You are here

Hivuliqti uqaqhimajait angajukhiinni atanngujani aallanguqtirutit

Aktuupa 20, 2022

Tuhaqtitaujukhaq

Hivuliqti uqaqhimajait angajukhiinni atanngujani aallanguqtirutit

Iqaluit, Nunavut (Aktuupa 20, 2022) – Hivuliqti P.J. Akeeagok ublumi uqaqtait aallanguqtirutit uvani Nunavut Kavamangani (GNkut) angajukhiinni atanngujani havaktini.

Sheila Kolola, Tuklikq Minista Havaktuliqijikkut Havagviani, qimaliqtaa kavamatkunni havagvik uumunga hivulliuqtiunikkut havaakhamun uvani Kakivak Association-mi. Hivuliqti Akeeagok nanngarijaa Ms. Kolola-up havakpiaqpakhimadjutaa, ilaqaqtuq Atanngujaupluni uvani Nunavunmi Ilihariaqpaalivingmun.

“Ms. Kolola havagaaqpakhimajuq kavamatkunni, taimaalu havagvingmi qaujihimadjutait tammaudjutaujuq kavamaptiknun. Tujuqtatka nakuaqqutin nuudjutaani ikajuriami nunaptiknik aallakkut havaakhakkut,” uqaqtuq Hivuliqti Akeeagok.

Les Hickey havakhimmaarniaqtuq havagutimini imaa Tukliuqluni Minista uvani Havaktuliqijikkut Havagviani talvunga havaakhaq havaktikhaqalirninganun.

Beth Brown ilauliqtuq kavamatkunni imaatun Tuhaqtakhanik Titiraqtiuluni havagutigilugin tuhaqtipkaidjutit ukuallu tuhaqtipkainikkut pidjutikhat Havagvianun Hivuliqtiup.

“Una Tuhaqtakhanik Titiraqti akhuurhaqtait tuhaumapkaidjutit tautungnarnirutillu kavamaptikni,” uqaqtuq Hivuliqti Akeeagok. “Pipkaijumajunga Nunavunmiut ilihimainnaqtukhat havagutainni havagvimni Mistaptiknilu havaktait havagutigilugu una Katujjiluta havaguti.”

Ms. Brown havakpakhimajuugaluaq tuhaumapkaidjutimi CBC North-kunnun, Nunatsiaq News-kunnun, Up Here Magazine-kunnun uvanilu Nunavut News-kunnun.

###

Tuhaqtidjutikhanun Uqarvikhaq:

Beth Brown
Tuhaqtaujukhani Titiraqti
Havagviani Hivuliqtiup Akeeagok
867-222-1061
bbrown6@gov.nu.ca