Panniqtuurmi

Pangnirtung

Pangnirtung, 50 km ungahiktilaanga hamanga Ukiuqtaqtumi Avaluani, najugaqaqtuq angijumi hiniqanirmi utuqami ataani imnaini haffuma Pangnirtung kangiqhuani, tunungani haffuma Cumberland Sound hamani N66 10' W65 44'.

Pangnirtung piqaqtuq ingilraanin Qilalugaqhiuqnirmik hamani Cumberland Sound humi nanminiqaqtut qilalugaqhiuqtit aularutijut uvani 1820mi. Uvani 1838 una Scottish qilalugaqhiuqti atia William Penny unalu Inuk hivuliqhuqtuq iliturijaat unaa Cumberland Sound. Nipiit arviit, Inuit inuuhiit aalanguqpaliajut qilalugaqhiuqpalirmata. Atughaaqtilugu 1850, amigaitut Inuit ighinaqtait inmi najugatik havagiamingni qilalugaqhiutini hamani Nuvuyen (najugaa hivruaani hinaani) hamunga Kekerten Qikiqtaanun (hamani tunungani hinaani).

Qitqani 1860, Cumberland Sound takunaqhijut "iqaluiqpaliajuq". Talvunga 1870 Nuvuyen ajuqhautiqaliqtut umiaqaluarungniahuni anguniarahuanik qilalukanik Inuit utiffaaqhutik nunamingnun avatiini haffuma.

Uvani 1921 ukua Kapanit igluqpijut niuvaavighamik Pangnirtuumi kitut talvungauvaliajut Inuit. Malruk ukiuk kiguani Piliihimat (RCMP) iglupaghaa napaqtaujuq. Uvani 1929, St. Luke's Mission Aanniaqvia napaqtaujuq. Hadjamun, ikitut Inuit najugarijaatPangnirtung, uvani 1962 tamavjaita Inuit hamani Cumberland Sound nuutut hamunga Pangnirtuumun humi aanniarutip hiamitiqtutp tuqunmagit qinmitik. Talvani ukiumi Kanadap Kavamait havaktaat titiqiqivikmik havagvingmik hivuliqpaaq ilihaiji talvungaqtuq Pangnirtuumun.

Uvani Qitiqqautijuq 1, 1973, Pangnirtung Haamlanguqtuq. Miijaa katimajiillu niruaqtaujut nunallaamin kitut munaqhijut havagvingmik nunallaami kitut ilaujut tunihinirmun kivgaqtuutinik. Aalakiinik katimajiujut Hamlet katimajiit imaatun Aanniaqtailinirmun katimajiit, Qajangnautinun ajuqhautinun katimajiit ukualu inulramiit katimajiit.

Inugiangnira: 1,645

Qaujigiarviksaq

Irngiinaaqtaut: @email
Uqaalauti: 867-473-8953
Sukkajukkut: 867-473-8832
Ikiaqqivik: www.pangnirtung.ca