ᐊᑐᐊᒐᓕᕆᔨ - ᓴᖅᑭᔮᖅᑎᑕᐅᒃᑲᓐᓂᖅᑐᖅ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᓄᑐᐊᖅ ᑐᕌᖓᔪᖅ.

ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐊᑐᐊᒐᓕᕆᔨ ᐊᒻᒪ ᐸᕐᓇᐃᔨ (ᐊᐅᓚᑦᑎᔨ), ᐊᑐᐊᒐᓂᒃ ᖃᐅᔨᓴᖅᑎ (ᖃᐅᔨᓴᖅᑎ) ᑲᒪᒋᔭᖃᖅᐳᖅ ᖃᐅᔨᓴᕐᓂᕐᒥᒃ, ᖃᐅᔨᓴᐃᓂᐅᔪᓂ ᐊᒻᒪ ᑎᑎᕋᕐᓂᕐᒧᑦ ᐱᔾᔪᑎᖃᖅᑐᓂ ᐊᑐᐊᒐᕐᓂᒃ ᐊᒻᒪ ᑎᓕᐅᕈᑕᐅᔪᓂᒃ, ᐅᓂᒃᑳᓕᐊᖑᓯᒪᔪᓂᒃ, ᒥᓂᔅᑕᓄᑦ ᑲᑎᒪᔨᓄᑦ ᐊᒻᒪ ᑮᓇᐅᔭᓕᕆᔨᑦ ᑲᑎᒪᔨᓄᑦ ᑐᓂᔭᐅᓂᐅᔪᓄᑦ ᐊᒻᒪ ᐱᓕᕆᕝᕕᐅᑉ ᐱᓕᕆᐊᒃᓴᓄᑦ ᐸᕐᓇᐅᑎᖓᓐᓄᑦ. ᐃᖅᑲᓇᐃᔭᖅᐸᒡᓗᓂ ᐃᓛᒃᑰᕐᓗᓂ ᐊᒻᒪ ᐱᓕᕆᖃᑎᒌᓂᒃ, ᖃᐅᔨᓴᖅᑎ ᐃᑲᔪᖅᑐᐃᖃᑦᑕᕐᓂᐊᖅᐳᖅ ᐱᓕᕆᕝᕕᓕᒫᓂᒃ ᐃᑲᔪᖅᐸᒡᓗᓂᓗ ᑕᒪᐃᓐᓄᑦ ᐊᑑᑎᖃᑦᑎᐊᖅᑐᓄᑦ ᐱᓕᕆᕝᕕᖕᒧᑦ ᐱᓕᕆᐊᒃᓴᖏᓐᓂᒃ ᑲᔪᓯᑎᑦᑎᑎᓪᓗᒋᑦ. ᖃᐅᔨᓴᖅᑎ ᐃᑲᔪᖃᑦᑕᖅᑐᖅ ᐱᕙᓪᓕᐊᑎᑦᑎᓂᕐᒥᑦ ᐃᑲᔪᖅᑐᖅᑐᓂᑦ ᐱᖁᑎᓂᑦ ᒥᓂᔅᑕᓄᑦ ᒥᓂᔅᑕᐅᑉ ᑐᒡᓕᐊᓄᓪᓗ ᓴᖅᑭᑦᑎᖃᑦᑕᖅᑐᒧᑦ ᒪᓕᒐᓕᐅᕐᕕᖕᒥᑦ. ᐊᑐᐊᒐᓄᑦ ᖃᐅᔨᓴᖅᑎ ᐃᑲᔪᐃᓲᖑᕗᖅ ᐱᓕᕆᕝᕕᐅᑉ ᐊᑐᖅᑕᐅᔭᕆᐊᓕᖕᓂ/ᐱᓕᕆᐊᖑᔪᓄᑦ ᐸᕐᓇᐃᓂᕐᒧᑦ ᐱᒋᐊᕈᑕᐅᔪᓂ ᐊᒻᒪᓗ ᐃᓛᓐᓂᓚᐅᓱᖓᖅ ᐊᐅᓚᑦᑎᔪᓐᓇᖅᐳᖅ ᐸᕐᓇᐃᓂᐅᔪᓂ ᑲᓇᑕᒥ/ᑲᓇᑕᐅᑉ ᐊᕕᒃᑐᖅᓯᒪᓂᐅᔪᓂ/ᓄᓇᕗᒻᒥ ᐱᓕᕆᐊᓄᑦ ᐊᒻᒪ ᐊᓯᖏᑦ ᐊᑕᐅᓯᐊᖅᑕᐅᓗᑎᒃ ᐱᓕᕆᐊᖑᔪᒃᓴᓂᒃ.

ᐊᑐᐊᒐᓄᑦ ᖃᐅᔨᓴᖅᑎ ᐃᑲᔪᖅᓱᐃᖃᑦᑕᕐᓂᐊᖅᐳᖅ ᒥᓂᔅᑕᒧᑦ, ᐊᖓᔪᖅᑲᐅᑎᖃᕐᕕᖕᒧᑦ ᐱᓕᕆᕝᕕᖕᒧᓪᓗ ᐊᑕᖏᕐᓗᒋᑦ ᐃᑲᔪᖅᓱᖅᐸᒡᓗᒋᑦ ᐱᓕᕆᕝᕕᖕᒥᐅᑦ ᖃᐅᔨᓴᖅᐸᒡᓗᓂ, ᐃᑲᔪᖅᐸᒡᓗᓂ ᒪᓕᒐᓕᐊᖑᔪᒪᔪᓄᑦ/ᐊᑐᐊᒐᕐᓂ ᐱᕙᓪᓕᐊᑎᑦᑎᓂᕐᒥ, ᖃᐅᔨᓴᕐᓂᕐᒥ ᐃᖏᕐᕋᐃᓐᓇᖅᑐᓄᑦ ᐱᓕᕆᕝᕕᖕᒧᑦ ᐱᒋᐊᕈᑕᐅᔪᓂ, ᐱᕙᒌᔭᕐᓂᕐᒥ ᒥᓂᔅᑕᒧᑦ ᑐᑭᓯᒋᐊᕈᑎᓂᑦ, ᑎᑎᕋᖅᑕᐅᒋᐊᕐᖓᕆᐊᓕᖕᓂᒃ ᑎᑎᕋᖅᐸᒡᓗᓂ ᖃᐅᔨᓇᓱᒃᐸᒡᓗᓂᓗ ᐊᐅᓚᑦᑎᔨᒋᔭᐅᕙᒡᓗᓂᓗ ᑭᐅᔨᐅᕙᒡᓗᓂᓗ ᐊᐱᖅᑯᑎᓄᑦ ᓴᖅᑭᑕᐅᔪᓂᒃ ᒪᓕᒐᓕᐅᕐᕕᖕᒥ. ᐃᖅᑲᓇᐃᔮᖅᑖᖅᑐᖅ ᐱᕙᓪᓕᐊᑎᑦᑎᖃᑦᑕᕐᓂᐊᖅᑐᖅ ᐊᐅᓚᑦᑎᕙᒡᓗᓂᓗ ᑎᑎᕋᖅᓯᒪᔪᓂᑦ ᑐᒃᓯᕋᐅᑎᓂᑦ ᒪᓕᒐᓕᐅᕐᕕᖕᒥᑦ ᓲᕐᓗ ᑭᐅᔾᔪᑎᓂᑦ ᐊᑐᓕᖁᔭᐅᓯᒪᔪᓄᑦ ᑲᑎᒪᔨᕋᓛᓄᑦ/ᐱᓕᕆᐊᓄᑦ ᒪᓕᒐᓕᐅᕐᕕᖕᒥᑦ ᐱᓕᕆᖃᑎᖃᕐᓗᓂ ᐊᐅᓚᑦᑎᔨᖓᓂᑦ ᑐᑭᒧᐊᒃᑎᑦᑎᔨᖓᓂᓪᓗ, ᐊᑐᐊᒐᕐᓂᑦ ᐸᕐᓇᐃᓂᕐᒧᓪᓗ ᓈᒻᒪᒃᑐᓂᒡᓗ ᐱᓕᕆᐊᓄᑦ ᐊᐅᓚᑦᑎᔨᓂᑦ. ᑖᔅᓱᒥᖓ ᐃᖅᑲᓇᐃᔮᓕᒃ ᐃᑲᔪᖃᑦᑕᖅᑐᖅ ᐊᐅᓚᑦᑎᔨᒥᑦ ᐊᐅᓚᑦᑎᓂᕐᒧᑦ ᑐᑭᒧᐊᒃᑎᑦᑎᓂᕐᒧᓪᓗ ᐊᐅᓚᑦᑎᔨᒻᒪᕇᑦ ᑲᑎᒪᔨᖏᓐᓂᑦ ᐸᕐᓇᐃᓂᒃᑯᑦ ᐱᓕᕆᔾᔪᓯᕐᒥᑦ ᓇᓗᓇᐃᖅᓯᓂᕐᒥᓪᓗ ᐊᑐᖅᑕᐅᖃᑦᑕᖅᑐᓂᑦ ᐱᓕᕆᔾᔪᓯᕐᓂᓪᓗ ᐋᖅᑭᒃᓯᒪᒐᓗᐊᕐᒪᖔᑕ ᐊᑐᓕᖅᑎᑦᑎᓂᕐᒥᑦ ᖃᐅᔨᓴᕐᓂᕐᒥᓪᓗ ᖃᓄᐃᓐᓂᐅᔪᓂᑦ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ ᐊᒻᒪ ᐱᓕᕆᔪᓐᓇᕆᐊᓕᖏᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᐳᑦ ᐃᓕᓴᕆᔭᐅᓯᒪᔪᒥᒃ

ᐃᓕᓐᓂᐊᕇᖅᓯᒪᔪᓄᑦ ᐃᓕᓐᓂᐊᕌᓂᒍᓯᐊᖅᑐᓄᑦ ᑭᒃᑯᑐᐃᓐᓇᕐᓄᑦ ᐊᑐᐊᒐᓕᕆᓂᕐᒥ/ᑎᑎᕋᕐᕕᖕᒥᐅᑕᓕᕆᓂᕐᒥ, ᐃᓄᖕᓂᒃ ᖃᐅᔨᓴᖅᑐᓕᕆᓂᕐᒥ, ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥ, ᒪᓕᒐᓕᕆᓂᕐᒧᑦ ᐊᒃᑐᐊᓂᓕᖕᓄᓪᓘᓐᓃᑦ ᐱᓕᕆᐊᖑᔪᒃᓴᓄᑦ. ᒪᕐᕉᖕᓂᒃ ᐅᑭᐅᖕᓂᒃ ᐱᕙᓪᓕᐊᔭᐅᔪᒃᑯᑦ ᖃᐅᔨᓴᖃᑦᑕᖅᓯᒪᓗᓂ ᐃᓄᖕᓄᑦ ᐊᑐᐊᒐᕐᓂᒃ, ᐱᓕᕆᐊᒃᓴᓂᒡᓗ, ᐊᒻᒪ ᐱᓕᕆᔾᔪᓯᕐᓂᒃ ᐊᖏᔪᒥᒃ ᑲᑐᔾᔨᖃᑎᒌᒡᕕᖕᒥ ᐅᕝᕙᓘᓐᓃᑦ ᒐᕙᒪᒃᑯᓐᓄᑦ ᐋᖅᑭᒃᑕᐅᓯᒪᔪᒥᒃ. ᑐᓴᐅᒪᑎᑦᑎᔪᓐᓇᑦᑎᐊᕐᓗᓂ ᑕᒪᐃᓐᓂᒃ ᐅᖃᐅᓯᒃᑯᑦ ᑎᑎᖅᑲᑎᒍᓪᓗ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᒃᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᑖᔅᓱᒥᖓ ᐃᖃᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓇᖅᑕᐅᒃᑯᑦ ᑎᑎᕋᕐᓗᑎᑦ ᐃᖃᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᑎᖕᓂ.

⦁    ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᒻᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒃᖢᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ.
⦁    ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔭᕆᐊᓖᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᐅᑎᑖᕈᑎᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓄᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ.  
⦁    ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ.  
⦁    ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
⦁    ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
⦁    ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᔪᒃᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.