Qiniqhiajut Ilaujuqhanik: Ikajuqtaujumajumut Ilaupkaiviqhamut Katimajalaanga

Munarhiliqiijitkut Iqalungni qiniqhiajut pinggahunik nunallaami ilajuqhanik Ikajuqtaujumajumut Nunallaamilu Ilauqatigiingnikkut Iligiiqtut havaqatigijaqhainnik Iqaluit Munarhitkunni Kivraqtuijit havaktiit hivuliqtiujutlu nakuuhivalliajaami munarhiliqidjutinut kivraqtuutit Nunavunmiunut.

Uuktugumajut imaa pijuqhat:

• Nunaqaqtuqhat Iqalungni, kihimi hivulliuniqhatigut piumajutlu tunijauniaqtut Inuinnarnut Nunavunmi.
• Atuqhimavaktut ikajuqtaunikkut munaqtiupluniluunniit ikajuqtaujumajumut munarijaupluni talvuuna Qikiqtani Anniarviatigut Iqalungniluunniit Munarhitkunnit.
• Piumaluni aanniaqtailinirmun auladjutaitigut tunihilunilu nakuujumik aadlanggurniaviqhanut.
• Ammaumajumik-ihumaluni qanugunaaqhimaittumiklu tuhaqtipkailuni ihumagijainnik kiulunilu havaqatimingnut, munarhitkut, atugaqhanutlu piliuqtiinnut.
• Ilauhimmaaqpiaqhimaliqluni malruungni ikaangniinni atauhirmun tatqiqhiutimun katimajuni uqaqatauiriamini, tamainni takudjutilutik qaritaujakkutlu, ilauluni malruungni ukiuni. 

Ilaujuqhat tikkuaqtaujut takudjutilutik katimalutik tunijauniaqtut taaksituutiqhainnik niqiqaqlutiklu niuqqaqviqhaqaqlutiklu.  Akiliqtaudjutiqhat tunijauniaqtut maliqhugu Maniliqinirmun Titiqqiviliqidjutaita Makpiraanga Pitquidjutaata 810.

Hivulliqpaaq katimadjutiqhaq nutaanut katimajalaami katimaniaqtut Imaruqtirvia 28, 2024 mi.

Piumaguvit tunihinirmik ikajuutauqpiaqtuqhatigut ihumagijaujuniklu ikajuutijaami nakuuhivallianikkut munarhiliqinikkut kivraqtuidjutiqhat Nunavunmiunut, tujuqlutin titiraqtarniq qaritaujakkut hamunga @email tikiutikpanmut Qiqaijaluarvia 15, 2024.