ᐃᓅᓯᖃᑦᑎᐊᕐᓂᕐᒧᑦ ᑐᖅᑲᖅᑕᕐᕕ ᑮᓇᐅᔭᕐᓂ ᑐᒃᓯᕋᐅᑎᓕᕆᓕᕆᕗᑦ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᕖᕝᕗᐊᕆ 21, 2020
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓅᓯᖃᑦᑎᐊᕐᓂᕐᒧᑦ ᑐᖅᑲᖅᑕᕐᕕᐊ ᑮᓇᐅᔭᕐᓂᑦ ᑐᒃᓯᕋᐅᑎᓕᕆᓕᖅᐳᑦ ᐃᒻᒥᓃᖅᑕᐃᓕᒪᓂᕐᒧᑦ ᐊᕐᕌᒍᒧᑦ 2020−2021−ᒧᑦ.
ᑖᒃᑯᐊ ᐃᓅᓯᖃᑦᑎᐊᕐᓂᕐᒧᑦ ᑐᖅᑲᖅᑕᕐᕕᒃ ᓄᓇᓕᖕᓂᒡᓗ ᒐᕙᒪᖏᑦ ᓄᓇᕗᒻᒥ ᑲᔪᖏᖅᓴᐃᕗᑦ ᑐᓂᓯᖁᔨᓪᓗᑎᒃ ᑮᓇᐅᔭᕐᓂᒃ ᑐᒃᓯᕋᐅᑎᓂᒃ ᓄᓇᓕᖕᓂᖔᖅᑐᓂ ᐱᓕᕆᐊᒃᓴᓂ ᐃᒻᒥᓃᖅᑕᐃᓕᓂᕐᒧᑦ, ᐊᑲᐅᓂᖅᓴᒃᑰᕆᐊᖅᑎᑦᑎᓇᓱᖕᓂᕐᒧᑦ ᐊᒻᒪ ᓯᕗᓂᒃᓴᒧᑦ ᑖᒃᑯᓂᖓ ᐱᓕᕆᐊᖃᕈᒪᔪᓄᑦ.
ᐱᓕᕆᐊᖑᔪᓐᓇᖅᑐᑦ ᑮᓇᐅᔭᖅᑖᖅᑎᑕᐅᓇᓱᐊᕐᓗᑎᒃ ᐱᖃᑕᐅᕗᑦ ᑭᓯᐊᓂ ᑭᒡᓕᖃᙱᑦᑐᑦ ᐅᑯᓄᖓ:
- ᖃᓄᖅᑑᕈᑎᒃᓴᓄᑦ ᐸᕐᓇᐅᑎᓄᑦ;
- ᖃᐅᔨᓴᕐᓂᖅ ᖃᓄᐃᙱᑦᑎᐊᕈᑎᓄᑦ ᓯᕗᒻᒧᐊᒃᓴᓂᕐᒧᑦ;
- ᓄᓇᓕᖕᓂᑦ ᐃᓕᓐᓂᐊᖅᑎᑦᑎᓂᕐᒧᑦ;
- ᐃᓅᖃᑎᒌᓄᑦ ᐃᒃᐱᖕᓂᐊᔾᔪᑎᓂᒃ ᐃᓕᓐᓂᐊᖅᑎᑦᑎᓂᕐᒧᑦ;
- ᐊᑭᑐᔫᑎᑦ ᐸᕐᓇᐅᑎᓂᒃ;
- ᐃᓱᒪᑭᓴᒃᑎᑦᑎᓗᐊᕈᓐᓃᕐᓂᖅ;
- ᐃᑲᔪᖅᓱᐃᓂᖅ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᔾᔪᑎᓂᒃ; ᐊᒻᒪᓗ
- ᐊᓯᖏᑦ ᐱᐅᓯᒋᐊᕈᑎᒃᓴᐃᑦ ᐃᒻᒥᓃᖅᑕᐃᓕᓂᕐᒧᑦ ᖃᓄᐃᙱᑦᑎᐊᕋᓱᐊᕐᓂᕐᒧᑦ ᐱᓕᕆᐊᖑᕙᓪᓕᐊᔪᓂᒃ.
ᐊᑕᐅᓯᕐᒥᑦ ᑐᒃᓯᕋᕐᓂᖅ ᐅᓄᖅᑐᓄᑦ ᐱᔪᓐᓇᑐᐃᓐᓇᕆᐊᓕᖕᓂᑦ ᑲᔪᖏᖅᓴᐃᕗᑦ ᒪᓕᒡᓗᒍ ᓄᓇᓕᖕᓂᑦ ᐱᔭᕆᐊᖃᖅᑐᓂ. ᑐᒃᓯᕋᐅᑎᑦ ᐃᓱᓕᕝᕕᖃᙱᑐᑦ ᑐᓂᓯᔪᓐᓇᕈᑎᓪᓗ ᐱᔭᐅᓇᔭᖅᑐᑦ ᐊᕐᕌᒍᓕᒫᖏᓐᓂ 2020−2021-ᒧᑦ, ᑮᓇᐅᔭᖅᑖᕆᔭᕆᐊᖃᖅᑕᖏᑦ ᓈᒻᒪᒃᓯᒃᐸᑕ ᑭᓯᐊᓂ.
ᑐᓴᒃᑲᓐᓂᕈᒪᓐᓂᕈᕕᑦ ᖃᓄᖅ ᑐᒃᓯᕋᕈᓐᓇᕐᒪᖔᖅᐱᑦ ᖃᐅᔨᓇᓱᒍᓐᓇᖅᐳᑎᑦ @email-ᒧᑦ . ᐊᑏ ᐱᓕᕆᖃᑎᒌᓚᐅᖅᑕ ᐃᓅᓯᕐᒥ ᐃᒻᒥᓃᖅᑕᐃᓕᓂᕐᒧᑦ. ᐃᓅᓯᕗᑦ ᐊᓐᓂᓇᖅᑐᖅ, ᑲᑎᙵᔾᔪᑎᒋᕙᕗᑦ ᐃᓅᓯᓕᒫᑦᑎᓐᓄᑦ!
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5762
@email