ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥᑦ ᑕᑯᔭᒐᖃᕐᕕᒃ ᑎᑎᖅᑲᖁᑎᕕᓂᕐᓂᑦ ᓄᒃᑎᖅᑕᐅᓚᐅᖅᐳᑦ ᑲᓇᑕᒥᑦ ᑕᑯᔭᒐᖃᕐᕕᐊ ᓄᓇᓂ

ᔫᓂ 07, 2017

ᑐᓴᒐᒃᓴᖅ

ᓴᖅᑭᑕᐅᑲᐅᑎᒋᒋᐊᓕᒃ

ᓄᓇᕗᒻᒥᑦ ᑕᑯᔭᒐᖃᕐᕕᒃ ᑎᑎᖅᑲᖁᑎᕕᓂᕐᓂᑦ ᓄᒃᑎᖅᑕᐅᓚᐅᖅᐳᑦ ᑲᓇᑕᒥᑦ ᑕᑯᔭᒐᖃᕐᕕᐊ ᓄᓇᓂ

ᐃᖃᓗᐃᑦ, ᓄᓇᕗᑦ (ᔫᓐ 7, 2017-ᒥᑦ) –ᐃᓕᖅᑯᓯᓕᕆᔨᒃᑯᑦ ᐊᓕᐊᓇᐃᒍᓱᒃᐳᑦ ᐅᓐᓂᖅᓯᐅᕈᓐᓇᕐᒪᑕ ᓄᓇᕗᒻᒥᑦ ᑕᑯᔭᕋᖃᕝᕕᑦᑎᐊᕚᓗᐊᓂ ᐊᒻᒪ ᑎᑎᖅᑲᖁᑎᕕᓂᕐᓂᑦ ᓄᒃᑎᖅᐸᓪᓕᐊᕗᑦ ᐳᕆᓐᔅ ᐅᐊᐃᔪᔅ ᐅᑭᐅᖅᑕᖅᑐᒥᑦ ᐃᑦᑕᕐᓂᓴᓕᕆᔨᒃᑯᓐᓂ ᔭᓗᓇᐃᒥᑦ, ᑲᓇᑕᒥᐅᓂ ᑕᑯᔭᒐᖃᕐᕕᐊᓂ ᓄᓇᓂ ᖃᐅᔨᓴᕐᕕᐊ ᐊᒻᒪ ᑲᑎᖅᓱᕐᕕᐊᓂ ᒑᑕᓅᒧᑦ.

"ᓄᓇᕗᑦ ᒐᕙᒪᖓᑦ ᐱᓇᓱᐊᖅᓯᒪᕗᑦ ᐸᖅᑭᑦᑎᐊᕋᓱᒃᖢᑎᑦ ᓴᓇᙳᐊᖅᑕᐅᔪᕕᓃᑦ, ᐃᓕᖅᑯᓯᐊ ᐊᒻᒪ ᐃᑦᑕᕐᓂᓴᑦ ᑲᑎᑕᐅᓯᒪᔪᑦ ᑭᓯᐊᓂ ᓄᓇᕗᒻᒥᑦ ᓇᖕᒥᓂᖅ ᐅᑭᐅᖅᑕᖅᑐᒥᑦ ᐃᑦᑕᕐᓂᓴᑖᕈᓂ," ᐅᖃᖅᐳᖅ ᒥᓂᔅᑕᖓᑦ ᐃᓕᖅᑯᓯᓕᕆᔨᒃᑯᑦ, ᔪᐊᔾ ᑯᒃᓱᒃ. "ᐃᑦᑕᕐᓂᓴᖃᕈᑦᑕ ᓇᖕᒥᓂᖅ ᐊᒻᒪ ᑲᑎᖅᓱᕐᕕᖃᕐᓗᑕ ᑲᓇᑕᒥᐅᓂ ᑕᑯᔭᒐᖃᕐᕕᐊ ᒪᒃᐱᖅᑎᑦᑎᒐᔭᖅᑐᑦ ᓄᑖᓂ ᖃᐅᔨᓴᕈᓐᓇᖅᓯᓗᑎᑦ, ᐃᓕᓐᓂᐊᕐᓂᒃᑯᑦ ᐊᒻᒪ ᓴᖅᑭᔮᖅᑐᒃᓴᓂ."

ᓄᒃᑎᖅᑕᐅᑎᓪᓗᒋᑦ ᓄᓇᕗᒻᒥᑦ ᑎᑎᖅᑲᖁᑎᕕᓂᖏᑦ ᓴᖅᑭᑎᑦᑎᕗᖅ ᓄᓇᕗᑦ ᒐᕙᒪᖓᓂ ᓄᑖ ᑲᑐᔾᔨᖃᑎᖃᓕᕋᔭᖅᐳᖅ ᑲᓇᑕᒥᐅᑦ ᑕᑯᒐᔭᖃᕐᕕᖏᓐᓂᑦ, ᐊᑭᖏᓐᓂᒡᓗ ᒥᒃᖠᒋᐊᖅᑎᑦᑎᕗᖅ ᐃᓂᖃᖅᑕᐅᓗᑎᑦ $3 ᒥᓕᐊᓐ ᐅᖓᑖᓂ ᐊᕐᕌᒍᓂ ᑕᓪᓕᒪᓂ. ᐃᓂᖃᖅᑎᑕᐅᓂᖏᑦ ᑲᓇᑕᒥᐅᑦ ᑕᑯᔭᒐᖃᕐᕕᖏᑦ ᐊᑐᖅᑕᐅᔪᓐᓇᕆᕗᓪᓗ ᓄᓇᕗᑦ ᓯᕗᓂᒃᓴᕗᑦ, ᐃᓕᓐᓂᐊᖅᑎᑦ ᓯᑯᒥᓯᐅᖅᑐᑦ ᐊᓯᔾᔨᖅᐸᖕᓂᖏᓐᓗ ᐃᓕᓐᓂᐊᕈᑎᑦ ᑲᑐᔾᔨᖃᑎᒌᓂ ᑕᐃᑲᓂ ᑲᓇᑕᒥᑦ ᐊᖓᔪᖅᑳᖃᕐᕕᐊᓂ.

ᑐᓴᒃᑲᓐᓂᕈᒪᓐᓂᕈᕕᑦ ᓄᓇᕗᑦ ᒐᕙᒪᖓᓂ ᑕᑯᔭᒐᖃᕐᕕᐊᓂ ᑎᑎᖅᑲᖁᑎᖏᓐᓂᑦ ᑲᑎᑕᐅᓯᒪᔪᓂᑦ, ᑕᑯᒋᐊᕈᓐᓇᖅᐳᑎᑦ www.ch.gov.nu−ᒧᑦ.

###

ᑐᓴᒐᒃᓴᓕᕆᔨ:

ᑖᓂᐅᓪ ᐱᒻᐃᓐᑎᐊᓪ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᑦ
ᐃᓕᖅᑯᓯᓕᕆᔨᒃᑯᑦ
867-975-5526
DPimentel@gov.nu.ca