Higaan'nguat puujuqaqtut aturiami qajangnaqtutlu atugakhaungittut higaaruijarumajunut
Inungnut Tuhaqtidjutikhanut
Higaan'nguat puujuqaqtut aturiami qajangnaqtutlu atugakhaungittut higaaruijarumajunut
Higaan'nguat puujuqaqtut aturiami qajangnaqpiaktut aannialaqinnaqtut. Higaan'nguat puujuqaqtut aturninit naunaiqtaujut aannialaqutauvaktut puivvangnut aanniarunmik tuqqudjutaupluni avatqumajunik 50 inungnik talvani United States, imaalu avatqumajunik 2,500 aannialiqtunik haffuminga aanniarunmik uqaqtauhimajut. Imaatut 15 naunaiqtaujut aannialiqtut Kanadami. Naunaitkutainut ilaulajut qalakhurniq, ivjanguhuinnaliqtuq, qatikkak ulurianaqhijuuk, miriaktarniq, aqiarurmigut uluriahungniq, qidjarnirlu.
Naunaiqhihimaitkaluaqtitlugit tadja aannialiqtunik Nunavunmi, Munaqhiliqijitkut Havagviat akhuuqhaqtait Nunavummiut atuqqungittugit higaangnuanik pujuqaqtunik. Higaan'nguat puujuqaqtut aturiami qajangnaqpiaktut hingaijunut arnanut, nutaqqanut, inulrammirnullu. Uqrvigidjavatit munaqhiqarvingni munaqhit hapkuninga higannguanik aturuvit imaaluuniit higaannguanik atuqpakhimaguvit hivuagut, mihigimaliruvit naunaitkutaujunik.
Higaan'nguat puujuqaqtut aturiami Taimaittut
Tamna higannguaq imaittuq unnakhivaktuq e-juice (e-mamaqutikhamik, mamaqhaqhimajut, imaqarvikhamut naqitautilingmut atuqtup hiluqpagait. Angatait hakugiktut nicotine-mik mikkatannuaniklu piliurnik ilunmut anniqhaaqtaqtatit atuqtutlutit higaan'nguarnik pidjutiqaqtut ipiralailaqidjutit, uummahiqinirmut, nukiiktirnirmut (stroke), aungnut tiklia qulvaktitpiakhunillu, imaalu puvvakkit hunngikpaktut. Higaan'nguat puujuqaqtut aturiami qajangnaqtutlu atugakhaungittut higaaruijarumajunut Nicotine nipittaaqtut imaalu kuttuit, ukuallu taimaaqtiutikhat havaktit taimaittut Champix qajangnaittut,imaalu ikajuutauniaqtut higaajuijautikhatit.
Qiniqhiaguvit qanuqtut higaaruijautikharnik, uqarvigilugit nunangmi munaqhitkut imaalu takulugu hamna qaritaujakkutwww.nuquits.ca naunaiqhittairvikharnik ikajuutikharniklu.
###
Tuhaqtidjutikhanun Uqaqvikhaq:
Chris Puglia
Tuhaqtipkainirmut Ajuittiaqhimajuq
Munaqhiliqijitkut
867-975-5762
@email