ᐱᓕᕆᐊᒃᓴᑦ, ᑐᕌᖅᑕᐅᓇᓱᐊᖅᑐᑦ, ᐱᒻᒪᕆᐅᒋᔭᖏᓪᓗ
ᐱᓕᕆᕝᕕᒃᑯᑦ ᐃᖅᑲᓇᐃᔮᖃᓲᑦ ᖃᓄᐃᑦᑕᐃᓕᑎᑦᑎᓇᓱᐊᖅᖢᑎᑦ ᓴᐳᔾᔨᓇᓱᐊᖅᖢᑎᒡᓗ ᐊᑦᑕᓇᙱᑦᑐᒥᒃ ᐃᓅᖃᑎᒌᖕᓂᑦ ᐃᖅᑲᖅᑐᐃᓂᓕᕆᓂᖅ ᐊᐅᓚᑕᐅᓂᖓᑎᒍᑦ ᐃᑉᐱᒍᓱᑦᑎᐊᖅᖢᑎᑦ ᐱᓕᕆᐊᖃᓲᖑᓂᖏᑦ ᓄᓇᓕᖕᒥᐅᑕᐅᔪᑦ, ᐊᒻᒪᓗ ᒪᓕᓲᖑᓪᓗᑎᑦ ᑐᙵᕕᖏᓐᓂᑦ ᐊᒻᒪᓗ ᐱᒻᒪᕆᐅᒋᔭᖏᓐᓂᑦ ᐃᓄᐃᑦ ᖃᐅᔨᒪᔭᑐᖃᖏᑕ ᐊᒻᒪᓗ ᐃᓄᐃᑦ ᐱᖅᑯᓯᑐᖃᖅᑎᒍᑦ ᐱᖁᔭᖓ.
ᒪᓕᒐᓕᕆᔨᒃᑯᑦ ᖃᐅᔨᒪᑦᑎᐊᓲᑦ ᒐᕙᒪᒃᑯᑦ ᐱᓕᕆᐊᖏᑦ ᑲᒪᒋᔭᐅᒐᓗᐊᕐᒪᖔᑕ ᒪᓕᒃᖢᒋᑦ ᒪᓕᒐᐃᑦ. ᐱᓕᕆᕝᕕᐅᔪᖅ ᑲᒪᒋᐊᖃᓲᖑᖕᒥᔪᖅ ᖃᐅᔨᒪᑦᑎᐊᕐᓗᑎᑦ ᑕᒪᐃᓐᓂ ᒪᓕᒐᐃᑦ ᐊᑐᐊᒐᕋᓛᖏᓪᓗ ᓄᓇᕗᒻᒥ ᑲᓇᑕᐅᑉ ᐱᖁᔭᕐᔪᐊᖓᓄᑦ ᐊᒻᒪᓗ ᓄᓇᕗᑦ ᐱᖁᔭᖓᓄᑦ ᒪᓕᒃᑲᓗᐊᕐᒪᖔᑕ.
ᐱᓕᕆᕝᕕᒃ ᐱᐅᔪᒥᒃ ᐱᖁᔭᓕᕆᓂᕐᒧᑦ ᐱᔨᑦᑎᕋᓲᖅ ᐊᐅᓚᑦᑎᔩᑦ ᑲᑎᒪᔨᖏᓐᓄᑦ ᐊᒻᒪᓗ ᓄᓇᕗᑦ ᒐᕙᒪᖏᓐᓄᑦ. ᐊᐅᓚᑦᑎᓲᖑᖕᒥᔪᑦ ᐱᓕᕆᐊᕐᓂᑦ ᐱᔨᑦᑎᖅᐸᒃᑐᑎᓪᓗ ᓄᓇᕗᒥᐅᓂᑦ ᖃᐅᔨᒪᓇᑦᑎᐊᖁᓪᓗᒋᑦ ᑕᒪᐃᓐᓂ ᐃᓄᐃᑦ ᓄᓇᕗᒻᒥ ᐃᖅᑲᖅᑐᐃᕕᓕᕆᓂᕐᒧᑦ ᓴᐳᓐᓂᐊᖅᑎᖃᕈᓐᓇᑦᑎᐊᕐᓂᐊᕐᒪᑕ ᐊᒻᒪᓗ ᐊᑦᑕᓇᙱᑦᑐᒥ ᓄᓇᓕᖕᓂ ᐃᓅᓯᖃᕐᓗᑎᑦ.