Ukiuqtaqtumi Hivuliqtiit uqariyait hakugingniqhainnut Ukiuqtaqtumi
Tuhaqtitauyuqhaq
Ukiuqtaqtumi Hivuliqtiit uqariyait hakugingniqhainnut Ukiuqtaqtumi
Dissaippa 11, 2020 - Hivuliqti Savikataaq, Hivuliqti Silver Hivuliqtilu Cochrane katimayut talvuuna 18 ni ukiuni Ukiuqtaqtumi Hivuliqtiit Katimdjutainni tun’ngahuqtittipluni Nunattiap Kavamangat
Hivuliqtiit havaqatigiikpiaqpaktut pidjutilluni hiamitirnia ilaliutiplugu ukiuq tamaat katimadjutaanni. Ublumi, uqaqhimmaaqpagait aadlatkiiq ihumagiyauyunik taapkunaniklu: munaqhiliqidjutinut, hilaup aadlangguqtirnia kiudjut Ukiuqtaqtumilu Atugaqhatigut Havaaqhait.
Hivuliqtit quviagiyait Kanatap Kavamaita pidjutihimmaaqpangmatta maningnik ikayuqhutik hiamitirnia pidjutihimmaaqtilluni ihumaliuqhutiklu aadlangngayuq aktungnakniit qanuridjutainlu nunattiarmi. Atauhiutun pidjutiyut qulvahiqtutun idjutiplutik ukiuqtaqtumi ihumagiyainnik hivulliutigiplugu humi kapuqhidjutiniaqtut tuqhulauqlutiklu kavamatuqainnut aadjikkiingnguqlugit munaqhiliqidjutit maniit atuqtaqhat paatnagiiklutik. Naammagiqpiaqtumik, hivuniraalurmut kavamatuqainnit maniit atuqtauyuqhanut munaqhiliqidjutinut pitquyauyuq piyaami hivuni munaqhittaariamingnik munaqhiliqidjutikkut.
Hivuliqtiit uqagiyaitlu amigaiqyuummingniit aktungnangniit hilaup aadlangguqtirniatigut Ukiutaqtumut anggiriiqhutiklu havattiaqatigiyaqhait Nunaqaqqaarhimayut kavamait naammagiqpiaqtumik kavamatuqainnit maningnik ikayuutiqhainnik hilaup aadlangguqtirniatigut ikiqliyuummiklugit maliqhautivalliangnahuaqlugitlu pilutik.
Hivuliqtiit quviahuktut kavamatuqait pinahuaqtut pinahuaqtittilinirmun Ukiuqtaqtumut Ukiuqtaqtumilu Atugaqhat Havaaqhaitigut niriuqtutlu maniliuqpiangnirmun aadlani ihariagiyauyunik ilitaqhimaliqtunik.
Kingulliqpaamik, Hivuliqtiit uqagiyait hakugingninga ukiuqtaqturmiut, talvalluaqli hadjamin pidjutihimaliqtut uvani ukiumi aktungnarniit. Pidjutilluni qalagyuarnitigut hiamtirnia, ukiuqtaqturmiut katittutik ikayuqatigiikpaktut un’ngahikkaluaqhutik. Aadjikutaannut, Hivuliqtiit pidjutiyut ublumi nutaangguffaaqhugit aqhuungniatigut ukiuqtaqtumi avikturviit havaqatigiitpiangnitigut tunihinirmunlu ukiuqtaqtumi-piliuqhimayut hivulliutigiyauyunik.
Nunavut anggiqtauhimayuq tun’ngahuqtittinahuaqhutik 2021 Ukiuqtaqtumi Hivuliqtiit Katimadjutiqhaanut. Ukiuqtaqtumi Hivuliqtiit Katimadjutaata pidjutivaktuq ukiuq tamaat pidjutiqaqhutik pinggahunik ukiuqtaqtumi avikturviinnit Hivuliqtiinnik.
###
Tuhaqtipkaidjutikkut Uqaqvigiyaqhat:
Todd Sasaki
An’ngayuqhiq Tuhaqtipkainnut
Havaktia Kavamaliqiiyitkut Nunataqaarhimayutlu
Kavamaliqidjutait Nunattiarmi Kavamait
@email
Cate Macleod
Tuhaqtitauyuqhanut Titiraqtia Hivuliqtimun Savikataaq
867-975-5059
@email
Matthew Cameron
Ministat Tuhaqtipkaivia
867-393-7136
@email