ᐊᑐᐊᒐᓕᕆᓂᕐᒥ ᖃᐅᔨᓴᖅᓯᔨ, ᑎᒥᖑᖅᑎᑕᐅᓯᒪᔪᑉ ᐊᑐᐊᒐᖓ

ᑖᓐᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᑐᕌᖓᔪᖅ.

ᓄᓇᕗᑦ ᒐᕙᒪᒃᑯᑦ ᓂᕈᐋᖅᑕᐅᓚᕐᒪᑕ ᐃᓚᒋᔭᐅᑎᑕᐅᓪᓗᑎᒃ ᑲᓇᑕᒥ ᐱᐅᓛᑦ ᐊᔾᔨᒌᖏᑦᑐᑎᑦ ᐃᖃᓇᐃᔭᖅᑎᑦᑎᔨᓂᖏᓐᓄᑦ, ᐃᖃᓇᐃᔭᖅᑎᐅᓂᖅᐹᖑᓪᓗᑎᒃ ᒪᒃᑯᒃᑐᑦ ᐃᓅᖃᑎᒌᓐᓂᑦ ᐊᒻᒪᓗ ᐃᓕᓐᓂᐋᖅᓯᒪᓂᕐᒥᑦ ᐱᔭᕇᒃᓯᕋᑖᓚᐅᖅᑐᓂᑦ ᑕᒪᓂ 2022−ᒥ. ᐃᓚᒋᔭᐅᖕᒪᑦ ᓱᒃᑲᓕᓂᖅᐹᒥᑦ ᐱᕈᒃᐸᓪᓕᐋᓂᖃᕐᓗᓂ ᐊᒻᒪᓗ ᒪᒃᑯᒃᑑᑕᐅᓂᖅᐹᖑᓪᓗᑎᒃ ᐃᓄᒋᐊᓐᓂᖏᑦ ᑲᓇᑕᒥ, ᓄᓇᕗᑦ ᐱᕙᓪᓕᐋᑎᑦᑎᓂᖅᐹᖑᖕᒪᑦ, ᐆᒻᒪᕆᒃᑑᓪᓗᓂ ᓄᓇᓕᖃᕐᕕᒃ, ᐃᒪᓐᓇᐅᔪᒪᓪᓗᓂ ᐱᐅᓂᖅᐹᖑᓕᕈᒪᓪᓗᓂ ᐃᓂᒋᔭᐅᔪᓐᓇᕋᔭᕐᓂᕐᒥ ᓯᕗᓂᒃᓴᒥ ᑭᖑᕚᕆᔭᐅᓂᐊᖅᑐᓄᑦ. ᒐᕙᒪᐅᓂᑦᑎᓐᓄᑦ, ᓴᙱᓂᖅᓴᐅᓕᖅᑎᑦᑎᕙᓪᓕᐊᒐᑦᑕ ᐊᔾᔨᐅᖏᑦᑐᖁᑎᑕ ᐋᖅᑭᒃᓯᒪᓂᖓᓂᑦ ᐊᐅᓚᑦᑎᓂᕐᒥ – ᐃᓚᓕᐅᔾᔨᓪᓗᓂᓗ ᐃᓄᐃᑦ ᐃᓅᖃᑎᒋᖕᓂᕐᒧᑦ ᐱᕕᐋᕐᓇᖅᑐᖁᑎᖏᓐᓂᑦ, ᐊᑐᖅᑕᐅᓂᖅᓴᐅᑎᑦᑎᓪᓗᓂ ᐃᓄᐃᑦ ᐅᖃᓪᓚᒍᓯᖓᓂᑦ, ᐱᕙᒡᓗᓂ ᑭᒡᒐᖅᑐᐃᔪᒥᒃ ᒐᕙᒪᒃᑯᓐᓂ ᐱᔨᑦᓯᕈᑎᒥᒃ, ᐊᒻᒪᓗ ᐃᖃᓇᐃᔭᖃᑎᖃᓲᖑᓪᓗᑕ ᐱᓕᕆᖃᑎᒋᔭᑦᑎᓐᓂᑦ ᐱᔪᓐᓇᖅᓯᖁᓪᓗᒋᑦ ᐱᔭᐅᓂᐋᕐᓂᕋᒃᑕᐅᓯᒪᔪᓂᒃ ᓄᓇᕗᕐᒧᑦ. ᐃᖃᓇᐃᔭᖅᑖᖅᑎᑕᐅᔪᑦ ᐃᖃᓇᐃᔭᖅᑖᕋᓱᒃᑐᒥᓃᑦ ᐊᑭᑭᓗᐋᙱᑦᑐᓂᑦ ᑮᓐᓇᐅᔭᒃᓴᑦᑎᐋᖅᑎᑕᐅᓂᐋᕐᒪᑕ, ᐃᓅᓕᓴᖅᑕᐅᔾᔪᑎᖃᕈᓐᓇᕐᓗᑎᒃ ᐊᒻᒪᓗ ᑮᒍᑎᓕᕆᔭᐅᔪᑎᖃᕈᓐᓇᕐᓗᑎᒃ ᐃᑲᔪᖅᑕᐅᔾᔪᑎᓂᒃ, ᓇᓗᓇᐃᖅᓯᒪᑦᑎᐋᖅᑐᓂᑦ ᐃᑲᔪᖅᑕᐅᔾᔪᑎᖃᕐᓗᑎᒃ ᐃᓐᓇᖁᐋᖅᑐᖅᓯᐅᑎᑦ ᐸᕐᓇᒃᓯᒪᔾᔪᑎᓂᒃ, ᑲᔪᓯᑦᑏᐊᕐᓗᑎᒃ ᐃᖃᓇᐃᔭᐃᓇᖅᐸᑕ ᐊᑭᓕᖅᑕᐅᒃᑲᓐᓂᕈᑎᖃᑉᐸᒡᓗᑎᒃ, ᐊᐅᓪᓛᕆᐊᖃᕐᓂᖅᐸᑕ ᐃᑲᔪᖅᑕᐅᔪᓐᓇᕐᓗᑎᒃ, ᐊᒻᒪᓗ ᐱᔪᓐᓇᖅᑎᑕᐅᒐᔭᖅᖢᑎᒃ ᐊᔪᕈᓐᓂᖅᓴᔪᓐᓇᕐᓗᑎᒃ ᐊᒻᒪᓗ ᐃᖃᓇᐃᔮᒥᖕᓂ ᓯᕗᒧᐋᒃᐸᓪᓕᐋᑎᑕᐅᓗᑎᒃ.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᕝᕕᐅᕗᖅ ᓄᓇᕗᑦ ᒐᕙᒪᖓᓂ ᐱᔨᑦᑎᖅᖢᑎᒃ ᐃᒡᓗᓕᕆᓂᕐᒥᒃ ᐃᓄᒋᐊᒃᓯᕙᓪᓕᓂᖅᐹᖑᓪᓗᓂ ᑲᓇᑕᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᖓ ᓴᖅᑭᑎᑦᑎᓗᑎᒃ, ᐱᓕᕆᐊᖃᑎᖃᕐᓗᑎᒃ, ᐊᒻᒪᓗ ᐊᐅᓚᑦᑎᓗᑎᒃ ᓴᖅᑭᑕᐅᓯᒪᔪᓂᒃ ᓈᒻᒪᒃᑐᓂᒃ ᐊᑐᐃᓐᓇᐅᑎᑕᐅᔪᓂᒃ ᐃᒡᓗᒥᒃ ᐊᑐᖅᑐᐊᖅᑕᒥᓂᒃ ᐊᑭᓕᖅᓱᒐᒃᓴᐅᓂᖅᓴᐅᓗᑎᒃ ᐃᓚᒌᓄᑦ ᑭᓇᑐᐃᓐᓇᕐᒧᓪᓗ ᓄᓇᕗᒻᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᖓᑦᑎᐊᖅ ᓄᓇᕗᒻᒧᑦ 3000 ᐸᕐᓇᒍᑎ, (www.igluliuqatigiingniq.ca) ᐱᓕᕆᖃᑎᒌᖕᓂᒃᑯᑦ ᒐᕙᒪᒃᑯᑎᒍᑦ ᐱᓕᕆᖃᑎᖏᓪᓗ ᓴᖅᑭᑎᑦᑎᓗᑎᒃ 3,000−ᓂᒃ ᓄᑖᓂᒃ ᐃᒡᓗᒋᔭᐅᔪᒃᓴᓂᒃ ᐱᓕᕆᐊᖑᐃᓐᓇᕋᔭᖅᖢᓂ 2030−ᒨᖓᓗᒍ.

ᐅᓂᒃᑳᕆᐊᖅᑐᖅᐸᒡᓗᓂ ᑐᑭᒧᐊᖅᑎᑦᑎᔨᒧᑦ, ᐊᑐᐊᒐᓄᑦ ᐊᒻᒪᓗ ᐱᓕᕆᔾᔪᑎᒃᓴᑦᑎᐊᕙᖕᓂᑦ ᐸᕐᓇᒍᑎᓂ, ᐊᑐᐊᒐᓕᕆᓂᕐᒥ ᖃᐅᔨᓴᖅᓯᔨ, ᑎᒥᖑᖅᑕᐅᓯᒪᔪᒧᑦ ᐊᑐᐊᒐᓕᕆᔨ ᑲᒪᒋᔭᖃᕐᒪᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᑲᒪᒋᔭᖃᕆᓪᓗᓂ ᑎᒥᖑᖅᑎᑕᐅᓯᒪᔪᑉ ᐱᓕᕆᔾᔪᑎᒃᓴᑦᑎᐊᕙᐃᑦ ᐸᕐᓇᒍᑎᖏᓐᓂᒃ, ᐊᑐᐊᒐᕐᓂᒃ ᐊᒻᒪᓗ ᐱᓕᕆᔪᓯᕐᓂᒃ ᐊᒻᒪᓗ ᑐᓴᐅᒪᖃᑎᒌᒍᑎᓂᒃ. ᐃᖃᓇᐃᔭᖅᑖᖅᑐᖅ ᐃᖃᓇᐃᔮᖅᑕᕋᓱᐊᖃᑕᐅᔪᓂᑦ ᐱᓕᕆᒋᐊᕈᑎᖃᕋᔭᖅᑐᖅ ᐊᑐᖅᑕᐅᖁᔨᓕᕐᓗᓂ ᓴᓇᔭᐅᖁᓗᒍ ᐅᕝᕙᓘᓐᓃᑦ ᐋᖅᑭᒋᐊᖅᑕᐅᖁᓗᒍ ᒪᓕᒐᓕᐊᖑᓯᒪᔪᖅ, ᐅᕝᕙᓘᓐᓃᑦ ᐱᕙᓪᓕᐊᑎᑦᑎᓗᓂ ᓄᑖᓂᒃ ᐊᑐᐊᒐᕐᓂᒃ ᐅᕝᕙᓘᓐᓃᑦ ᐱᓕᕆᔾᔪᓯᕐᓂᒃ, ᒪᓕᒃᓯᒪᓗᑎᒃ ᒫᓐᓇᐅᔪᖅ ᖃᐅᔨᓇᓱᐊᓂᕐᒧᑦ ᐊᒻᒪᓗ ᒐᕙᒪᓕᕆᓂᕐᒧᑦ ᓯᕗᓪᓕᐅᑎᔭᕆᐊᓕᖕᓂᑦ ᐃᑲᔪᖅᓱᖅᑕᐅᓗᓂ ᖃᐅᔨᓇᓱᐋᖅᓯᓂᒃᑯᑦ.

ᐊᑑᑎᖃᓂᖅᐹᑦ ᑲᒪᒋᔭᕆᓂᐋᑦᑕᖏᑦ ᐃᖃᓇᐃᔭᖅᑖᖅᑑᑉ ᐃᖃᓇᐃᔭᑕᕋᓱᐊᖃᑕᐅᓯᒪᔪᓂ ᐃᓚᖃᓂᐋᒻᒥᔪᑦ ᒪᑯᓂᖓ:

• ᐱᔭᐅᑎᑦᑎᕙᒡᓗᓂ ᐊᒡᓚᒡᕕᓕᕆᔨᐅᓂᕐᒧᑦ ᐃᑲᔪᖅᓱᐃᔾᔪᑎᓂᒃ ᒥᓂᔅᑕᒧᑦ, ᑲᑎᒪᔨᑦ ᑐᑭᒧᐊᒃᑎᑦᑎᔨᖏᓐᓄᑦ, ᐊᔪᖏᓛᑦ ᐊᐅᓚᑦᑎᔨᓄᑦ ᐊᒻᒪᓗ ᐊᖓᔪᖃᐅᑎᑦ ᑲᑎᒪᔨᕋᓛᖏᓐᓄᑦ;
• ᐱᓕᕆᕙᒡᓗᓂ ᑕᒪᐃᑎᒍᑦ ᖃᐅᔨᓴᖅᓯᓂᕐᒥᑦ ᑐᒃᓯᕌᖑᓯᓚᔪᓂᒃ ᐊᑐᐊᒐᕐᓂᒃ ᐊᒻᒪᓗ ᐱᓕᕆᔾᔪᑎᓂᒃ;
• ᑲᒪᔨᐅᓗᓂ ᐱᕙᓪᓕᐊᑎᑦᑎᓂᕐᒥᒃ ᐃᒡᓗᖃᒃᑎᑦᑎᔪᑎᑦ ᖃᐅᔨᓇᓱᐊᖅᑕᐅᓂᖏᓐᓄᑦ ᐱᓕᕆᐊᒃᓴᓂᒃ ᐊᒻᒪᓗ ᒪᒃᑯᓄᙵᖓᔪᓂᒃ ᐃᓅᖃᑎᒋᓄᑦ−ᒪᑭᒪᓇᓱᐊᕈᑎᑦ ᖃᐅᔨᓇᓱᐋᖅᑕᐅᓂᖏᓐᓄᑦ;
• ᖃᐅᔨᒪᒋᐋᖅᓯᕙᒡᓗᓂ ᐊᒻᒪᓗ ᖃᐅᔨᓴᖅᓯᑦᑎᐋᖅᐸᒡᓗᓂ ᒐᕙᒪᓕᕆᓂᕐᒥ, ᐃᓅᖃᑎᒋᓕᕆᓂᕐᒥ, ᒪᑭᒪᓇᓱᐊᕈᑎᓂ, ᐊᒻᒪᓗ ᐆᒪᔾᔪᓯᐅᕙᒃᑐᓂᒃ ᐱᕙᓪᓕᐊᑎᑦᑎᓂᐅᔪᓂᒃ ᐊᒃᑐᐃᓯᒪᔪᓂᒃ ᐃᒡᓗᖃᒃᑎᑦᑎᔪᑎᓂᑦ; ᐊᒻᒪᓗ
• ᐋᖅᑭᒃᓱᐃᕙᒡᓗᓂ ᐊᒻᒪᓗ ᓇᑲᑎᕆᕙᒡᓗᓂ ᐃᓕᓴᕆᔭᐅᓯᒪᓗᓂ ᑐᒃᓯᕋᐅᑎᒋᔭᐅᔪᓂᒃ ᐊᒻᒪᓗ ᐱᑐᐃᓐᓇᐃᖏᑦᑐᓂᑦ ᑎᑎᖃᐅᓯᐊᖑᓯᒪᔪᓂᒃ ᑕᐃᒪᓐᓇᐅᔭᕆᐋᖄᑐᐊᖅᐸᑕ.

ᖃᐅᔨᒪᓗᓂ, ᐱᓕᕆᑦᑎᐊᕈᓐᓇᕐᓗᓂ, ᐊᒻᒪᓗ ᐱᓕᕆᔪᓐᓇᕐᓗᓂ ᐱᔭᐅᓯᒪᔭᕆᐊᓕᑦ ᑖᑦᓱᒧᖓ ᐱᔭᐅᓯᒪᔭᕆᐋᓕᑦ ᐃᖃᓇᐃᔭᒧᖓᔪᑦ ᐱᔭᐅᓱᖑᒪᑕ ᐊᑑᑎᓕᖕᒥ ᐃᓕᓐᓂᐊᕆᐊᖅᓯᒪᓂᖃᒃᑲᓂᕐᓗᓂ ᐱᔭᕇᒃᓯᔾᔪᑎᖃᓪᓗᓂᓗ ᓇᖕᒥᓂᖁᑎᒥ ᐊᐅᓚᑦᑎᓂᕐᒥᒃ ᐊᖏᔫᑎᓂ ᑮᓇᐅᔭᓕᕆᓂᕐᒥ, ᓇᖕᒥᓂᖁᑎᓕᕆᓂᕐᒥ, ᐅᕝᕙᓘᓐᓃᑦ ᓈᓴᐅᓯᕆᓂᕐᒥ, ᐊᒻᒪᓗ ᒪᕐᕉᖕᓂᒃ (2) ᐊᕐᕌᒍᓂᒃ ᓯᕗᒧᐋᒃᐸᓪᓕᐊᓗᓂ ᐃᖃᓇᐃᔭᓚᐅᖅᓯᒪᓗᓂ ᓈᓴᐅᓯᕆᓂᕐᒥ, ᑕᒪᖅᓯᒪᔪᖅᓯᐅᕐᓂᕐᒥ, ᐅᕝᕙᓘᓐᓃᑦ ᐊᔾᔨᓪᓗᐋᐸᓗᖏᓐᓂ ᑮᓇᐅᔭᓕᕆᓂᕐᒧᑦ ᓈᓴᐅᓯᕆᓂᕐᒥᒃ ᐱᓕᕆᖃᑦᑕᖅᓯᒪᓗᓂ. ᓇᓗᓇᐃᖅᑕᐅᓯᒪᓗᑎᒃ ᐃᖃᓇᐃᔭᕆᓚᐅᖅᓯᒪᔭᖏᑦ ᐱᔭᐅᔭᕆᐊᖃᒻᒪᑕ ᒪᕐᕌᖕᓂᒃ ᐅᕝᕙᓘᓐᓃᑦ ᐊᒥᓲᓂᖅᓴᓂᒃ ᒪᑯᓇᓂ ᐃᖃᓇᐃᔭᓚᐅᖅᓯᒪᓗᓂ: ᐊᑐᐊᒐᓕᕆᓂᕐᒥ ᖃᐅᔨᓇᓱᐊᕐᓂᕐᒥᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒥ, ᐱᓕᕆᔾᔪᑎᓂᒃ ᖃᐅᔨᓴᖅᓯᔨᐅᓗᓂ, ᐱᓕᕆᔾᔪᑎᒃᓴᑦᑎᐊᕙᖕᓂᑦ ᐸᕐᓇᒃᐸᒡᓗᓂ, ᐱᕙᓪᓕᐊᔪᓕᕆᔨᓂᒃ ᐱᓕᕆᖃᑎᖃᕈᓐᓇᕐᓗᓂ, ᑐᓴᐅᒪᖃᑎᒋᒍᑎᓕᕆᔪᓐᓇᕐᓗᓂ, ᐃᓅᖃᑎᒋᓂᒃ ᐃᖃᓇᐃᔭᖃᒃᐊᒡᓗᓂ, ᐊᒻᒪᓗ ᐊᑐᐃᓐᓇᐅᑎᑦᑎᖃᑦᑕᕐᓂᕐᒥᑦ. ᐃᖃᓇᐃᔭᓚᐅᖅᓯᒪᓗᓂ ᖃᐅᔨᓴᖅᓯᔨᐅᓗᓂ ᐃᒡᓗᖃᒃᑎᑦᑎᔾᔪᑎᑦ ᐊᑐᐃᓇᐅᑎᑕᐅᕕᖏᓐᓂᒃ, ᐱᓕᕆᐊᓴᓂᒃ ᐊᐅᓚᑦᑎᔨᐅᓯᒪᓗᓂ, ᐅᕝᕙᓘᓐᓃᑦ ᐱᓕᕆᕙᒡᓗᓂ ᑲᒪᔨᐅᓗᓂ ᐃᖃᓇᐃᔭᒥᒃ ᑭᒡᒐᖅᑐᐃᔨᓂᒃ, ᑲᑎᒪᔨᓂᒃ ᐅᕝᕙᓘᓐᓃᑦ ᒐᕙᒪᒃᑯᓐᓂ ᑎᒥᖁᑕᐅᔪᓂᒃ ᐃᓱᒪᒋᔭᐅᒐᔭᖅᐳᑦ ᐃᑲᔫᑎᖃᓂᕋᑕᐅᓗᑎᒃ.

ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓃᑦ ᓄᓇᕗᕐᒥ ᒪᑯᐊᖑᖕᒪᑕ ᐃᓄᒃᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕕᒃᑯᑎᑐᑦ. ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ. ᐅᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ ᐅᓄᕐᓂᖅᓴᐅᔪᒥ ᐊᑕᐅᓯᕐᒥ ᓄᓇᕘᑉ ᒪᓕᒐᑎᒍᑦ ᐊᑐᖅᑕᐅᖁᔭᐅᓯᒪᔪᑦ ᐅᖃᐅᓯᓂᑦ ᐃᓱᒪᒋᔭᐅᓇᔭᖅᐳᖅ ᐱᒻᒪᕆᐅᓂᖓᓂ. ᖃᐅᔨᒪᓗᓂ ᐃᓄᖕᓄᑦ ᓄᓇᓕᖕᓂᑦ, ᐃᓕᖅᑯᓯᖏᓐᓂᑦ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᐊᒻᒪᓗ ᐃᖃᓇᐃᔭᖅᓯᒪᓗᓂ ᐃᖃᓇᔭᓪᓗᓂ ᐅᑭᐅᖅᑕᖅᑐᕐᒥ ᐊᔾᔨᒌᖏᑦᑐᓂᒃ−ᐃᓕᖅᑯᓯᓕᖕᓄᑦ ᐃᖃᓇᐃᔭᕐᕕᖕᒥ ᐃᓱᒪᒋᔭᐅᖃᓯᐅᑎᖕᒪᑕ ᐊᑑᑎᖃᓂᖏᓐᓂᑦ.

ᓈᒻᒪᒋᔭᐅᒐᔭᕐᒪᑕ ᐊᑕᐅᑦᑎᒃᑰᖅᓯᒪᒃᐸᑕ ᐃᓕᓐᓂᐊᖅᓯᒪᓂᖅ ᐊᒻᒪᓗ ᐃᖃᓇᐃᔭᖅᓯᒪᓂᑦ ᐃᓱᒪᒋᔭᐅᖃᓯᐅᑎᔪᓐᓇᕋᔭᕐᒥᔪᑦ ᑖᔅᓱᒧᖓ ᐃᖃᓇᐃᔭᒧᑦ. ᐃᓕᖕᓂᑦ ᑲᔪᖏᖅᓴᐃᕗᒍᑦ ᐃᖃᓇᐃᔭᖅᑖᕋᓱᐋᖁᓪᓗᑎᑦ ᐱᖃᑐᐋᕈᕕᑦ ᑕᐃᒪᓗᐊᐸᓘᖃᑎᖏᓐᓂᑦ ᐊᕐᕌᒍᓂ ᐃᓕᓐᓂᐊᖅᓯᒪᓂᖃᕈᕕᑦ ᐊᒻᒪᓗ/ᐅᕝᕙᓘᓐᓃᑦ ᐃᖃᓇᐃᔭᖅᓯᒪᓗᑎᑦ ᑕᐃᒫᓪᓗᐊᖃᑕᐅᓗᑎᒃ ᐃᓕᓐᓂᐊᖅᓯᒪᓂᕐᒧᑦ ᐊᒻᒪᓗ ᐃᖃᓇᐃᔭᖅᓯᒪᓂᕐᒧᑦ ᐱᔭᐅᓯᒪᖁᔭᐅᓪᓗᑎᒃ ᑎᑎᖅᑕᐅᓯᒪᔪᓂᑦ ᑕᑉᐸᒃᑯᓇᓃᑦᑐᓂᑦ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂᑦ ᓴᖅᑮᑐᐃᓐᓇᕆᐊᓖᑦ ᓯᕗᓂᒃᓴᒧᑦ ᑎᑎᕋᖅᓯᒪᔪᖃᑐᐃᓐᓇᕆᐊᓕᒃ.

ᑖᔅᓱᒥᖓ ᐃᖅᑲᓇᐃᔮᖅᑖᕈᒪᓐᓂᕈᕕᑦ, ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ ᓇᒃᓯᐅᑎᔪᓐᓇᖅᑕᑦ ᑎᑎᖅᑲᓕᐊᑦ ᐃᖅᑲᓇᐃᔭᖅᑖᕋᓱᐊᕈᑎᒥᒡᓗ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᔪᒪᖕᒪᑦ ᓴᕿᑎᑦᑎᔪᒪᓪᓗᓂ ᑭᒡᒐᖅᑐᐃᓂᕐᒧᑦ ᐃᖃᓇᐃᔭᖅᑎᐅᖃᑎᒌᓂᑦ; ᑕᐃᒪᐃᒻᒪᑦ, ᓯᕗᓪᓕᐅᑎᑕᐅᓇᓱᖕᓂᐋᖅᑐᑦ ᓄᓇᕗᑦ ᐃᓄᖏᑦ ᑕᐃᒃᑯᐊ ᓇᖕᒥᓂᖅ−ᓇᓗᓇᐃᖅᑐᑦ ᐊᑎᓕᐅᖅᑕᐅᓯᒪᓂᕋᕐᓗᑎᒃ ᓄᓇᕗᑦᑖᕈᑎᑦ ᐊᖏᖃᑎᒋᒍᑎᖏᓐᓂ ᒪᓕᒡᓗᒍ ᓯᕗᓪᓕᐅᑎᑕᐅᔭᕆᐊᖃᕐᓂᖏᓐᓄᑦ ᐃᖃᓇᐃᔭᓕᖅᑎᑦᑎᓂᕐᒧᑦ ᐊᑐᐊᒐᕐᒧᑦ.
• ᓄᓇᕗᑦ ᒐᕙᒪᒃᑯᑦ ᐃᖃᓇᐃᔭᖅᑎᖏᑦ ᐃᖃᓇᐃᔭᖅᑐᑦ ᖃᐅᔨᓴᖅᑕᐅᓗᑎᒃ ᐃᖃᓇᐃᔭᖅᑎᑕᐅᔪᑦ ᐱᔭᕆᐊᖃᒃᑎᑕᐅᕗᑦ ᐊᒻᒪᓗ ᑐᓂᓯᓗᑎᒃ ᑎᑎᕋᒃᓯᒪᔪᓂᒃ ᐱᓕᕆᔪᓐᓇᖅᑎᑦᑎᔾᔪᑎᓂᒃ ᑐᖓᓂᖅ ᓂᐊᖁᕆᔭᐅᔪᒦᙵᕐᓗᑎᒃ ᐃᖃᓇᐃᔭᖅᑎᑦᑎᔨᒋᔭᖏᓐᓅᕐᓗᑎᒃ ᐱᓕᕆᕕᖕᒧᑦ. ᐱᓕᕆᔪᓐᓇᖅᓯᑎᑦᑎᔪᑦ ᑐᖓᓕᖅ ᓂᐊᖁᕆᔭᐅᔪᒦᖓᖅᑐᑦ ᐱᖃᓯᐅᔾᔨᓯᒪᔭᕆᐋᓕᑦ ᐃᖃᓇᐃᔮᖅᑖᕋᓱᐋᕈᑎᖕᓂᑦ ᑐᒃᓯᕋᐅᑎᒋᔭᑎᑦ ᐃᓱᒪᒃᓴᖅᓯᐅᕈᑕᐅᔪᓐᓇᖅᓯᖁᓪᓗᒍ.
• ᐃᖅᑲᖅᑐᐃᕕᒃᑯᑦ ᐸᓯᔭᒃᓴᕕᓃᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐃᓱᒪᒃᓴᖅᓯᐅᔾᔪᑕᐅᒐᔭᖅᐳᑦ. ᖃᐅᔨᓴᖅᓯᓂᖅ ᐱᕋᔭᒃᓯᒪᓂᕐᒧᑦ ᐅᓂᑳᓕᐊᖑᓯᒪᔪᓂᒃ ᖃᐅᔨᓴᖅᑕᐅᒐᔭᕐᒪᑕ ᖃᐅᔨᒋᐋᕈᑕᐅᓗᑎᒃ ᑎᑭᐅᒪᔭᖏᑦ ᐊᒻᒪᓗ ᐃᖃᓇᐃᔮᕆᔭᐅᒐᔭᖅᑐᓂᑦ ᐃᖃᓇᐃᔮᒧᑦ. ᑕᒪᓐᓇ ᒪᑯᓂᖓᑐᐋᖅ ᐱᓕᕆᐋᖑᔭᕆᐊᖃᒃᑎᑦᑎᖕᒪᑦ ᐃᖃᓇᐃᔭᑦ ᑕᐃᒃᑯᐊ ᓈᒻᒪᒋᔭᐅᔭᕆᐊᖃᒃᑎᑦᑎᔪᑦ ᐱᕋᔭᒃᓯᒪᔪᖅᓯᐅᑎᑦ ᐅᓂᑳᓕᐊᖑᓯᒪᓂᖏᓐᓂᑦ ᐅᕝᕙᓘᓐᓃᑦ ᐱᓂᕐᓗᒃᑕᐅᑐᐃᓐᓇᕆᐊᖃᓂᖓᓄᑦ ᐃᖃᓇᐃᔭᕐᕕᖁᑎ ᖃᐅᔨᓴᖅᑕᐅᓗᓂ.
• ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ.
• ᐃᖅᑲᓇᐃᔮᖅᑖᕋᓱᒃᑐᑦ ᓈᒻᒪᒋᔭᐅᒍᑎᒃ ᐊᐱᖅᓱᖅᑕᐅᒐᔭᖅᑐᑐᐊᑦ.
•  ᐃᖅᑲᓇᐃᔮᖅᑖᕋᓱᒃᑐᖅ ᑲᒪᒋᔭᕆᐊᖃᖅᐸᐅᒃ ᐃᓕᓐᓂᐊᒃᑲᓐᓂᕐᓂᕆᓯᒪᔭᖓᓂᒃ ᓇᓗᓇᐃᒃᑯᑕᕐᓂᒃ ᑕᕆᐅᑉ ᐊᑭᐊᓂᕐᒥᐅᓂᒃ ᐱᔪᓐᓇᕐᓂᕋᖅᑕᐅᓯᒪᔪᓂᒃ ᖃᐅᔨᓴᖅᑕᐅᔭᕆᐊᖃᖅᑐᓂᒃ ᐃᓕᓴᕆᔭᐅᓯᒪᔪᒥᒃ ᑲᓇᑕᐅᑉ ᐃᓕᓐᓂᐊᖅᑐᓕᕆᔨᒃᑯᖏᑎᒍᑦ. ᑖᓐᓇ ᐱᓕᕆᐊᖑᖏᑉᐸᑦ ᐃᖅᑲᓇᐃᔮᖅᑖᕋᓱᒃᑐᖅ ᑕᑯᓇᒃᑕᐅᙱᑐᐃᓐᓇᕆᐊᓕᒃ ᖁᔭᓈᖅᑕᐅᓗᓂ.