Havaktingit

You are here

Nunavut Kavamangit ikayuutikharnik talvuuna haalitairnaqtiluni umikhimaniaqtun

Tissaipa 19, 2017

Inungnun Tuhaqtitauyughaq

Nunavut Kavamangit ikayuutikharnik talvuuna haalitairnaqtiluni umikhimaniaqtun

Tamaita Nunavut Kavamangit (GN) afisiangit umikhimaniaqtun talvanga Ubluirvia 22, 2017mi Ubluqtuhirvia 1, 2018mun angmaffaaqlutik. Uvani haalitaiknartiluni umikvikharni, ukuat ikayuutikhangit pigiaqaqtun ikayuutikhangit:

Nunalingni Kavamatkunilu Pivikhaqautikkut

Nunavut Amigaqhuutiqaqqan Munagiyunik ikayuutikhat pigiaqaqtun amigaqhuutikhaq 24nik ikaakninik ubluq tamaat, akiituq hivayauta uvani 1-800-693-1666.

Inuliriyitkut

Amigakhuutiqaqqan talvuna nuttaqqanik qanuriliurutikharnik piqarniaqtun. Hivayagiaqaqtan naunairutit tamaini nunalaani ikayuuhialiqiyiit pigiaqaqtun uvani: https://gov.nu.ca/sites/default/files/Social-Services-Offices.pdf.

Kiinauyaliqiyitkut

Taarniliqinikkut laisikhangit pigiaqaqtun niuvrutigiyaangat talvani Iqaluktuutiakmi Kugluktukmilu afisiani. Naunaiyagiaqaqtutin tapkuninga havaktinin haalitaikvikhangit ikaakningit havakniaqtainik. Laisililgit nunalaani aquiqtugiaqaqtunik aulalimaitun talvanga Iqalungnik uvanilu Kangilinirmi tamayaqarviangani, unalu tuyuqtauyukharnik laisikhangit tuniyauniaqtun talvanga Iqalungni Kangiqlinirmi laisiliqivingmi afisiani talvuuna haalitaiknaqhitiluni.

Havakvingit ikaakningit ikikliyumiqtitiniaqtun talvani Iqalungni bialiqivingmi wainiklu niuvaivingmi. Talvuuna Ubluirvia 22, 23, 27, 28, 29, 30milu, niuvaivik angmaumaniaqtun talvuuna 1mungaqan 6mun ubluumani. Naunaiqhimalugu taima niuvaivingmi umikhimaniaqtun Tukliangani Quviahukvium Ubluangani, Ubuirvia 26mi.

Munarhiliqiyikkut

Amigaqhuutikharnik munarhiliqiyut ikayuutikhangit aulaniaqtun pigiaqaqtunlu talvuuna haalitaiknartiluni. Iniqhimayumik titiraqhimayuq munarhiliqidjutikharnik havagviangit hivayagiaqaqtunik naunairutingnik pigiaqaqtun talvanga Havagviat Munarhiliqiyitkutni qaritauyaliqidjutingnin uvani: https://www.gov.nu.ca/health/information/health-centres.

Maligaliqiyitkut
Itiqtauviit

Tamaita itiqtauviit Nunavunmi angmaunahuaqtun haalitaiknaqtiluni.

Nunalaani itiqtaviit avikturvingniitun tiliuktiit havagiaqagumik aulahimaniaqtun munagiyaanganik ihuinaqtuqaqqan itiqtauhimayunik allanik hanaqidjutikharnik havaktaugiaqagumik. Hivayaqtaugiaqaqtun uvani: 1-867-982-2556 (Kitikmeotmi), 1-867-645-6779 (Kivallirmi), 1-867-975-1616 (Hivuraani Qikiqtaalukmi) uvanilu 1-867-899-1380 (Tununganirmi Qikiqtaalukmi).

Nunalaani Maligaliqiyunik

Amigakhuutiqaqqan Munagiyukhanik Atuqtauyukhanik pigiaqaqtun talvuuna haalitaiknaqtiluni. Inum hivayaktaugiaqaqtuq uvani 1-844-534-1038.

Kuatiliqiyut

Taima amigakhuutiqaqqan ihumaliurutikharnik talvani Nunavunmi Kuatiliqiyunik Maligaliqiyunik, hivayainagiaqaqtan Atanguyaq Kuatiliqiyunik Aulatitivingmi uvani 867-222-0029. Tamna kuatiliqiyut titiqiqidjutilivik angmaumaniaqtun qaritauyakkut tuyuqtauyukharnik iniqhimayunik titiqanik uvani ncj.civil@gov.nu.ca or ncj.criminal@gov.nu.ca. Iniqhimayunik tuyuqtauhimayut haalitaiktilunik umikhimatilunik ihumagiyauniaqtun iniqhimayunik titiqat tuyuqtauyukharnik talvuuna tuyuqtaugumik. Apiqutiqaguvit talvuuna titiqiqidjutiliqiyunik tutquqtigiyaangat, naunaiyaqarlugit Kuatiliqiyunik Ikayuutikharnik hivayaqlugit titiraqhimayuq uvani: www.nunavutcourts.ca/index.php/contacts.

Maligaliqiyunik Titiqiqidjutiliqiviingit

Tamna Maligaliqiyunik Titiqiqidjutiliqiviingit afisiangit angmaumaniaqtun titiqiqidjutiliqiyaangat tapkuninga kuapuraisingitni, havakviingitlu iniqhimayunik titiqanik, nanminigiyainik piutigiyainik, munagidjutikharnik maniliurutikharnik tuyuqtiuyuniklu, unalu nunanik piutigiyauyunik. Naunaiqyumirumaguvit pigiaqaqtutin uvani http://nunavutlegalregistries.ca/.

Nunavunmi ıgluliqiyiiryuatkut

Talvuuna nunalaani iglungit hanaqidjutikharnik, hivayagiaqaqtun 867-857-6856. Avikturvingniitunik havaktiit, havagiaqaqtuniklu munaginiaqtun iglungnik hanaqidjutikharnik talvani pittiarutikharnik avikturviani, hivayagiaqaqtun uvani: 867-857-6523 (Kivalliq), 867-222-2160 (Kitikmeot) and 867-897-7875 (Qikiqtaaluk).

Tamaita Nunavut Kavamangit afisiangit angmaffaarniaqtun Aippiut, Ubluqtuhirvia 2, 2018mi havaktukhauyuni ikaakningitni. Quvianaqtumik haalitaidjavuhi!

###

Tuhaqtitiyunik Hivayaqlugit:

Denise Grandmaison
Atan’nguyaq Tuhagakhanut
Kiinauyaliqiyikkut
867-975-6818
FinanceCom@gov.nu.ca