QANUQ PIYAAMI ATIPP-MUT APIQHUUTIKHAMIK
Angiqtauhimaittumik Piyumayunut
Pittaarumik, GN-kut tunihiniaqtut inungnut piyaanginni naunaitkutikhanik apiqhikpata, pihimaittugu angiktauhimayukhauyunut ATIPP-mut piyakhainut. Ilangit naunaitkutit pittaaqtagaluangit inuit angiktauhimaittumik ATIPP-mut apiqhuutikhamik. Naunaitkutait naunaitkutikhanut ukunatut:
makpiraaliuqhimayunik
naunaitkutikhat makpiraat
maliktakhat naunaitkutit
atugakhat maliktakhauyulluunniit
titiqqat
unnirutit
naunaitkutikhat kavamatkut havakpagainut inungnut pidjutigiyauyunut
Hivunighaliurutikhat ATIPP-mut Maligaq piyakhauyut angiktauhimaittunik angiqtauhimalutikluunniit naunaitkutikhanik.
Angiqtauhimayumik Piyumayunut
ATIPP-mut Maligaq ikayuutikhaq inungnut apiqhiyaanginni naunaitkutikhamingnik pihimayainit Nunavut Kavamangat (GN). Angirutikhamut ATIPP-mut apiqhilutik, ukuat piyakhatit:
Naunaiklugu kavamatkuni havagvia naunaitkutikhanik pihimayuq qiniqhiayangnik.
Apiqhilutit titiraqlutit.
Agitilugu, kayumiktukkut, titiqqivikkut unaluunniit Titiraqvia Qaritauyakkut pitquhimayangnut taaffumunga ATIPP-mut tutkiqhaiyi kavamatkuni timiqaqtuni naunaitkutikhanik pihimayainut.
Akiliklugu hunalikaak akiligakhanik fee piqaqqat.*
Piyaami ihuaqhaiyaamilu inungmut naunaitkutikhanik
Kinalikaak naunaiyainginnarialgit naunaitkutigiyainut kavamatkuni timiqaqtunut piqaqqata ilingnut. Naunaiyainiq ilingnut naunaitkutikhanik ihuarianginni naunaitkutait kavamatkuni timiqaqtuni pihimayainut ilingnut itquumayaanginni.
Piyumaguvigit ilingnut naunaitkutariyainik, piyakhariyait apiqhuutikhaq naunaitkutikhanut havagvigiyaanut naunaiklugit naunaitkutikhanik piyumayangnut. Naunaiyarumagungni qanuq apiqhuutikhangnut naunaitkutikhanik piyaangni, takuyakturlugu qaritauyakkut naunaitkutikhainut Access for Information and Protection of Privacy.
Ilihimaguvit naunaitkutariyatit kavamatkut havagviinni ihuangitpata, tunihiyukhauyutit uuminga titiqqamik Apiqhuutimut Ihuaqhaidjutikhamut Inungmut Naunaitkutikhanut Titiraq Request for Correction of Personal Information Form kavamatkuni havagvigiyaanut.
Kavamatkuni havagvik ilingnut kiuyukhauyuq iluani 30-ni ubluni.