Naunaiqtaujuq COVID-19 qalagjuarnirmik aannialaqidjutiqaqtukkut Hope Bay Ujaragakhiurvingmi
Tuhaqtidjutikhaq
Naunaiqtaujuq COVID-19 qalagjuarnirmik aannialaqidjutiqaqtukkut Hope Bay Ujaragakhiurvingmi
IQALUIT, Nunavut (Apitilirvia 19, 2020) – Dr. Michael Patterson, Nunavutim Atanilluaq Nunallaani Aanniaqtailinikkut Havaktim, ublumi unniutijuq malruungnik ihumagijaujunik aannialaqidjutiqaqtukkut COVID-19 qalagjuarnirmik uvani Hope Bay Ujaraghiurvingmi, 125 kilometres hivuraani-ualliani Iqaluktuutiami. Tamarmik inuuk naunaiqtaujuk aannialaqidjutiqaqhimajuk nunagijamingni. Aannialaqidjutiqaqhimajuk hivuagut aullaqtinnatik nunagijamingnit, hamna naunaiqtauhimaittuq tikitqaaktinnagiik ujarakhiurvingmut najugaanut.
“Tamarmik havaktiik mihingnautiqalirmangnik ahiit qilaminnuaq avalingarvikhanut ilijaujuk imaalu kiliuqhutik ihivriuqtaujukhanik aannialaqidjunmik,” uqaqtuq Dr. Patterson. “Ihivriuqhidjutikhangit naunairutaujut aanniarutiqaliqtuk uvuuna GeneXpert naunaijautikhakkut Kangiqlinirmi ubluani Apitilirvia 16 imaalu naunaiqtaudjarikhiplutik taffumuuna National Microbiology Lab talvani Winnipeg ublumi.”
Uvani, piqangittuq naunaitkutinik hiamitirnirnik talvani Hope Bay Ujaraghiurvingmi najugaani. Nunavutim Aanniaqtailinikkut havaktiit upalungaiqhimajun ikajuriami upautijaamilu taimaatun, pijukhauliqqanlu.
“Hope Bay Ujarakhiurvingmi unngahiktumiittuq upaktauqattajuittuq najugaa,imaalu Nunavunmiunik inungnik havaktiqangittut tadja talvani. Qajangnarninga COVID-19 qalagjuarnirmi nunallaaptingni pidjutainnin ukunani ihumagijaujuni aannialaqidjutini huli atpahikpiaqtuq,” uqaqtuq Minista Aanniaqtailinikkut George Hickes. “Munarittiarniaqtavut qanurinningat imaalu tuhaqtitpangniaqtavut Nunavummiut iidjuhingat aallanguqqan.”
Tadja aanniaqtailinikkut qanuriliurutit, Nunavutip Apqutikhaa, ukualluunniit Aullauvilluarvigijainni Nunani ukunani Churchill, Manitoba-mi uumanilu Nunatsiami, piqutaungittut.
Naunaitkutit COVID-19 qalagjuarnirmi ilaqatun kidjangnirmik, qalaliqtumik ajurnarhijumikluunniit anirhaaktariami. Nakuutqijaujuq hapummidjutinik hiamitirnirnin aannialaqidjutimilluunniit aanniarutimik taimaatun inungnin ahiqpaniinniit, algaknik-uarnirnik 20 secondsnik, qalakhurniq takjurniqlu ikuhingnun aihimalunilu.
###
Tuhaqtidjutikhanut Uqarvikhaq:
Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
@email
Chris Puglia
Atan'ngujaullaktuq, Tuhaqtidjutinun
Munaqhiliqiyitkut
867-975-5949
@email