ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐅᖃᓕᒫᒐᖃᕐᕕᓕᕆᔨᑦ

   

ᓄᓇᕗᒻᒥ ᐅᖃᓕᒫᒐᖃᕐᕕᓕᕆᔨᑦ 

 

ᓄᓇᕗᒻᒥ ᐅᖃᓕᒫᒐᖃᕐᕖᑦ ᐊᑦᑕᕐᓇᙱᑦᑐᑦ, ᑐᙵᓱᖕᓇᑦᑎᐊᖅᖢᑎᒡᓗ ᐅᐸᒃᖢᒋᑦ ᑲᑐᔾᔨᖃᑎᒌᒡᕕᑦ ᓇᑭᙶᒥᐊᕋᓗᐊᖅᐸᑕ, ᑕᐅᑦᑐᖏᑦ, ᐅᒃᐱᕐᓂᖏᑦ, ᐊᖑᑕᐅᓂᖏᑦ, ᐊᕐᓇᐅᓂᖏᑦ, ᓂᕈᐊᕆᔭᖃᕐᓂᖏᑦ, ᓇᑭᙶᕐᓂᖏᑦ ᐅᕝᕙᓘᓐᓃᑦ ᐱᔪᓐᓇᕐᓂᖏᑦ. ᑐᕌᒐᖃᕋᑦᑕ ᐃᑲᔪᕈᒪᓪᓗᑎᒍ ᐅᖃᓕᒫᒐᖃᕐᕕᓕᐊᖅᐸᒃᑐᑦ ᖃᓄᑐᐃᓐᓇᖅ ᑐᑭᓯᒋᐊᕈᒪᒑᖓᑕ ᓴᖅᑭᑎᓂᐊᖅᑎᓪᓗᒋᑦ ᐱᕕᒃᓴᐅᔪᓐᓇᖅᑐᓂᒃ ᐃᒻᒥᓄᑦ ᐱᕚᓪᓕᕈᑎᒃᓴᓂᒃ ᐊᒻᒪ ᐃᑲᔫᑎᒃᓴᖏᓐᓂᒃ. ᐅᖃᓕᒫᒐᖃᕐᕕᓕᐊᖅᐸᒃᑐᑦ ᐊᑐᐃᓐᓇᕈᕐᕕᒋᕙᒃᐸᕗᑦ ᑐᑭᓯᒋᐊᒐᒃᓴᓂᒃ ᐃᓅᓯᕐᒥᓄᑦ ᐃᑲᔫᑎᒃᓴᓂᒃ ᓄᓇᕗᒥᐅᑕᐅᑎᓪᓗᒋᑦ ᓄᓇᓕᐅᖃᑕᐅᑎᓪᓗᒋᓪᓗ ᓄᓇᖅᑲᑎᒌᓂᒃ. ᐊᒃᓱᕉᑎᖃᓲᖑᕗᒍᑦ ᓴᖅᑭᑦᑎᓇᓱᒃᖢᑕ ᓄᓇᓕᖕᓂ ᐊᐅᓚᑕᐅᔪᓐᓇᖅᑐᓂᒃ ᐱᓕᕆᐊᒃᓴᓂᒃ ᐃᑲᔫᑕᐅᔪᓐᓇᖅᑐᓂᒃ ᐃᓅᖃᑎᒌᓄᑦ, ᒪᑭᒪᔾᔪᑎᓄᑦ ᐊᒻᒪ ᐃᓕᖅᑯᓯᕆᔭᐅᔪᑦ ᐃᓅᑦᑎᐊᕈᓯᖏᓐᓄᑦ ᓄᓇᕗᒻᒥ ᓄᓇᓕᖕᓂ ᐊᑐᐃᓐᓇᕈᖅᑎᖦᖢᑎᒍᑦ ᑕᑎᒋᔭᒃᓴᐅᔪᑦ ᐊᒻᒪ ᐱᔪᓐᓇᕐᓂᖃᕐᕕᐅᔪᑦ ᑐᑭᓯᒋᐊᒐᒃᓴᑦ ᑎᓕᐅᕈᑎᒋᓪᓗᒋᑦ ᐃᒃᐱᒍᓱᑦᑎᐊᖅᑐᑦ ᐊᒻᒪ ᐱᕐᔪᐊᑦ ᐅᖃᐅᓯᒃᓴᑦ ᐊᒻᒪ ᐋᔩᖃᑎᒌᒍᑎᒃᓴᑦ, ᐱᕙᓪᓕᐊᑎᖦᖢᒍ ᐱᔪᓐᓇᕐᓂᕆᔭᕗᑦ ᐱᕈᕈᓐᓇᕈᒪᓪᓗᑕ ᐊᓯᔾᔨᕈᓐᓇᕈᒪᓪᓗᑕᓗ. 

 

ᓄᓇᕗᒻᒥ ᐅᖃᓕᒫᒐᖃᕐᕕᖕᓂ (NPLS) ᐊᑐᐃᓐᓇᐅᑎᑦᑎᓲᑦ ᐅᖃᓕᒫᒐᕐᓂᒃ, ᖃᕋᓴᐅᔭᒃᑯᑦ ᐃᑲᔫᑎᒃᓴᓂᒃ ᐊᒻᒪ ᐱᓕᕆᔾᔪᑎᒃᓴᓄᑦ ᐃᑲᔫᑎᒃᓴᓂᒃ 11−ᖑᔪᓄᑦ ᓄᓇᓕᖕᓂ ᐅᖃᓕᒫᒐᖃᕐᕕᖕᓂ ᓴᖅᑭᑎᓐᓇᓱᒃᖢᑎᒍ ᑖᒃᑯᐊ ᖃᓄᐃᓕᖓᓕᕐᓂᕆᔭᐅᓲᑦ. ᖃᐅᔨᒪᔨᑕᕆᔭᐅᓲᖑᕗᒍᑦ ᐃᑲᔪᖅᐸᒃᖢᑎᒍᑦ ᓄᓇᕗᒻᒥ ᓄᓇᓖᑦ ᐱᕕᒃᓴᐅᔪᓐᓇᖅᑐᓂᒃ ᐊᑐᐃᓐᓇᕈᖅᑎᑕᐅᓯᒪᔪᓂᒃ ᐅᖃᓕᒫᒐᖃᕐᕕᖕᓂ. ᓄᓇᕗᒻᒥ ᐅᖃᓕᒫᒐᖃᕐᕖᑦ ᐊᔾᔨᒌᙱᕈᓘᔭᖅᑐᒻᒪᕆᐊᓗᖕᓂ ᕿᒥᕐᕈᐊᒐᖃᓲᖑᕗᑦ, ᐅᖃᓕᒫᒐᑦ, ᕿᓪᓕᖅᑐᑦ ᑕᕐᕆᔮᒃᓴᑦ ᐊᓯᖏᓐᓂᒡᓗ ᐱᔨᑦᑎᕋᐅᑎᓂᒃ ᐅᖃᓕᒫᒐᖃᕐᕕᓕᐊᖅᐸᒃᑐᓄᑦ. ᐊᓯᖏᑦ ᐱᔨᑦᑎᕋᐅᑎᑦ ᒪᑯᐊᖑᓪᓗᑎᒃ ᖃᕋᓴᐅᔭᒃᑯᑦ ᐃᓕᓐᓂᐊᖅᑎᑦᑎᕙᒃᖢᑎᒃ, ᓄᑕᖅᑲᓅᖓᔪᓂᒃ ᐱᓕᕆᑎᑦᑎᕙᒃᖢᑎᒃ, ᐊᑭᖃᙱᑦᑐᒥᒃ ᐃᑭᐊᖅᑭᕕᒃᑰᕈᓐᓇᖅᑎᑉᐸᒃᖢᒋᑦ, ᖃᐅᔨᒋᐊᕐᕕᖃᖅᑎᑉᐸᒃᖢᑎᒍᑦ, ᖃᐅᔨᓴᕈᓐᓇᖅᑎᖦᖢᑎᒍᑦ, ᐅᖃᓕᒫᒐᖃᕐᕕᖕᒥᙶᖅᑐᓂᒃ ᐅᖃᓕᒫᒐᕐᓂᒃ ᐊᖏᕐᕋᐅᔾᔨᔪᓐᓇᖅᑎᑉᐸᒃᖢᑎᒍᑦ, ᐊᒻᒪ ᐅᑭᐅᑉ ᐃᓚᖓᒍᑦ ᐱᓕᕆᑎᑉᐸᒃᖢᑎᒍᑦ ᐅᔾᔨᕆᔭᐅᓕᖅᑎᖦᖢᒍ ᐅᖃᓕᒫᕈᓐᓇᕐᓂᖅ ᑎᑎᕋᕆᐅᖅᓴᓂᖅ ᐊᒻᒪ ᓄᓇᕗᒻᒥᐅᑦ ᐃᓕᖅᑯᓯᖓᓐᓂᒃ ᐃᓕᓐᓂᐊᖅᑎᑦᑎᕙᒃᖢᑕ. 

 

ᓄᓇᕗᒻᒥ ᐅᖃᓕᒫᒐᖃᕐᕖᑦ ᐃᑭᐊᖅᑭᕕᖃᕐᒥᔪᑦ ᑎᑎᕋᖅᓯᒪᔪᖃᖅᖢᑎᒃ ᐊᒥᓱᓂᒃ ᓄᓇᓕᖕᓂ ᖃᐅᔨᒋᐊᕐᕕᒃᓴᓂᒃ ᐊᒻᒪᓗ ᐊᔪᙱᑎᖦᖢᒋᑦ ᖃᕋᓴᐅᔭᒃᑯᑦ ᑕᑯᔾᔪᑕᐅᔪᓐᓇᖅᑐᓂᒃ ᖃᔅᓯᑲᓪᓚᖕᓂᓪᓗ ᖃᕋᓴᐅᔭᒃᑯᑦ ᑎᑎᕋᖅᓯᒪᔪᓂᒃ. ᐅᖃᓕᒫᒐᖃᕐᕕᓕᐊᖅᐸᒃᑐᑦ ᓄᓇᕗᒻᒥ ᐅᖃᓕᒫᒐᖃᕐᕕᖕᓂ ᑕᑯᔪᒪᓇᔭᖅᑐᑦ ᑕᑯᒋᐊᑲᐅᑎᒋᔪᓐᓇᖅᑐᑦ ᐅᕗᖓ ᐃᑭᐊᖅᑭᕕᖕᒧᐊᕐᓗᑎᒃ ᓄᓇᕗᒻᒥ ᐅᖃᓕᒫᒐᖃᕐᕖᑦ .

 

 

ᐅᖃᕐᕕᖃᕈᒪᓗᓂ ᓇᓕᐊᖕᓂᑐᐃᓐᓇᖅ ᓄᓇᓕᖕᓂ ᐅᖃᓕᒫᖃᖃᕐᕕᐅᔪᒧᑦ...  

ᐅᖃᕐᕕᖃᕈᒪᓗᓂ ᓄᓇᕘᒥ ᑭᒃᑯᑐᐃᓐᓇᕐᓄᑦ ᐅᖃᓕᒫᒐᓕᕆᓂᕐᒧᑦ ᐱᔨᑦᑎᕈᑎᓄᑦ ᖃᒪᓂᕐᑐᐊᕐᒥ  

ᓯᕙᓂᐅᑕ: (867) 793-3353
ᓱᒃᑲᔪᒃᑯᑦ: (867) 793-3360
ᐃᕐᖐᓐᓈᖅᑕᐅᑖ: rknowling@gov.nu.ca

ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑯᑦ:

ᓄᓇᕘᒥ ᐅᖃᓕᒫᒐᖃᕐᕕᖕᒥ ᐱᔨᑦᑎᕈᑎᑦ
ᑎᑎᖃᓂᐊᕕᖓ 270
ᖃᒪᓂᕐᑐᐊᖅ, ᓄᓇᕗᑦ
X0C 0A0