Inulirijikkut Havagvia pijumajun attirutikhanik nutaamun Ilagiiktuni Inuuhirittiarnirnun Havagvingmun
Uvani Maatsi 13, 2024mi, Maligaliuqti Margaret Nakashuk, Minista Inulirijikkut Havagvianun uqaqtaa angmaqtiffaarnianik uumani Building 439mi Iqalungni, tadja uqaqtauhimajuq imaatun Ilagiiktunun Inuuhirittiarnirnun Havagvik. Tautuktipkarhugu havagumadjutivun nunallaamun, Inulirijikkut Havagvia akhuuqhaqtait Nunavunmiutat tunijaami atikhamik uumunga nutaanguqtiqhimajumun iglumun.
Hivuagun atuqtauhimajuq arnaruhinun najurvianun, una Ilagiiktunun Inuuhirittiarnirnun Havagvik pilik quujaqturvingnik, pinahuarutikhanun inikhanik, havagviup hunainnik, piliuqtuq inikhamik ukununga Ilagiiktunun Aturutikhainnik Havaktinun havaqagitijaami ilagiiktun. Amigarniaqtukkuurutini, una igluqpak hailihimaniaqtuq qajangnaittumik munarittiarutidjutiniklu inikhanik nutaqqanun. Taimaalu, igluqpak pipkaittaaqtuq munarijaujunik pulaarutinik pinahuarutimik, pipkainiq akhuurnaqtunik pulaarutinik ukunani nutaqqani munarijaujuni angajuqqaanginnilu munaqtiinniluunniit. Nutaaq inikhaq pipkainiaqtuq aallanik pinahuarutini pivallialiurnirnun turaangajunik ikajuutikhakkut nutaranun ilaginainnullu.
Quviahuutigiplugu nutaanguqtiqhimajuq igluqpak, Inulirijikkut Havagvia pipkailiqtun Inuktitut attirutikkut akittaqutimik. Nunavunmiutat tujuqujaujun Inuktitut atikhanik taimaatun:
- Akhuurnirmun turaangadjutinik ilagiiktuni inuuhirittiarnirnun aajjikiigutinullu havagviup tautukhimadjutaani.
- Ikajuutaujun inuuhirittiarniinnik inungni ilagijainnilu.
- Ikajuqtait havagutit turaangajun pimmarikharnirnun timimi, ihumami, mihingnautini, inuuqatigiingnirnilu aanniaqtailidjutainni.
Ihuaqhaqtauhimajuq atiiturutikhakkut havaguti ilaupkaijun Inirnikhanik piniaqtuq attirutikhat pijaukpata. Akimajuq attirutikhaq aittuqtauniaqtuq niuvrutikhamik imaatun $500.
Tujuqlugin ihumagijatin uvunga [email protected] qaangiqtinnagu April 30, 2024. Ilaliutilugu attirutikhaq uumingalu naittumik tukihidjutikhamik huuq una atiq ihumagijaujukhaq.
Aallanun ilitturipkaidjutikhanik mighaagun havagutainni tunijauhimajuq uvani Ilagiiktunun Inuuhirittiarnirnun Havagvimi, takudjavan una Inulirijikkut Havagviani qaritaujakkuurutaa.