Havaktingit

You are here

KAVAMANGAT KANATAP UKUALLU NUNAVUT TUHAQTITIJUT IKAJUUTIKHANIK IGLUMIUQATIGIIKTUNUT TAMAINNI AVIKTURNIANNI

Niqiliqivik 13, 2021

Tuhaqtipkaidjutikhaq

KAVAMANGAT KANATAP UKUALLU NUNAVUT TUHAQTITIJUT IKAJUUTIKHANIK IGLUMIUQATIGIIKTUNUT TAMAINNI AVIKTURNIANNI

Iqaluit, Nunavut — Tamaitaqp[iak Kanatamiutat tunijaujukhat qajangnaittumik imaalu akiliruminqtumik iglukhamingnik. Taimaittumik Kavamangat Kanatap havaqatigiplugit Nunavut Kavamanga tunihijumajut ilaurutikhanik ikajuutikhaniklu amigaitpiaktunut maniqqukittut igluqatigiiktunut tamainni avikturniinni.

Ublumi, Nangarijaujuq Ahmed Hussen, Minista Ilagiiktunun, Nutaqqanun Inungnullu Pivallialiuqnirnun unalu Minista munarijaqaqtuq Kanadami Atuqtuarutit Iglutarutinut Igluligijirjuatkutlu Kuapulisiitkut, unalu Nangarijaujuq Margaret Nakashuk, Minista munarijaqaqtuq Nunavunmi Igluliqijurjuatkut Kuapulisiitkunik, unalu Nangarijaujuq Elisapee Sheutiapik, Minista Inulirijitkunni, Minista Munarijuq Aivikhaittunun tuhaqtitijuq naunaittiaqhimajunik katimajut kiliqtuijukhat imaatut $18 million ikajuutikhanik avatqumajunut 670 maniqqukittut igluqatigiiktunut ihariahuktut talvuuna nutaaq Kanatami–Nunavunmi Iglukhanut Ikajuutikhat (CA-NU HB).
Kanatami Iglukhanut Ikajuutikhat unaujuq Nunarjuami Iglukhanik Qanuriliurutikhaq pinahuaruti maniliqtuqtauhimajuq Kavamanganit Kanatami imaalu ilaurutaat akikhanut aadkjikutanik Nunavunmit.

Unaluttauq, CA-NU HB ihuaqhautikhanut akiliqtuqtanik iglukhaqarnirmik tapkununga arnat nutqqatlu atuqpakhimajut imaaluuniit qajagijaujut ninngaqtaunirmit, inirnikhat, Nunaqaqqaaqhimajunut inungnut, inungnut ajuqhautiqaqtunut, inungnut ihumakkut auqhautiqaqtuut imaalu ipiralailaqidjutinik ajuqhautiqaqtunut, aimavikhaituut imaaluuniit inungnut aimavikhairnahuquqqtunut, aallangajunik uviniqarnianit nunaqaqtigiiktut, angujaqtiugaluat, inulrammiit inirningulihaat, aallatlu.

Uqaqtait:

“Inuit tamarmik qajangnaittumik imaalu nakuujumik iglukhanik. Kanatami–Nunavunmi Iglukhanut Ikajuutikhat havaktauhimajuq igluqaqtigiiktun tunijanginik quvianaqtumik, imaalu ihuaqutikhanik nalungaqtukkut atuqtaujumik. Atuqtukhani iitngujuni ukiuni, ihumajugut hamna maniliqtuutikhat ikajuutauniaqtuq imaatut 670 iglukhainik nunallaangini tamainni Nunavunmi. Tapkuutingunaungittuq, angijumik aktuutauniaqtuq amigaittunut inuujunut hamani NU. Una Nunarjuami Iglukhanik Qanuriliurutikhaq havaktuni.” – Nangarijaujuq Ahmed Hussen, Minista Ilagiiktunun, Nutaqqanun Inungnullu Pivallialiuqnirnun unalu Minista munarijaqaqtuq Kanadami Atuqtuarutit Iglutarutinut Igluligijirjuatkutlu Kuapulisiitkut

“Inuk tamarmik igluqhaqaqtukhaq imaalu qajangnaittumiklu aimavikhamingnik. Una maniliurutikhat talvuuna Kanada–Nunavut Iglukhanik Ikajuutikhat ikajuutauniaqtuq amigaittunut ilagiinut imaalu inungnut atuqpakhimajut aimavikhaittunut imaaluuniit iglukhaiqnahuqquqtunut imaalu nutqaqtirutikhanik aimavikhaittutnut. Kaanatap Kavamanga aullaraginaqtumik ikajuutikhanik akhuurutaniklu piliurnirmik akiliruminaqtumik iglukhanik ikajuutikhanik ihuaqtumik inuuhianik amigaitunut ajuqhaqtunut inungnut imaalu ilagiinut Nunavunmi.” – Nangarijaujuq Dan Vandal, Minista Ukiuqtaqtumun Kavamaliqjyi

“Iglukhaillaut najullagakhamingnik utaqqivikhaittut Nunavunmi taimaittumik amigaittut Nunavunmiut najugakhailliuqtut atuliqpaktait qimaaviit, iglumiuplutik inikhaittuni, imaaluuniit aimavikhaittut. Kanatami Iglukhanut Ikajuutikhat maniliqtuutikhat atuqtauniaqtuq ikajurnahuarutikhanik iglukhailiuqtunut imaalu pillahijangini niuvviktaujukhanik iglukhanik inungnut, inulrammiit ilagiitlu ajuqhaqtitauhimajut imaaluuniit ajuqhaqtunut. Una ikajuutikhta tunihijut $9 million Nunavunmiunut ihariahuktunut atuqtukhani naini 9 ukiuni.”- Nan'ngarjaujuq. Margaret Nakashuk, Minista munarijaqaqtuq Nunavunmi Igluliqijurjuatkut Kuapulisiitkunik.

“Quviahuktugut pillahipluta maningmik $9 million Kanatami Iglukhanut Ikajuutikhat, atuqtakhanik Nunavunmiut nuutirutikhanik nanminiq iglukhanik, ajuqhautiaqtut angivallaktumik maniliurtamingnik akiliqtuutaujumik iglumik aturnianut. Una ikajuutikhat iglumut atunianut akikhanut ikajuutikhanut inungnut ilagiinutlu nuutirnahuatut nutaamut, nakuutqijamut imaalu igluqariamingni ihuaqhautikhanik. Iglumut aturnianut akikhanut ikajuutikhat takujauqattaqpangniatut ikajuqtaulutiklu Inulirijikkut havaktiinit naunaijailutik ilaujut pianahuarutimut nuutiqpalliajakhanik nutaamut iglukhamingnut. Nuutiqpalliajut iglukhamut tutqihaiji uqarviginiaqtait nunallaanut naunaiqtauhimajunik uukturumajunik. Naunaijaihungujut pinahuarutikhamik naatjutaani atauhiq ukiuq. ” - Nan'ngarijaujuq. Elisapee Sheutiapik, Minista Inulirijitkunni, Minista Munarijuq Aivikhaittunun Naittun

Kangiqhidjutit:

  • Kanada–Nunavunmi Iglukhanut Ikajuutikhat aturniaqtun $18 million ikajuutikhanik naamanahuarutikhanik iglukhaittunut iharihuutainik imaatut 670 nunaqaqtunik Nunavunmi maniqqutikkuut akkungangni 2021-22 unalu 2027-28.
  • Kanatami–Nunavunmi Ikajuutikhat ilaujut uumani 8-ukiuni tamainit angiqatigiigutit ukuat kavamangat Kanatamiunalu Nunavunmi, ataani uumani Nunarjuami Iglukhanik Qanuriliurutikhaq (NHS). Nunarjuami Iglukhanik Qanuriliurutikhaq (NHS) aturniaqtun atauttimut naavjaglugu $333 million, akikhanik-akiliqtuijut kavamatuqatkut ukuallu Nunavut Kavamanga, munarittiarutikhannik, nutannguqtiutikhanik iaalu amgigaigjuumidjutikhanik inungnut nunallaani iglukhanik, ikajuutikhanik aviktuqhimajut hivulliutijakhaiut pidjutiqaqtut iglunut ihuaqhautikhat, nappaqtirutikhat imaalu akiliruminaqtumik, tunilugit iglup aturninganut akiliqtuutikhanik ikajuutikhanik igluqatigiiktunut.
  • Talvuuna Kanatami–Nunavunmi Iglukhanut Ikajuutikhat, tatqiqhiunmi imaatut aktigijumik $3100 atauhirmi tatqiqhiunmi iajuutikhanik iglukhanut akikhanik.
  • CMHC ikajurumajait kavamatkut uuktuutingit ihuatqijamik iniihiringnaqtumik Kanatamiut iglukhailiuqtunut aimavikhaittunutlu pidjutigipliugu Qalagjuarniq-19 aanniarjuarut.
  • Nunarjuami Iglukhanik Qanuriliurutikhaq (NHS) hakugiktumik havaqatigiiktut ukuat kavamatuqatkut, aviktuqhimajuni, ukiuqtaqtumi kavamatkut, imaalu aularanginaqtumik ilaunirmik aallalu, ilaujutlu hamlatkut, Nunaqaqqaaqhimaju kavamatkut imaalu timigijaujut, ukualu inungnut nanminiqaqtut iglukhainik. Ilaujut qaujihainirmut katimapkaijut Kanatamiunik taainnit inuuhiqaqtunik, inungn]iklu iglukhailiuqtunik.
  • Tamarmik Nunarjuami Iglukhanik Qanuriliurutikhaq (NHS) maniliqtuutikhait tunijauhimajut kavamatuqatkunit, aviktuqhimaniinni ukiuqtaqtumillu kavamangit, pidjutiqaqtut hivunikhaliurutikhanik NHS-kut ikajuqtut havaqatigiiktukhanut, inungnut nunallaaniklu.
  • Kanatap NHS iihuaqpiaktuq, 10-ukiuni hivunikhaliurutikhat akiliqtuijumajut avatqumajumik $72 billion tuniligit aallanik Kanatamiunut najugakhanik aimavikhaniklu. Aullaqtitauhimajuq 2017mi, tamna NHS nappaktiriniaqtun ihuaqhailutiklu amigaidjuakpiaktunik iglunik, imaalu ikajurlugit igluqatigiiktut akiliruminaqtumik ikajuutikhanik.

Pidjutilgit atadjutit:

Kanadaup atanniqtuidjutingat iglukhakkut, CMHC ikajuqpaktut ihuaqutikhanut iglukhanik niuvviktaujukhanut imaalu kiinaujaliqinirmut atuqtgakhainnik, tunihivaktut ikajuutikhainnik Kanadamiunut iglukhailiuqtunut ihariagijainnik, imaalu iglukhailiurnikkut qaujihautikhanik imaalu uqaudjiplutik tamainnut puqtuniinut Kanadamiut kavamangit, niuvvajiit imaalu iglukhaliuqtit. CMHC-kut piniaqhimajut tikitpat 2030, inuk tamarmik Kanatami igluqalirlutik akiliruminaqtamingnik, imaalu iharijamingnik igluqalirlutik. Naunaiqhittiarumaguvit takulugit CMHC hapkunani Twitter, Instagram, YouTube, LinkedIn unalu Facebook.

Tuhaqtipkainikkut Uqarvigijakhat:

Hafsah Asadullah
Tuhaqtipkainikkut Ikajuqti
Havagviat Minista Ilagiiktunun, Nutaqqanun Inungnullu Pivallialiurnirnun
Hafsah.Asadullah@hrsdc-rhdcc.gc.ca

Qun’ngiaviliqidjutikkut
Kanatam Akiliktuihimaaqtun Iglungnik Igluligijirjuatkutlu
media@cmhc-schl.gc.ca

Josh Long
Angajukhiq Tuhaqtipkaiyukhanik Havaktia
Nunavunmi Igluliqijirjuakkut
867-975-7250
jlong@gov.nu.ca

Jodi Durdle-Awa
Aulapkaiji, Atugakhaq Ihumaliurnirmullu
Inulirijitkut
867-975-5250
jdurdle-awa@gov.nu.ca