Havaktingit

You are here

Kavamatkunnin aanniaqtailinikkut atuqqujaungittut nutqaqtitaunialiktun Iqalungni

mii 31, 2021

Tuhaqtidjutikhaq

Kavamatkunnin aanniaqtailinikkut atuqqujaungittut nutqaqtitaunialiktun Iqalungni

Iqaluit, Nunavut (Qiqaijarluarvia 31, 2021) –Nunavutim Atanilluaq Nunallaani Aanniaqtailinikkut Havakti Daakti. Michael Patterson, tuhaqtitijuq aallanguqtirniinik taffuminga COVID-19 qalagjuanirmun inungnut aanniaqtailinikkut maliktaujarialiit Iqalungni ublumi.

“Aanniaqtut kihitauniit Iqalungni ikiglivalliajut imaalu kapurhitukhat nunalipaujaani amigaigjuumijut ininirit. Haliningat COVID-19 qalagjuarnirmun kapuutikhat tukiqaqtuq ihuaqqutaujuq kigliqaqhutik hiamitirningat aanniarjuarutip, aallangatqijaujurlu takuvaktaptingnit Arviammi hivuagut Moderna kapuutikhat hailitinnagit,” uqaqtuq Dr. Patterson. “Hapkuat qanurinningat qajangnairutaujuq nutqaqtidjutikhanut maliqajariaqaqtunik Iqalungni.”

Atuliqtaujukhaq Hitammiunmi, Imaruqtirvia 3, igluni aimaviinni katimapkaijumajut imaatut tallimanik inungnik aallanik igluqatigingitarnik imaali hilami katimajut kigliqarlutik 25nik inungnik katimainariaqaliqtun. Maliqattiaqujijut inuit katimapkaijumut inungnik ikittunik pitqujaujut. Hivitujumik munaqtauviit, aulraanginnaqtuni munaqtauviit, aanniaqtunullu najurviit munarhitkullu pipkaqtaaqtun kikliqaqtumik malruungnik pulaaqtinik qanitqijaujunin ilagijaminin atauhirmun tahamanittumun, atuqqujaujut ivjarutinik.

Nutaqqiqiviit angmarniaqtun talvani ittut Qanurininga 3 uumani 2020-2021 Angmarvikhaanut Upalungaijautikhat Nunavunmi Iliharviit. Kavamatkut havagviit imaali nanminiqaqut havagviujut angmarniaqtun ivjarutnik aturlutik imaalu maliklugit inungnit un'ngahiktilaaqarlutik. Igluqpaum iluani katimajukhat ikajuqtikhanik imaalu katimajunut uqaudjinirmut angmainariaqaqtun imaatut 20-nik inungnik imaalu igluqpaum iluanni hulipkaidjutikhat pittaaqtut imaatut kigliqarlutik 25nik inungnik imaaluuniit 25 pusantinganik igluqpaup inugiangnikhanik, nalliak ikitqijaukpat. Angadjuviit angmaqtaliktun inungnik upautijunik kivgaqtuilutik kihimi atuqqujaungittut imaatut kigliqarlutik 25nik inungnik imaaluuniit 25 pusantinganik igluqpaup inugiangnikhanik, nalliak ikitqijaukpat.

Haakirviit pipkaqtaaqtun 25nik inungnik imaaluunniit 25% avvaani igluqpaup naamadjutinganun, naliak ikitqijaukpat. Avatqulimaittut 25nik qun'ngiaqtukhanik imaalu iligiiktunik ulapqipkaijukhaungittut. Taiguarviit, qun'ngiaqtitiviit angmarniaqtun inullaanut imaalu ilagiinut pulaarumajunut. Igluqpait pipkaijut iqaijaqtunut angmainariaqaqtun atauhillaanut iqaijarumajunut atuqtukhat ivjarutimik. Tamaita hilami ulapqiviit, nunallaami min'nguiqhirviit, nunamilu min'nguiqhirviit angmaqtaaqtun kihimi igluqpait umikhimajut.

Aullaqtut Inungnut talvangalu Iqalungnit pittaulijaujut huli, imaalu ivjarutit atuqqijaujut igluqpangni iluani inuqarnirmi (ilaujut havagviit) imaatutlu hanianni siksit aplurniit aallamit inungmit. Inuup kigaqtuiviit nujaliqijit imaalu pinnirharviit, piksasuurviit umikhimajut. Niriviit imaalu laisiqaqtut imirviit iupaktailijaujut kihimi aikhiqtaujuinnarnik.

“Iqalummiut, havakpiaktugut akhuutak munarinahuaqhugu hamna hiamitiqtailinahuaqhugullu aanniarjuarut. Maliqattiadjavuhi imaalu nakuujunik ihumaliuttiarluhi,” uqaqtuq Hivuliqti Joe Savikataaq. “Hapkuat nutqaqtitauniat maliqattiaqujauhimajut tukiqangittuq qujanginnagakhaittutit, kihimik nakuujumik aullanikhanut hivumut inuudjuhikharmik taffuma aanniaqidjutimik. Quana tamaffi akhuqpiak havakpiakkakaffi imaalu utaqqivakhuhi.”

Kapurhirnikkut kapurhiriaqturviit aaullahimmaaqtun tamainni Nunavunmi. Hivajaqlugin munarhitkut takujaujumaguvin. Kapuuti qajangnaittuq, nakuujuq nakuutqijaujuqlu ikajuutikhaqqut COVID-19 qalagjuarnirmin.
Inuk kituliqaak ihumagumik aktuktauvaktun COVID-19 Qalagjuarniq uqaqtukhaujut hivajautikkut COVID-hotline uvani 1-888-975-8601 talvuuna 10 ublaami 6 unnukpat, ilituripkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut aimavingmingni 14-ni ubluni. Upaguirlugin munarhitkut.

Tamainnik nutaanik kangiqhidjutikhanik takulugu una www.gov.nu.ca.

###

Tuhaqtipkainikkut Uqarvikhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Chris Puglia
Atanngujaullaktuq Tuhaqtipkaijiit
Aanniaqtailinirmun Havagvia
867-975-5949
cpuglia@gov.nu.ca