ᐃᖅᑲᓇᐃᔭᖅᑎᑦᑎᓂᖅ
ᐃᖅᑲᓇᐃᔭᖅᑎᑦᑎᓂᖅ
ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᑲᑐᔾᔨᖃᑎᒌᖕᓂᒃᑰᖃᑦᑕᖅᐳᖅ ᒐᕙᒪᒃᑯᑦ ᐱᓕᕆᕝᕕᖏᓐᓂ ᐋᖅᑭᒃᓱᐃᓪᓗᑎᒃ ᐊᑐᓕᖅᑎᑦᑎᓪᓗᑎᒡᓗ ᐃᖅᑲᓇᐃᔭᖅᑎᒃᓴᖅᓯᐅᕋᓱᐊᕐᓂᕐᒧᑦ ᐱᓕᕆᐊᖑᔭᕆᐊᖃᖅᑐᓄᑦ, ᐱᓗᐊᖅᑐᒥᒃ ᐊᑐᑦᑎᐊᕋᓱᐊᕐᓂᖅ ᒐᕙᒪᒃᑯᑦ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᓯᕗᓪᓕᐅᔾᔭᐅᔪᒪᔪᒥᒃ. ᐃᖅᑲᓇᐃᔭᖅᑎᓴᖅᓯᐅᖅᑏᑦ ᓴᕿᑎᑦᑎᓲᖑᕗᖅ ᐊᑐᐊᒐᕐᓂᒃ ᐊᒻᒪᓗ ᐱᓕᕆᔾᔪᓯᕐᓂᒃ ᐃᑲᔫᑎᒃᓴᐅᓂᐊᕐᓗᑎᒃ ᐃᖅᑲᓇᐃᔭᓄᑦ ᐊᑑᑎᔭᕆᐊᖃᖅᑕᖏᓐᓄᑦ ᐊᒻᒪᓗ ᐊᐅᓚᑦᑎᔾᔪᑎᐅᓂᐊᕐᓗᑎᒃ ᐊᕕᒃᑐᖅᑕᐅᓯᒪᔪᑎᒍᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᓂᑦ ᒐᕙᒪᖓᓄᑦ, ᐱᖃᓯᐅᑎᓗᒍᓗ
ᐃᖅᑲᓇᐃᔭᖅᑏᑦ ᓄᒃᑎᖅᑕᐅᖃᑦᑕᕐᓂᖏᓐᓄᑦ ᐱᓕᕆᐊᖑᔪᖅ.
ᑖᒃᑯᐊ ᐊᐅᓚᑦᑎᖃᑦᑕᖅᐳᑦ ᐊᑕᐅᓰᓐᓇᕐᒦᑦᑐᑦ ᐃᖅᑲᓇᐃᔭᖅᑎᒃᓴᖅᓯᐅᕈᑎᒋᕙᒃᑕᖏᓐᓂᒃ ᐱᔨᑦᑎᕋᐅᑎᖏᓐᓂᒡᓗ ᓄᓇᕗᑦ ᒐᕙᒪᖓᓄᑦ, ᐃᓕᓴᐃᔩᑦ, ᐋᓐᓂᐊᖅᑐᓕᕆᔨᒻᒪᕇᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ, ᐊᒻᒪ ᓄᓇᕗᒻᒥ ᓯᓚᑦᑐᖅᓴᕐᕕᒃᑯᑦ ᐃᖅᑲᓇᐃᔭᖅᑎᖏᑦ ᐱᙱᖦᖢᒋᑦ. ᐱᖃᓯᐅᔾᔭᐅᓪᓗᑎᒃ, ᐃᖃᓇᐃᔮᒧᑦ ᐱᓇᔪᒃᑐᓂᒃ ᕿᒥᕐᕈᓂᕐᒧᑦ, ᐃᖃᓇᐃᔮᖅᑕᕋᓱᒃᑐᓂᒃ
ᐊᐱᖅᓱᕐᓂᖅ, ᐊᒻᒪᓗ ᓂᕈᐊᕐᓂᖅ ᐃᖃᓇᐃᔮᒧᑦ ᐱᓇᔪᒃᑐᓂᑦ, ᖃᐅᔨᒋᐊᕐᕕᖃᕐᓂᖅ ᐱᓂᕐᓗᒃᓯᒪᖏᒻᒪᖓᑦ, ᐃᖃᓇᐃᔮᒃᓴᒥᒃ ᒪᓂᒪᕝᕕᐅᔪᓂᑦ, ᓄᒃᑎᖅᑎᑦᑎᓂᕐᒧᑦ ᐱᔨᑦᑎᕋᐅᑎᓂᒃ ᐊᒻᒪ ᐃᖅᑲᓇᐃᔭᖅᑎᐅᓚᐅᑲᒃᐸᒃᑐᓂᑦ ᐃᓇᖏᖅᑎᐅᕙᒃᑐᓂᓪᓗ.