Havaktingit

You are here

Ihumaliurutikhat Ilaujumaguvit talvuuna Tikkuaqtaujumaguvit Havaktuliqinirmut Atuqtakhainut Katimajiit

Niqiliqivik 09, 2021

Kavamatkunnin Tuhaqtitaudjutikhaq

Ihumaliurutikhat Ilaujumaguvit talvuuna Tikkuaqtaujumaguvit Havaktuliqinirmut Atuqtakhainut Katimajiit

Havagviat Maligaliqijikkut qiniqhimaaqtun havadjagiktumik inungnik ihumagijut ikajurumajunik talvani Havaktuliqinirmut Atuqtakhainut Katimajiini.

Katimajiit piliurniaqtunataani Havaktuliqinirmut Atuqtakhainut Maligarmi ihuaqhailutiklu ihuiguuhuutainik havaktittijunit imaaluuniit havaktiinit pidjutiqaqtunik ihumaliurutinginik imaalu Havaktuliqinirmut Atuqtakhainut Havaktimit.

Uuktuqtun havagiikhimajukhat imaalu/imaaluuniit ilihimajukhat havaktuliqinikkut nanminiqarnirmiklu, ihuaqhaidjutikharnik maligaliqinikkut. Uqariktukhat titirattiarnirmiklu ajuittukhat Qablunaatun piqaqtukhaujut, ilaunirmik amigaittunik taiguakhaqarniaqtun, kangiqhimajukhatlu maligaliqinikkut ajuqhautauvaktunik, pittaarlutiklu ihivriurhilutik/titirariamingniklu naunaitumik ihuaqtumik ihumaliurutikhamingnik. Uqariktukhat titirattiarnirmiklu ajuittukhat Inuktitut, Inuinnaqtun, imaalu/imaaluuniit Uivivitun ikajuutauniaqtun.

Uuktuqtun upalungaikhimajukhat havaktukharnik 5mit 15mut ikaarniinik atauhirmi pingahut tatqiqhiutit naatarangata upautilutik Katimajiit havaktakhainik, taimaittunik naunaijaiplutik ihuiguhuutaijunik tunijauhimajut ataani uumani Havaktuliqinirmut Atuqtakhainut Maligarmi, naunaijaiplutik/titiraqhugit ihumaliurutitik, imaalu havakhugit nalaaktitaujukhat. Amigainikhait havaktakhangit iniqtiqtauniaqtun unngahiktukkut. Ajuiqhaudjihungujut katimajiujunik imaalu Katimajiit akiliqtauvakhungujut ubluini katimadjutaini ikajuutainiklu pitqujauhimajut.

Hulijuktun nunallaamiutat tamaani Nunavunmi uuktuqutaujun. Uukturumajun tujuqtukhat titirarlutik uukturumagumik, havaakhaqhiurunmiklu, umingalu ihuinaarutiqaqtunik naunaitkutainnik naunaijarniq (CRC) talvunga nlsb@gov.nu.ca.

Kangiqhitiarumaguvin, iliturikarlugit ukua Nunavunmi Havaktuliqinirmut Atuqtakhainut Katimajiit uvanincrb@gov.nu.ca hivajaarlugitluuniit 867-975-6159.

Uukturvikhanut nutqarvikhaa Niqiliqivik 20, 2021.

###

Tuhaqtipkainikkut Uqarvigijakhat:

Isabelle Gingras
Atugakhanut Tuhagakhanullu Naunaijaiji
Havagviat Maligaliqijikkut
867-975-6324
igingras@gov.nu.ca