Akiliuhiarniqmut Taaksiutingit
Taiguakhat
Taiguakhat - Akiliuhianun Taaksiitigut Titirqat Itqaumadjunmun 2021
Maligakhat
Naqitaqlugu qaritauyamut pipkaitjutininnganut aatjikutaanik titiraqmik Nunavuutim Akiliuhirniqmut Taaksiutingit Maligaq unaluuniit Akiliuhirniqmut Taaksiutingit Maligarnik aulatitjutingit.
Nunavuutim Akiliuhirniqmut Taaksiutingit Maligaq
Akiliuhirniqmut Taaksiutingit Maligarnik
Maliktakhat
Havagviit Maligahait haffumunga Akiliuhianun Taaksinun Atiliurutinun
Maliktakhat Akiliuhianun Taaksiijautinik Pihimanikkut Unniutinikkullu
Malikhautikhangit naunaiyaiyaangat havakti taaksiliqiniaqtun talvani Nunavunmi Akiliuhialiqiyunik Taaksingit Maligaq
Pijjutigiyaa
Nunavut atuqtittivaktuq maniliurniagut inkamtaaksiiyautinik tamatkiqhugit maniliurutaanut tamaita havaktiuyut havakpata Nunavunmi.
Akiliuhianun Taaksiit – Uuktuutit Atiliurnirmun 2022
Akiliuhianun Taaksiit Ukiumi Utiffaangnikkut titirqat
Akiliffaangnikkut titiqat
Atukiqtuutikkut akiliqtuidjutit
Kititiriniq Taaksiiyautinik
Kititirinia taaksiiyautip imaittuq: 2 pusantnguyuq inkamtaaksiiyautilaaqtaa maniliurutaanut havaktip havakkumi Nunavunmi.
Qanuq Taaksiiyautiqarniq
Taaksiiyautit unguvaqtauvaktut ihuaqhailiraangamik atanirnit havaktimit ataniata maniktaqtautaanik tunihivakkumi. Tajja haniagut 1000 nik havaktiqaqtugut attiqtuihimayunik Maniliurnikkut Inkamtaaksiiyautikhamut. Hamna unguvaqhiniq unguvaqtauvaktuq manilikhaanik ihuaqhailirumi. Inkamtaaksiiyaqtauyunaittuq maniliurutaa havakti havakkumi ahinia Nunavut maniliunngitkumilu avatqullugu $5000 Nunavunmi. Havakti maniliurumi avatquplugu $5000 ukiumi atauhirmi Nunavunmi, taaksiiyaut pilaaqtaa tamatkirlugu maniliurutaagut pihimayani Nunavunmiillakhuni.
Havakti havayukkumi Nunavumi, taaksiiyaut pilaaqtaa tamatkirlugu maniliurutaagut pihimayani Nunavunmiillakhuni ahiniluunniit.
Havakti ihumagiyauniaqtuq havayuktuq iluani Nunavut havayukkumi, havaariyaqarumi ikayuqpakkumiluunniit iluani Nunavut nappaa avatqutkumiuk uplukhat havaktami atanirminut ukiumi ataurhirmi.
Utiqtukhat Man’ngit
Havaktit akiliqtuigumik avatquplugu akiliqtakhani ilakuanik pilaaqtut, titiqqiiqinngitkaluarluni avatqujjutimik ataani Manikhaliqinikkut Taaksiiyautikkut Maligaq ukiumi atuqtumi.Havakti tuniniaqtaa, avatqujjunmit maningmit, avatqujjutaa havaktimut pihimayaminit.
Maliktittinikkut Qanuriliurutit
Attiqtuiniq
Havaktit attiqtuiyukhat Kavamaanut Nunavut qaangiqtinnagu 21 uplut hivullirmik maniktarniagut havaktip aturlugu havaqattarniata qannuq.
Tammainnaittumik PiyakhatMinista pitqulaaqtait tiguhinahuat tutququlugit maniup nalliutaanik maniinnaup aajjikkutaanik aallakkulluunniit tammainniattumik.
Maningnik Qauyihainiq
Atan’ngit pihimayukhauyut nauniayattiaqhimayunik titiqqanik imaa siksinik (6) ukiunik taaksiiyautit tunilraaqhimayut Ministamut. Ihumaliurumi Minista ihumagiyunaita una avatqumayut siksit (6) ukiut ihivriuqhiniq pilraaliqtillugu, qauyihainiq ihivriuqhinriluunniit makpiraanik maniliqinikkut, naunaitkutat titiqqalluunniit kihimi takuyaqarumi taamna inungmik ihuinaaqhimayumik kiglikhaqanngittuqaqqat.
Anullakhautit Akiliqtakhallu
Minista ihuaqhailaaqtuq anaullakhautikhamik aajjikkutaanik 10 pusantimik akiliqtakharaluangata.
Tunihinngitkumi akiliqhinngitkumiluunniit piyakhaminik
- 10 pusantnguyuq akiliqtakhaminut tuniyakhani
- 20 pusantnguyuq akiliqtakhaminik tuniyakhani, inuk akiliqtakhaqarumi mikhaagut kingullirmi aqiliqkhimanngitamini 12ni tatqiqhiutini pilraaqhugu upluqaqtuq akiliqtakhaa
- Inuk pihimanngitkumi maningnik piyakhaminik akikhamik tuniniaqtaa Minista avatqujjutaanik ihuaqhihimayuq aturlugu titiraqhimayumi 17(1)mi Kiinauyaliqiyitkut Maligaani.
Attiqtuihimanngitkumi
Kinalilqaak inuk attiqtuihimanngitkumi malikhugu pitquyauhimayut akiliqhilaaqtuq 250 talaamik ihuinaarutimut atuni.
Pinngitkumi Inkamtaaksikhamik Ukiuq Tamaat pivaktamik
$100 titiranngitkumi kinguvarumiluunniit Ukiuq Tamaat inkamtaaksiliqinikkut
Pinngitkumi Pitquyauhimayumik
Kinaliqaak inuk pinngitkumi inkamtaaksiliqinirmik piyakhariyaraluaminik malikhugu pitquyauhimayuq akiliqhilaaqtuq aajjikkutaanik 250 taalaup unalu 5 pusantimik akikhamik taaksiiyautikkut aakiliqakhamik kitumi atuqtami naunaiyaqhimayuq pitquyauhimayumi akiliqhimaitpat titiraqhimayuq inkamtaaksikhaq piyakharitillugu.
Pinngitkumi Kangiqhiyakhanik
$100 atuni akiliqtakhaq pinngitkumi. Kihimi, kangiqhiyakhanik piyakhat aallamut inungmut, akhuuqhuni pinahuarumi inuk kangiqhiyakhanik.
Iqupluni Uqaqhimayut Iliuraqhimanngittulluunniit
Akiliqhiluni 250 taalamik angitqianguyumik unalu 25 pusantmik amiakkumik taaksiiyautinik akiliqtakhaminik inkamtaaksikhaminilluunniit