Pangnirtuumi nunallaap-tamaani tiibiirnirmun ihivriututit iniqtaujut
Pangnirtung, Nunavut (Ubluirvia 6, 2023) – Ublumi Havagvia Aanniaqtailinirmun, havaqatigiblugit ukua Nunavut Tunngavik Incorporated (NTI), tuhaqtitijut nakuujumik iniqtirijut nunallaap-tamaani tiibiirnirmuns (TB) ihivriurutit Pangnirtuumi.
“Ihivriututit Pangnirtuumi hivumuuritigijaat Kavamatkut Nunavunmi ukualu NTIkut aghuurutaat aanniarutaiqtitinirmun TB Nunavunmit,” uqaqtuq Ministaa Aanniaqtailinirmun John Main. “Aanniarutaijarniq tiibiirnirmun havaqatigiingnikkut havaktaujughat tamna pijariaqaqtut katitirinirmun aghuurutit atautinun, nunallaat, aanniaqtailinirmun ajuittiaqhimajut ukualu aghuuqtut havaqatigiit katimajiit ukuatut NTI, ikajuutaillu Haamangat Pangnirtuumi.”
Atuqtilugu 10-havainirit munaridjutit, 94 pusat turaaqtauhimajut inugiangnirit ihivriuqtaujut, sikait aulahimaaqtut aanniarutit 55 takunaitut aanniarutit TBiirnirmun naunaijaqtaujut.
Ihivriurutit iniqtiqtut, Havagvia Aanniaqtailinirmun aulahimaaqtumik havangniaqtut qajagilutik naunaijariangini katitiqhimajut naunaijautit, havaqatigiblugit aanniaqtailinirmun tunihijut, aulahimaaqtumik ikajuqlugit ikajuutighaillu nunallaap pijaangini tapkua atautit naunaijaqtaujut ihivriuqhitlugit tunijaulutik ihivriuffaarutighainik munaridjutinik ikajuutiniklu.
TBiirnirmun ihivriurutit aulahimaaqtumik piinarialgit munaqhitkuni kitkununli kitut aktuqhimajut aulahimaaqtumun aanniarunmun takunaqhijuluuniin mihingnautait TBiirnirmun, kinaliqaaklu takujauffaariaqaqtuq upautidjutighaqaqluni. Pangnirtuumi munaqhitkut havaktiqaqtut ilaliutihimajunik aghuuqtunik TBiirnirmun havaktit tunihijaangini ihivriurutinik, ilihaidjutinik, mamihainirmik, ikajuutinik, pijariaqaqata.
“NTI ukualu Havagvia Aanniaqtailinirmun aghuurutait TBiirnirmun ihivriurutit Pangnirtuumi takunaqtut uuktuutit hunat pijaujaaqtut humi havaqatigiingnikku atautimun atuqtaujumun tikinahuarunmun,” uqaqtuq NTI Angijuqaanga Aluki Kotierk. “NTI aulahimaaqtumik maniliuqlugit pinahuarutit tapkua ikajuqtut Inuinnarnik, ilagiinun nunallaanunlu hulaqutiqaqtut TBiirnirmun, aulahimaaqtumiklu uqautigilugit qanuriliurutighat ikilijuumiriangani anginirhaujut amigaitilaangit TBiirniq Nunavunmi.”
Nunalaap-tamaani TBiirnirmun ihivriurutit nakuunirit pidjutiqaqtut havaqatigiingnirmun aghuurutit ikajuutaillu Haamlanga Pangnirtuup, NTI, ukualu Havagiva Aaniaqtilinirmun. Una ihivriurut hivumut ikajuqtaujuq ukunanga Indigenous Services Canada ukualu Public Health Agency of Canada.
Kangiqhittiarumaguvin TBiirnirmun ihivriuqhutinun, takulugu Havagvia Aanniaqtailirmun qaritaujaliqivia.