Pangnirtung hamanilu Mittimatalingmilu tiibiirniq hiamitiqtukkut nutaanguqtiqhimajuq
Havagvia Aanniaqtailinirmun uqautigijumajait tapkua hiamitirniranun tiibiip (TB) uqariirutaat Pangnirtuumi uvani Hikutirvia 25, 2021, hiamitiqtuqlu uqariijaqtaat Mittimatalingmi uvani Qiqailruq 17, 2023mi, aulahimaaqtuq.
Talvanga Ubluqtuhivia 2021, piqaqtuq 48 atautit aulahimaaqtumik TBmik ukualu 276 atautit iliturijaujut takunaitumik TBiiqhimajut nunallaami.
Talvanga Ubluqtuhivia 2023, Mittimatalik piqliqtuq13nik atautit iliturijaujut aulajumik aanniarutiqaqtut TBiirnirmik ukualu 105 atautit iliturijaujut atkunaitumik TBiirutiqaqtut nunallaami.
Nunallaami ilaujut kitut aktuqhimajut aulahimaaqtumun TBiip aanniarutaanun, kituluuniin TBmik mihingnautiqaqtut, munaqhiliaqtughat ihivriuqtaujaamingnik.
Hapkua mihingnautit aulahimaaqtumik TBmik:
• Qalakturniq tamna avatquttugu pingahut havainirit.
• Unaguhuinnaliqtut.
• Nirijumajungnaiqtut.
• Kidjaumainaliqhutik unuamilu aumaallukpakhutik.
Kinaliqaak mihingnautiqaqtut hapkuninga munaqhiliaqtughat qilamik ihivriuqtaujaamingnik. TB mamihaidjutiqaqtuq aanniarut havautinun piinarialgit nunallaarni. Apiqhuutiqaruffi uqarvigilugit havagviit munaqhitkut.
Takunaituq TB hiamitilimaittuq kihimi mamihaqtaaqtuq aulaliqtinagu. Aanniaqtailinirmut Havagvia aulahimmaaqtumik tunihiniaqtut ikajuutinik ikajuutighaniklu nunallaamun pihimajaangini pijaarnirmun ihuaqtumiik ihivriunirmik, ilihaidjutinik, mamihaidjutinik, ikajuutiniklu.
Iliturittiarumaguvin TBmik mamihaidjutainnullu, takulugu Nunavut Kavamangani qaritaujakkuurutaa .