Havaktingit

You are here

Taangaliqinikkut auladjutikharnik niruaqtitiniaqtut imaalu inungnik katimapkainiaqtut Arviani

Aktuupa 19, 2020

Kavamatkunnin Tuhaqtitaudjutikhaq

Taangaliqinikkut auladjutikharnik niruaqtitiniaqtut imaalu inungnik katimapkainiaqtut Arviani

Minista Kiinaujaliqijitkunniangiqtuq niruarvikhanik taangaliqinikkut auladjutikhanik niruarvikhanik Arviani apiriplugit nunaqaqtut niruaqquplugit aallanguqtirumajut taangarniq pillahivikhanik. Taangaliqinikkut auladjutikhanik niruaqtitiniaqtut niruaqvikhat Hivulliunmi, Nuvaiba 9, 2020, hivuagut niruarvikhat Hivulliunmi, Nuvaiba 2, 2020.

Minista tujuqtauhimajuq inungnit atiliurutimik nunaqaqtunit inungnit Arviani tukhiqtut taangaliqinikkut auladjutikhanik niruarvikhanik aallangurumaplugit tadja taangaliqinikkut atuqtaujut pittailidjutiqaqtunit avatqutilimaitun aquiqtuqtangit qaffiutilaanganik atuqtakhamik. THamna tukiqaqtuq tapkuat nunaqaqtut rviani niruaqqata aallangurumaplugu, niuvviktaalirniaqtut imaaluuniit tikipkailutik kigliqaqtunik amigaitilanginnik taangarnik nunamingnut. Uukturumajait amigaitilakhangit aktilakhanginiklu kiglikhait 8.552 litres beernik (24 x 355ml havigaliit) imaalu 8 litres winemik (2 x 4 litre qijuqut imaaluuniit 10 x 750 ml hikuliat) naataraikpata saivat ublut. Titiraqhimajut ataani Tannganik Maligaq, taima 60 pusantiujukhat niruaqtitnit imaatut niruaqtukhat "angiqtut" allanguqtitirijaangat qanurinnikhanik nunamingni.

Ikajuutikhanik nunaqaqtut Arviani kangiqhilugu Nunavutim taangaliqinikkut maligait imaalu aallangurumajatik, Havagviat Kiinaujaliqijikkut katimapkainiaqtut inungnik malruiqturlutik. Hapkuat katimavikhangit katimaniaqtut Hitamiunmi, Aktuuba 29, 2020, ubluqhiut 12 qitiqqukpat imaalu 6 mungaqqan talvani John Ollie Katimavianni. Aulladjutaanio COVID-19 qalagjuarnirmit pittailijaujut, taimaatuinnaq 100 inungnik imaaluuniit 75% -ngujumik inugiangnikhanik igluqpangmi, nalliak ikitqijaukpat, upautittaaktut katimajunut. Arviani, una tukiqaqtuq 100 inuit upautittaaktut atauhirmut katimajunut.

Tamarmik nunaqaqtut Arviani qaitqujaujut uqautigilugit aallanguqtakhat tadja nunamingni taangaliqinikkut tuqtaujut katimaqataujukhanik Havagianit Kiinaujaliqijikkut imaalu Nunavunmi Niruaqtuliqijikkut. Tiitutikhaqarniaqtut kaapituurniaqtullu.

Aallanik naunaitkutikhanik talvuuna inungnik katimapkaivikhanik, qaritaujakkut titirrvigilugit financeinfo@gov.nu.ca.

###

Tuhaqtipkainikkut Uqarvigiyakhaq:

Weichien Chan
Atan'nguyaq, Tuhagakhanut
Kiinauyaliqiyitkut Havagvia
867-975-6818
FinanceComs@gov.nu.ca