Nunaqyuaptingni Tiibikkut Ublua
Kavamatkunnin Tuhaqtitaujukhat
Nunaqyuaptingni Tiibikkut Ublua
Qiqaijalirvia 24 Nunaryuami TBiirnikkut (TB) Ublua. Atautini ukiuni, ukua Havagviat Aanniaqtailinirmun ilitariyaat Nunaqyuaptingni Tiibikkut Ublua ilauyuq aulahimaaqtumun aghuurutinun ilituripkautinun hivuurananirmun inuuhirmun, inugiangnirnun maniliurnirmunlu qanuriniit TBiirnirmun.
Nunavunmi, uvani ukiumi Nunaqyuaptingni Tiibikkut Ubluat pidjutaa, “TB unalu qalagyuarniq COVID-19,” itqaumadjutigiyaqqut tapkua TB inuit inuuhiinun ihumaaluutauyuq amigaituni ilangini nunaqyuap, ilauyuq Nunavut.
Qalagyuarniq COVID-19 unalu TBiilu amigaitunik aadjikiiktunik mihingnautinik imaatun kidjarniq, qalakhungniq unaguhungniqlu. Tamangnik aanniarutaik hiamitiqtuk ikiakkut inungmin inungmun qalaghurumik, tagyurumik, huqulaarumiklu uqarumikluuniin.
TBiiqaqtut mamitaaqtut havautiturumik. Tamnaungitut qalagyuarniq COVID-19 mamilimaituq, kihimi una qalagyuarnirmun COVID-19 kapuqhirniq nakuutqiaq aanniaqtailidjutighaq aanniarunmin, tamaita Nunavunmiun aghuuqhayauyut kapuqhilutik kapuqhiqtaarumik.
ilvit kinaliqaaluuniin ilihimayat atuliqtuq mihingnautinik TBiirnirmun qalagyurnirmunluuniin COVID-19, hivayaqlugit munaqhitkut uqautiniaqtaatit nakuutqiatigut atugahanun.
Maliklugit hapkua atugahat nutqaqtitaangani hiamitirnira TBiirniq, qalagyuarnirmun COVID-19, aalallu aniqhaaktarnirmun aanniarutit:
- Aihimalutin aannialiruvin.
- Qalakhurlutin tagyuqlutilluunniit ainun.
- Uaqattainnarlugit algaktit.
- Kahagaqtaililugu akuliat.
- Igillugin halumaittun kakkiiyautin iqqakuurvingmun qilamik.
- Ungahiktilaaqalutit aalanin inungmiuguvin.
- Higaaruiqluhi iglum iluani hanianiluunniit inuit, tapkualuat biibinuit.
Kangiqhitiarumaguvin hunaungmangaat TBiirniq, naunaiyautait mihingnautaillu qanuqlu ihivriuqtauyaami mamihianirmunlu, pulaaqlugu www.gov.nu.ca/health/information/tuberculosis unaluuniin livehealthy.gov.nu.ca.
###
Tuhaqtipkaivikhanut Uqaqvigiyaqhaq:
Chris Puglia
Atan’nguyaullaktuq, Tuhaqtipkaiyit
Aanniaqtailinirmun Havagvia
867-975-5949
@email