Talvuuna Nanminiqhurnikkut
Huna nanminiqhurniq?
Nanminiqhurniq pitjutigiyaa nuutirnirmut hakugiknikhanut tahapkununga Nunavunmi (Kuin) nunangit pivikhaillu Kavamanga Nunavut-kunut. Nanminiqhurniq pipkakniaqtait Nunavunmiutat ihumaliuqtitlugit qanuq nunalgit nunangit pivikhaillu atuqtauvaktut pivalliatjutigivlugillu. Angirutikhaq aivarutiginiaqtaat akunngani Kavamanga Nunavut, Kavamanga Kanata unalu Nunavut Tunngavikkut Timinga ihuaqhilugu piyakhat nuutirnirmut.
Huuq nanminiqhurniq piyakhauva Nunavunmi?
Nanminiqhurniq qanikliniaqtaa ihumaliurutikhaq aihimaviptingnut,tunihivlutik Nunavunmiutanut uqarianginni ihumagiyamingnik inmingnut pitjutauhimayanut. Iniqtirutaanut ihumaliurutikhaq nunalgit nunangit pivikhaillu atuqtauvaktut pinialiktait Nunavunmi pihimaikhugit Ottawa-mi. Nanminiqhurniq pipkakniaqtait Nunavunmiutat ihuatqiyamik hakugiknikhamik pivalliatjutikhanut munarilugulu Avatittinnik Kamatsiarniq, avatingnutluuniit munaqhittiarniq.
Nunavut upalungaiyaqhimava nanminiqhurnikkut?
Ihi. Nanminiqhurniq piyakhauyuq piyakhani havakhimmaaliriaptingni havaktauyakhanut nunataarutikhanut aivaqatigiigutikhanut ihuaqhilugu angiqatigiiklutik. Kavamanga Nunavut upalungaikhimayut aivaqatigiigiamingni naunaiklugu angirutikhamik ukuat havaqatigilugit Kanata NTI-kutlu. Aivaqatigiiktitlugit ihuatqiyak piyakhariyaat Nunavunmiutanut qilamik iniqtilimaittuq, Nunavut upalungaikhimayut tuglia havaliklugu kavamaliqitjutikhamingni pivalliatjutikhanut.
Qanuq havaarivagit Nanminiqhurniliqiyitkut Kangia ?
Qanurinnia ayurnavyangnialu nanminiqhurnikkut pitquiniqaqtuq aularaanginnaqtumik havakvikmi havakpiaqpaktut pilirnikkut atuqtipkailirnikkutlu uuminga nanminiqhurnikkut angirutighamik. Havakvik hivulliuqtuq ihuarhaiyurlu nanminiqhurnikkut pilirnikkut ukunani Kanadaup Kavamaani (GC) ukunanilu Nunavut Tunngavitkunni (NTI). Havakvik havaquyauhimayurlu atuqtipkailirnikkut kingulliqpaarmik angirutimik taapkunai ukiuni iniqqat pinia.