ᐅᖃᓚᐅᑎᓯᐅᑏᑦ

You are here

ᖃᓄᖅ ᐱᔪᒪᔭᖃᕋᔭᖅᐱᑦ ᑐᓴᖅᑕᐅᔪᒃᓴᓄ ᐱᔪᒪᓂᕆᔭᕐᓂᒃ?

ᒪᓕᒋᐊᖃᖅᑐᖃᕋᓂ ᐊᑐᕐᓂᖅ


ᐊᔪᕐᓇᙱᑐᐊᕌᖓᑦ, ᓄᓇᕗᑦ ᒐᕙᒪᖓ ᐱᑎᑦᑎᖃᑦᑕᕐᓂᐊᖅᐳᖅ ᐃᓄᖕᓂᒃ ᐊᑐᕈᓐᓇᕐᓂᕐᒥᒃ ᑐᓴᖅᑕᐅᔪᒃᓴᓂᒃ ᒪᓕᒃᑕᖃᓪᓚᑲᐅᔭᙱᒃᑲᓗᐊᕐᓗᑎᒃ, ᐊᑐᕆᐊᖃᙱᓪᓗᑎᒃ ᒪᓕᒃᑕᐅᓪᓚᕆᒋᐊᖃᖅᐸᒃᑐᒧᑦ ATIPP-ᒧᑦ ᑲᔪᓯᔾᔪᑕᐅᕙᒃᑐᒧᑦ. ᑎᑎᕋᖅᓯᒪᔪᖁᑎᒋᔭᐅᔪᑦ ᑐᕌᕆᔭᖃᖅᑐᑦ ᒪᓂᒪᓪᓗᐊᖅᐳᑦ ᑭᒃᑯᑐᐃᓐᓇᓄᑦ ᐃᓕᓯᔪᖃᓚᐅᙱᒃᑲᓗᐊᕐᓗᓂ ᒪᓕᒃᑕᐅᓪᓚᕆᒋᐊᖃᖅᑐᒥᒃ ATIPP-ᒧᑦ ᐱᔪᒪᔾᔪᑕᐅᔪᒥᒃ. ᖃᐅᔨᔾᔪᑕᐅᔪᓐᓇᖅᑐᑦ ᑕᒪᒃᑯᓄᖓ ᑎᑎᕋᖅᓯᒪᔪᖁᑎᒋᔭᐅᔪᓄᑦ ᐅᑯᓂᖓ ᐃᓚᖃᖅᐳᑦ:

  • ᑎᑎᕋᖅᓯᒪᓕᖅᑎᑕᐅᓯᒪᔪᑦ
  • ᒪᒃᐱᖅᑐᒐᑯᓗᐃᑦ
  • ᖃᓄᐃᓕᐅᕆᐊᖃᕐᓂᕐᒥᒃ ᖃᐅᔨᕙᓪᓕᐊᔾᔪᑏᑦ
  • ᐊᑐᐊᒐᐃᑦ ᒪᓕᒋᐊᓖᓪᓘᓐᓃᑦ
  • ᑎᑎᕋᕆᐊᓖᑦ
  • ᐅᓂᒃᑲᐅᓰᑦ
  • ᑐᓴᖅᑕᐅᔪᒃᓴᐃᑦ ᒐᕙᒪᒃᑯᑦ ᐱᓕᕆᐊᕆᑎᑉᐸᒃᑕᖏᓐᓄᑦ ᐱᔨᑦᑎᖃᕐᓂᕆᕙᒃᑕᖏᓐᓄᓪᓗ ᐊᒃᑐᖅᓯᕙᒃᑐᑦ ᑭᒃᑯᑐᐃᓐᓇᓂᒃ

ᐊᑐᖅᑕᐅᕙᒃᑐᑦ ATIPP-ᒧᑦ ᐱᖁᔭᕐᒥ ᐊᑐᖅᑎᑕᐅᔭᕆᐊᖃᖅᐳᑦ ᑖᓐᓇ ᐱᔪᒪᔾᔪᑕᐅᔪᖅ ᐊᑐᕈᒪᓂᕐᒥ ᑐᓴᖅᑕᐅᔪᒃᓴᓂᒃ ᒪᓕᒃᑕᖃᑦᑎᐊᕐᓗᓕ ᒪᓕᒃᑕᖃᓪᓚᖃᐅᔭᙱᒃᑲᓗᐊᕐᓗᓂᓘᓐᓃᑦ.

 

ᒪᓕᒃᑕᖃᑦᑎᐊᕐᓗᓂ ᐊᑐᕐᓂᖅ

ATIPP-ᒧᑦ ᐱᖁᔭᖅ ᐱᑎᑦᑎᕙᒃᐳᖅ ᐃᓄᑐᐃᓐᓇᓂᒃ ᐱᔪᓐᓇᐅᑎᒥᒃ ᐱᔪᒪᔪᓐᓇᕐᓂᕐᒥᒃ ᐊᑐᕈᒪᓗᓂ ᑐᓴᖅᑕᐅᔪᒃᓴᓂᒃ ᐱᔭᐅᓯᒪᕗᓂᒃ ᓄᓇᕗᑦ ᒐᕙᒪᒃᑯᖏᓐᓂᑦ. ᐱᔪᒪᔭᖃᕐᓂᐊᕈᕕᑦ ᒪᓕᒃᑕᖃᑦᑎᐊᕐᓗᓂ ATIPP-ᒧᑦ ᐱᔪᒪᓂᕐᒥ, ᐅᑯᓂᖓ ᒪᓕᒋᐊᖃᖅᐳᑎᑦ:

  1. ᓇᓗᓇᐃᕐᓗᒍ ᐱᓕᕆᕝᕕᒋᔭᐅᔪᖅ, ᑐᑦᑕᕐᕕᒋᔭᐅᔪᖅ, ᑲᑎᒪᔨᒋᔭᐅᔪᑦ, ᑲᒥᓴᒋᔭᐅᔪᖅ, ᑯᐊᐳᕇᓴᕆᔭᐅᔪᖅ ᑎᑎᕋᕐᕕᒋᔭᐅᔪᕐᓘᓐᓃᑦ (ᑭᒃᑯᑐᐃᓐᓇᖅᓯᐅᑕᐅᓪᓗᓂ ᑎᒥᒋᔭᐅᔪᖅ) ᐱᓯᒪᔪᖅ ᑖᒃᑯᓂᖓ ᑐᓴᖅᑕᐅᔪᒃᓴᓂᒃ.
  2. ᐱᔪᒪᔾᔪᑎᒋᔭᐃᑦ ᑎᑎᕋᖅᓯᒪᓕᖅᑎᓪᓗᒍ.
  3. ᑐᓂᓗᒍ, ᓱᒃᑲᔪᒃᑰᖅᑎᓪᓗᒍ, ᑎᑎᖅᑲᑎᒎᖅᑎᓪᓗᒍ ᖃᕆᑕᐅᔭᒃᑯᓪᓘᓐᓃᑦ ᐊᐅᓪᓚᖅᑎᓪᓗᒍ ᐱᔪᒪᔾᔪᑎᒋᐃᑦ ATIPP-ᒧᑦ ᐊᐅᓚᑦᑎᔨᒋᔭᐅᔪᒧᑦ ᑭᒃᑯᑐᐃᓐᓇᓄᑦ ᑎᒥᖁᑎᒋᔭᐅᔪᒧᑦ ᐱᓯᒪᔪᒧᑦ ᑐᓴᖅᑕᐅᔪᒃᓴᓂᒃ ᐱᔭᕆᐊᖃᖅᑕᕐᓂᒃ.
  4. ᐊᑭᓕᕐᓗᒍ ᐊᑭᓕᕆᐊᓕᒃ ᑕᒪᑐᒧᖓ ᐊᑐᑐᐃᓐᓇᕆᐊᓕᒃ.* (ᐊᑦᑕᑕᕐᕕᒃ ᐊᑭᓕᕆᐊᓕᖕᓄᑦ)*

ᐊᑐᕐᓂᖅ ᑕᒻᒪᖅᓯᒪᔪᓐᓃᖅᑎᑦᑎᓂᕐᓗ ᐃᓄᖕᒧᑦ ᐊᑕᐅᓯᕐᒧᑦ ᑐᓴᖅᑕᐅᔪᒃᓴᖁᑎᒋᔭᐅᔪᓂᒃ

ᑭᓇᑐᐃᓐᓇᑦᑎᐊᖅ ᕿᒥᕐᕈᐊᒃᑲᓐᓂᕈᓐᓇᖅᐳᖅ ᑐᓴᖅᑕᐅᔪᒃᓴᓂᒃ ᑭᒃᑯᑐᐃᓐᓇᓄᑦ ᑎᒥᒋᔭᐅᔪᒃ ᐱᓯᒪᔭᖏᓐᓂᒃ. ᕿᒥᕐᕈᐊᒃᑲᓐᓂᕐᓂᖅ ᐃᓕᖕᓄᑦ ᑐᓴᖅᑕᐅᔪᒃᓴᖁᑎᒋᔭᐅᔪᓂᒃ ᓇᓗᙱᑦᑎᐊᕈᑕᐅᕙᒃᐳᖅ ᑐᓴᖅᑕᐅᔪᒃᓴᑦ ᐃᓕᖕᓄᑦ ᑐᕌᖓᔪᑦ ᑕᒻᒪᖅᑕᖅᓯᒪᙱᑦᑎᐊᕋᓗᐊᕐᒪᖔᑕ.

ᑕᑯᔪᒪᒍᕕᑦ ᐃᓕᖕᓄᑦ ᑐᕌᖓᔪᓂᒃ ᑐᓴᖅᑕᐅᔪᒃᓴᖁᑎᒋᔭᐅᔪᓂᒃ, ᐱᔪᒪᔭᕆᐊᖃᖅᐳᑎᑦ ᐊᑐᕈᒪᓂᕐᒥᒃ ᑐᓴᖅᑕᐅᔪᒃᓴᓂᒃ ᐱᔪᒪᔾᔪᑎᒥᒃ ᑕᐃᒪᐃᑦᑐᓕᖕᓄᑦ ᑭᒃᑯᑐᐃᓐᓇᓄᑦ ᑎᒥᒋᔭᐅᔪᒧᑦ ᑐᓴᖅᑕᐅᔪᒃᓴᓂᒃ ᐱᔪᒪᕝᕕᒋᓗᒍ. ᑐᓴᖅᑕᖃᒃᑲᓐᓂᕈᒪᒍᕕᑦ ᖃᓄᖅ ᐱᔪᒪᔭᖃᕋᔭᕐᒪᖔᖅᐱᑦ, ᐅᓇ ᑕᑯᔭᖅᑐᕐᓗᒍ ᒪᓕᒃᑕᖃᑦᑎᐊᕐᓗᓂ ᐊᑐᕐᓂᕐᒧᑦ.

ᐃᓱᒪᒋᔭᖃᕈᕕᑦ ᐃᓕᖕᓄᑦ ᑐᕌᖓᔪᑦ ᑐᓴᖅᑕᐅᔪᒃᓴᐃᑦ ᐱᔭᐅᓯᒪᔪᑦ ᑭᒃᑯᑐᐃᓐᓇᓄᑦ ᑎᒥᒋᔭᐅᔪᓂᑦ ᑕᒻᒪᖅᓯᒪᓇᓱᒋᓗᒋᑦ, ᑐᓂᓯᔪᓐᓇᕋᔭᖅᐳᑎᑦ ᐱᔪᒪᔾᔪᑕᐅᔪᒥᒃ ᑕᒻᒪᖅᓯᒪᔪᓐᓃᖅᑎᑦᑎᓂᐊᕐᓗᓂ ᐃᓕᖕᓄᑦ ᑐᕌᖓᔪᓄᑦ ᑐᓴᖅᑕᐅᔪᒃᓴᓄᑦ ᑎᑎᕋᕆᐊᓕᖕᒥᒃ ᑕᐃᒪᐃᓕᐅᕐᕕᐅᔭᕆᐊᓕᖕᓄᑦ ᑭᒃᑯᑐᐃᓐᓇᓄᑦ ᑎᒥᖁᑎᒋᔭᐅᔪᓄᑦ.

ᑖᒃᑯᐊ ᑭᒃᑯᑐᐃᓐᓇᓄᑦ ᑎᒥᖁᑎᒋᔭᐅᔪᑦ ᐱᑎᑦᑎᔭᕆᐊᖃᕋᔭᖅᐳᑦ ᑭᐅᔾᔪᑎᒥᒃ ᐅᓪᓗᐃᑦ 30 ᐃᓗᐊᓂ.