑦᑎᖁᓪᓗᑎᑦ ᐅᕗᖓ ᐅᖄᓚᕝᕕᒋᓗᒋᑦ (867) 975-5703 ᐅᕝᕙᓘᓐᓃᑦ ᐊᑭᖃᙱᑦᑐᒃᑯᑦ ᐅᕗᖓ (855) 438-3003. ᐃᕐᖐᓐᓈᖅᑕᐅᒃᑯᑦᑕᐅᖅ ᑎᑎᕋᕐᕕᐅᔪᓐᓇᕐᒥᔪᑦ ᐅᕗᖓ: @email.