ᐅᖃᓚᐅᑎᓯᐅᑏᑦ
LogoHome

You are here

ᐃᓕᓐᓂᐊᖅᑐᓕᕆᔨᐊᓛᒃᑯᑦ ECE-ᑯᑦ ᐃᓄᒃᑎᑐᑦ ᐅᖃᐅᓯᕐᒥᑦ ᐊᒪᓗ ᐱᖅᑯᓯᒥᒃ ᑮᓇᐅᔭᖅᒧᑦ ᒪᓕᒃᑕᐅᔪᒃᓴᖅ

ᓲᖅ ᑮᓇᐅᔭᖅᑕᖃᖅᐸ ᐃᓄᒃᑎᑐᑦ* ᐅᖃᐅᓯᕐᒥᑦ ᐊᒪᓗ ᐱᖅᑯᓯᒥᒃ ᓱᕈᓯᓄᑦ ᐃᓕᓴᐃᓂᕐᒧᑦ?

ᐃᓚᒋᔭᐅᔪᖅ 17 ᓄᓇᕗᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᒥᑦ ᐅᖃᖅᓯᒪᔪᖅ: “ᐃᓕᓐᓂᐊᖅᑐᓕᕆᔨᐊᓛᒃᑯᑦ ᑐᓂᓯᓂᐊᖅᐳᑦ ᓱᕈᓯᑯᓗᖕᓂᒃ ᐃᓕᓴᐃᓂᕐᒧᑦ ᑐᕌᖓᔪᓂᒃ ᐃᑲᔪᐃᔪᓂᒃ ᐃᓄᒃᑎᑐᑦ* ᐅᖃᓪᓚᖕᓂᕐᒥᒃ ᐊᒪᓗ ᖃᐅᔨᒪᓂᕐᒥᒃ ᐃᓄᐃᑦ ᐱᖅᑯᓯᖏᓐᓂᑦ.”

ᑭᑐᑦ ᐱᓕᕆᐊᖃᕈᖕᓇᖅᐸᑦ ᓱᕈᓯᑯᓗᖕᓄᑦ ᑐᕌᖓᔪᓂᒃ?

ᐱᔾᔪᑎᖓ ᓱᕈᓯᑯᓗᐃᑦ ᐃᓕᓴᕐᓂᖏᓐᓄᑦ ᑐᕌᖓᔪᖅ ᐃᑲᔪᖅᑐᐃᓂᕐᒧᑦ ᐃᓄᒃᑎᑐᑦ ᐅᖃᓪᓚᖕᓂᕐᒥᒃ ᐊᒪᓗ ᐱᖅᑯᓯᓂᒃ ᖃᐅᔨᒪᓂᖃᕐᓂᕐᒧᑦ ᓱᕈᓰᑦ ᐅᑭᐅᓖᑦ 0-6-ᒧᑦ.  ᓱᕈᓯᑯᓗᖕᓄᑦ ᑐᕌᖓᔪᖅ ᓱᕈᓯᓄᑦ ᑐᕌᖓᔪᑦ ᐊᕐᕕᓂᓕᖕᓂᑦ ᐅᑭᐅᖅᑖᖏᑦᑐᓄᑦ ᓱᓕ ᑎᓯᐱᕆ 31-ᒥᑦ ᐃᓕᓴᕐᓂᕐᒧᑦ ᐅᑭᐅᖑᔪᒥᑦ ᐊᒪᓗ ᖁᑦᑎᖕᓂᓕᒃ 1-ᒧᐊᖏᑦᑐᓄᑦ.  ᓱᕈᓰᑦ ᐃᓕᓴᓕᓵᖅᑐᒦᑐᑦ ᑐᕌᖓᔪᒦᖃᑕᐅᔪᖕᓇᖅᑐᑦ, ᑭᓯᐊᓂ ᐃᓕᓴᕐᕕᖕᒦᑦᑕᕆᐊᖃᙱᒃᑯᑎᒃ.

ᖃᓄᖅ ᐊᐅᓚᓐᓇᔭᖅᐱᑎᒍᑦ ᓱᕈᓯᑯᓗᖕᓄᑦ ᑐᕌᖓᔪᖅ ᐅᖃᐅᓯᒧᑦ ᐊᒪᓗ ᐱᖅᑯᓯᒧᑦ?

ᒪᕐᕉᖕᓂᒃ ᐊᑐᕈᖕᓇᖅᑐᑦ ᐃᓕᓐᓂᐊᖅᑐᓕᕆᔨᐊᓛᒃᑯᑦ ᑐᓂᔪᖕᓇᖅᑕᖏᓐᓂᒃ ᓱᕈᓯᑯᓗᐃᑦ ᐃᓕᓴᕐᓂᖏᓐᓄᑦ ᑐᕌᖓᔪᖅ ᐅᖃᐅᓯᒧᑦ ᐊᒪᓗ ᐱᖅᑯᓯᒧᑦ.

  • ᐃᓕᓐᓂᐊᖅᑐᓕᕆᔨᐊᓛᒃᑯ ᓴᖅᑭᑎᑦᑎᔪᖕᓇᖅᑐᑦ ᐊᐅᓚᓪᓗᒍᓗ ᓇᖕᒥᓂᖅ ᓱᕈᓯᑯᓗᐃᑦ ᐃᓕᓴᕐᓂᖏᓐᓄᑦ ᑐᕌᖓᔪᖅ – ᐅᑯᐊᖑᔪᖕᓇᖅᑐᑦ ᐅᖃᐅᓯᓕᕆᓂᕐᒧᑦ ᐅᑉᓗᖅ, ᑐᓂᓯᓂᖅ ᐅᖃᓕᒫᕐᕕᖕᒥᑦ ᐊᒪᓗ ᐊᖓᔪᖅᑳᑦ ᓱᕈᓯᓄᓪᓗ ᑐᕌᖓᔪᖅ, ᑕᒪᒃᑯᐊᕋᓗᐃᑦ; ᐅᕙᓘᓃᑦ
  • ᐃᓕᓐᓂᐊᖅᑐᓕᕆᔨᐊᓛᒃᑯᑦ ᐃᑲᔪᐃᔪᖕᓇᖅᑐᑦ ᑕᐃᒪᐅᔪᓂᒃ ᓱᕈᓯᑯᓗᖕᓄᑦ ᑐᕌᖓᔪᓂᒃ ᑮᓇᐅᔭᖃᖅᑎᑦᑎᓂᒃᑯᑦ, ᐃᖅᑲᓇᐃᔭᖅᑎᓂᒃ ᐅᕙᓘᓃᑦ ᑐᓂᓯᖃᑦᑕᖅᑐᓂᒃ ᑕᒪᒃᑯᓂᙵᑦ – ᐅᑯᐊᖑᔪᖕᓇᖅᑐᑦ ᐅᖃᐅᓯᓕᕆᓂᕐᒧᑦ ᐅᑉᓗᖅ, ᐃᓕᓴᕐᓂᐊᓵᖅᑐᑦ, ᐅᖃᐅᓯᓕᕆᓂᕐᒧᑦ ᐅᑉᓗᖅ, ᐊᖓᔪᖅᑳᑦ ᓱᕈᓯᓄᓪᓗ ᑐᕌᖓᔪᖅ, ᑕᒪᒃᑯᐊᕋᓗᐃᑦ.

ᐃᓕᓐᓂᐊᖅᑐᓕᕆᔨᐊᓛᒃᑯᑦ ᓂᕈᐊᕈᖕᓇᖅᑐᑦ ᓇᓕᑐᐃᓐᓇᖏᓐᓂᒃ ᑕᒪᐃᓂᒡᓘᓃᑦ ᐱᓕᕆᐊᖃᕐᓂᕐᒧᑦ;  ᐃᓱᒪᖅᓱᖅᑐᑦ ᐊᑐᓂ ᐃᓕᓐᓂᐊᖅᑐᓕᕆᔨᐊᓛᒃᑯᑦ ᐊᑐᕈᒪᔭᖏᓐᓂᒃ ᓄᓇᓕᖓᓐᓂᑦ.

ᐃᓚᖏᑦ ᐱᒻᒪᕆᐅᔪᑦ ᐃᖅᑲᐅᒪᔭᐅᔭᕆᐊᖃᖅᑐᑦ

  • ᑭᒡᓕᒋᔭᐅᔪᖅ ᑐᒃᓯᕋᐅᓯᐅᕐᓂᕐᒧᑦ ᓱᕈᓯᑯᓗᐃᑦ ᐃᓕᓴᕐᓂᖏᓐᓄᑦ ᑐᕌᖓᔪᖅ ᒫᑦᓯ 31, ᐅᑭᐅᑕᒫᑦ
  • ᑭᒡᓕᒋᔭᐅᔪᖅ ᐅᑭᐅᑉ ᕿᑎᐊᓂᑦ ᐅᓂᑉᑳᓕᐅᕆᓂᕐᒧᑦ ᓱᕈᓯᑯᓗᐃᑦ ᐃᓕᓴᕐᓂᖏᓐᓄᑦ ᑐᕌᖓᔪᓄᑦ ᔭᓄᐊᕆ 31 ᐅᑭᐅᑕᒫᑦ
  • ᑭᒡᓕᒋᔭᐅᔪᖅ  ᑭᖑᓪᓕᖅᐹᖅ ᐅᓂᑉᑳᓕᐅᕆᓂᕐᒧᑦ ᓱᕈᓯᑯᓗᐃᑦ ᐃᓕᓴᕐᓂᖏᓐᓄᑦ ᑐᕌᖓᔪᓄᑦ ᔫᓂ 30 ᐅᑭᐅᑕᒫᑦ
  • ᓱᕈᓰᑦ ᐅᑭᐅᓖᑦ 0-6-ᒧᑦ ᑭᓯᒥ ᐃᓚᐅᔪᖕᓇᖅᑐᑦ ᑐᕌᖓᔪᓂᑦ
  • ᓇᓪᓕᖅᑳᑦ ᐊᑐᕐᓂᑯᓄᑦ ᐃᓚᐅᔭᕆᐊᖃᖅᑐᑦ ᑭᖑᓪᓕᖅᐹᖅ ᐅᓂᑉᑳᓕᐊᒥᑦ

*ᑐᕌᖓᔪᓄᑦ ᒪᓕᒃᑐᑦ ᐅᐃ-ᐅᐃ ᐃᓕᓐᓂᐊᖅᑐᓕᕆᔨᖏᑦ ᓄᓇᕗᒻᒥᑦ (CSFN), ᑖᒻᓇ ᐋᕿᒋᐊᖅᑕᐅᓯᒪᔪᖅ ᐱᔾᔪᑎᖃᕐᓗᓂ ᐃᑲᔪᐃᓂᕐᒥᒃ ᐅᐃ-ᐅᐃ ᐅᖃᐅᓯᖏᓐᓂᑦ ᐊᒪᓗ ᐱᖅᑯᓯᖏᓐᓂᑦ.