ᐃᓕᓐᓂᐊᑎᑦᓯᔨ/ᐃᓕᓐᓂᐊᑎᑦᓯᔨ ᐊᕙᑎᓕᕆᓂᕐᒧᑦ ᐃᓕᓐᓂᐊᕐᓂᖅ
ᐱᓕᕆᐊᖅ ᐆᒪᔪᖅ ᐊᑖᓂᓗ 0
ᐊᕙᑎᓕᕆᔨᒃᑯᑦ ᐃᓕᑕᕆᔭᐅᔾᔪᑎᑖᖅᑎᑦᓯᔨᑐᐊᖑᕗᖅ ᓄᓇᕗᒻᒥ ᐱᓕᒻᒪᑦᓴᖅᑎᑦᓯᓂᕐᒧᑦ ᑲᓇᑕᒥ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᑦ ᐆᒪᔪᓂᒃ ᐃᓕᓐᓂᐊᖅᑎᑦᓯᓂᕐᒧᑦ ᐱᓕᕆᐊᑦᓴᖏᓐᓂ. ᐱᓕᕆᐊᖅ ᐆᒪᔪᖅ ᐊᑖᓂᓗ 0 ᒪᕐᕈᐊᖅᑎ ᖃᐅᔨᓴᖅᑕᐅᖃᑦᑕᖅᐳᑦ ᐊᒻᒪ ᓇᓗᓇᐃᖅᑕᐅᓯᒪᑦᓯᐊᖅᓱᑎᒃ ᐊᕙᑎᓕᕆᓂᕐᒧᑦ ᐃᓕᓐᓂᐊᕐᓂᕐᒧᑦ ᑲᓇᑕᒥ ᐃᓕᓐᓂᐊᑎᑦᓯᔨᓄᑦ ᐊᑐᖅᑕᐅᓯᒪᓕᖅᑐᑦ ᐅᑭᐅᑦ 15 ᐅᖓᑖᓄᑦ. ᐊᑖᓂ 0−ᒥ ᐋᖅᑭᒃᑕᐅᓚᐅᖅᐳᖅ ᐊᕙᑎᓕᕆᓂᕐᒧᑦ ᐃᓕᓐᓂᐊᕐᓂᕐᒧᑦ "ᐅᑭᐅᒃᑯᑦ ᐊᕙᑎᖃᕐᓂᖅ", ᐃᑲᔫᑎᑦᓯᐊᕙᐅᓪᓗᓂ ᓄᓇᕗᒻᒥ ᐃᓕᓐᓂᐊᑎᑦᓯᔨᓄᑦ. ᐊᕙᑎᓕᕆᔨᒃᑯᑦ ᐆᒪᔪᓂᒃ ᐃᓕᓐᓂᐊᖅᑎᑦᓯᓂᕐᒧᑦ ᐃᓕᓐᓂᐊᖅᓯᓐᓈᑦ ᑲᑎᒪᓃᑦ ᐊᑐᐃᓐᓇᐅᑎᑕᐅᕗᑦ ᓄᓇᕗᒻᒥ ᐃᓕᓐᓂᐊᑎᑦᓯᔨᓄᑦ ᐊᒻᒪ ᐃᓕᑕᕆᔭᐅᔾᔪᑎᑖᖃᑦᑕᖅᑐᑦ ᐱᔭᕇᖅᓯᓂᕐᒧᑦ, ᐱᔭᕇᖅᓯᓂᕐᒧᑦ ᐱᓕᕆᐊᑦᓴᒥᒃ ᐆᒪᔪᓂᒃ ᐊᒻᒪ 0−ᒥ ᐃᓕᓐᓂᐊᖅᑕᐅᔪᒃᓴᓂᒃ ᖃᐅᔨᒪᔾᔪᑎᓂᒃ ᐊᓯᖏᓐᓂᓪᓗ ᐱᒻᒪᕆᐅᔪᓂᒃ ᐃᓕᓐᓂᐊᖅᑎᑦᓯᔾᔪᑎᑦᓴᓂᒃ. ᐊᕙᑎᓕᕆᔨᒃᑯᑦ ᐊᑐᐃᓐᓇᐅᑎᑦᓯᖃᖅᑕᖅᑐᑦ ᐆᒪᔪᓂᒃ ᐃᓕᓐᓂᐊᑎᑦᓯᓂᕐᒧᑦ ᐃᓕᓐᓂᐊᖅᓯᓐᓈᑦ ᑲᑎᒪᓂᕐᓂᑦ ᑐᑦᓯᕋᐅᑕᐅᒐᐃᒻᒪᑕ ᐊᕕᑦᑐᖅᓯᒪᔪᓂᑦ ᐃᓕᓐᓂᐊᑎᑦᓯᔨᓄᑦ ᑲᑎᒪᓂᐅᔪᓂᑦ, ᐃᓚᒋᔭᐅᑦᓱᓂ ᐊᒡᒋᖅᐸᓪᓕᐊᔪᒧᑦ ᕿᑭᖅᑕᓂ ᐊᕕᑦᑐᖅᓯᒪᔪᓂᑦ ᐃᓕᓐᓂᐊᑎᑦᓯᔨᓄᑦ ᑲᑎᒪᑎᑦᓯᓂᕐᒧᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐆᒪᔪᓂᒃ ᐃᓕᓐᓂᐊᖅᑎᑦᓯᓂᐅᑉ ᒥᑦᓵᓄᑦ, ᑕᑯᒋᐊᕐᓗᒍ ᑲᓇᑕᒥ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᑦ.
ᐊᓯᖏᑦ ᐱᓕᒻᒪᑦᓴᕐᓂᐅᔪᑦ
ᐊᕙᑎᓕᕆᓂᕐᒧᑦ ᐃᓕᓐᓂᐊᕐᓂᖅ ᑐᓴᐅᒪᑎᑦᓯᔨᒃᑯᓪᓗ ᐊᑐᐃᓐᓇᐅᑎᑦᑎᖃᑦᑕᕆᕗᑦ ᐱᓕᒻᒪᑦᓴᖅᑎᑦᓯᓂᕐᒧᑦ ᐱᕚᓪᓕᕈᑎᑦᓴᓅᖓᔪᓂᒃ ᓄᓇᕗᒻᒥ ᐃᓕᓐᓂᐊᑎᑦᓯᔨᓄᑦ ᐊᔾᔨᒌᙱᑦᑐᓂᓪᓗ ᐊᕙᑎᒥ-ᐊᑦᑐᐊᓂᖃᖅᑐᓄᑦ ᐱᔾᔪᑎᑕᐅᔪᓂᑦ. ᖃᐅᔨᒋᐊᕐᕕᒋᓗᒍ @email ᑐᑭᓯᒋᐊᒃᑲᓐᓂᕈᒪᒍᕕᑦ.