Ivjarutit atuqtaujukhat tamainni Nunavunmi munaqhiqarviinni

Kingulirmik nutaanguqtiqhimajuq Hitammiut, Hikutirvia 9, 2023

Atulirluni qilamik, Munaqhiliqijitkut unniutiliqtait Nunavunmiut taimaa ivjarutit tadja pitqujauliqtun tamainni Nunavunmi munaqhiqarviinni, ilaujullu Inirniqhaat igluqpait ukuallu Akausisarvik igluqpaani Iqalungni.

Amigairjuumiliqtun qaffiuniit qalagjuarnirmun COVID-19 aalallu puvangnun aanniarutit iliturijaujut Nunavunmi. Munaqhiliqijitkut piliqtun qanuriliurutikhanik mikhilaaqtirnikkut qajangnarniit hiamitirutaanik puvakkut aannialaqidjutinik igluqpaptingni hapumminikkullu ajuqhaqtaaqtunun inungnun nunami.

Ivjarutit atuqtaujut ikajuutauvlutik hiamitiqtailinirmun qalagjuarmun COVID-19 aallallu puvvangnun aanniarutit. Pivaktullu ilaliutinikkut hapummidjutikhanik tapkununga qajangnatqijaujunun aannialaqidjutimin qanurittuninluunniit COVID-19 qalagjuarnirmin aannialaqidjutimin.

Aanniarviliaqtitaujut, pulaaqtut, havaktiillu itiqtut munaqhitkunut ihivriuqtauniaqtut mihingnautiqariakhainnun COVID-19 qalagjuarnirmik upautikpata. Akhuuqujavut inuit tamaita ikajuquplugit igluqpavut qajangnaittumik kiulugit apiqqutinik itquumajumik pittiarnikkullu.

Titiraq(t):

2023-10 PHA (HEA) Masks Mandatory in Health Facilities - IKW

Aallanun atqtillugu una makpivia

Email address

Uqarumajarnik titirarlugu?

Quana uqaqvigijatin Nunavut Kavamanga

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.