ᐅᖃᓚᐅᑎᓯᐅᑏᑦ

You are here

ᑲᓇᑕᒥ ᒐᕙᒪᒃᑯᑦ ᐊᐅᓚᑦᑎᓲᖑᕗᑦ $7.8 ᒥᓕᐊᓐ ᐅᖓᑖᓂ ᑮᓇᐅᔭᓂᒃ ᓄᓇᕘᒧᑦ ᓄᓇᓕᖕᓂ ᐊᐅᓚᔪᓐᓇᐅᑎᑦ ᐱᓕᕆᐊᓄᑦ ᓯᕗᓪᓖᒃ ᒪᕐᕉᒃ ᐊᕐᕌᒎᒃ ᐃᓕᐅᖅᑲᖅᑕᐅᔪᑦ ᑲᓇᑕᒥ ᐅᖅᓱᐊᓗᖕᒧᑦ ᑖᒃᓯᓕᕆᔾᔪᑎᑦ ᑮᓇᐅᔭᓄᑦ

ᐊᒐᓯ 31, 2016

ᐱᕙᓪᓕᐊᔪᑦ 

ᑲᓇᑕᒥ ᒐᕙᒪᒃᑯᑦ ᐊᐅᓚᑦᑎᓲᖑᕗᑦ $7.8 ᒥᓕᐊᓐ ᐅᖓᑖᓂ ᑮᓇᐅᔭᓂᒃ ᓄᓇᕘᒧᑦ ᓄᓇᓕᖕᓂ ᐊᐅᓚᔪᓐᓇᐅᑎᑦ ᐱᓕᕆᐊᓄᑦ 

ᓯᕗᓪᓖᒃ ᒪᕐᕉᒃ ᐊᕐᕌᒎᒃ ᐃᓕᐅᖅᑲᖅᑕᐅᔪᑦ ᑲᓇᑕᒥ ᐅᖅᓱᐊᓗᖕᒧᑦ ᑖᒃᓯᓕᕆᔾᔪᑎᑦ ᑮᓇᐅᔭᓄᑦ 

ᐋᒡᒋᓯ 31, 2016 ᐃᖃᓗᐃᑦ, ᓄᓇᕗᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᑲᓇᑕᒥ 

ᑮᓇᐅᔭᓕᐅᕋᓱᐊᕐᓂᖅ ᐊᐅᓚᔪᓐᓇᐅᑎᓄᑦ ᐱᒻᒪᕆᐅᖕᒪᑦ ᓴᖅᑭᑦᑎᓂᐊᕐᓗᓂ ᓴᓇᕕᒃᓴᑦᑎᐊᕙᐅᖕᒪ ᒫᓐᓇᒨᖓᔪᓂᒃ ᐊᒻᒪ ᐃᖏᕐᕋᐃᓐᓇᖅᑐᓂᒃ ᒪᑭᒪᔾᔪᑎᓂᒃ ᐱᕙᓪᓕᐊᔪᓄᑦ ᐊᕐᕌᒍᓄᑦ ᐊᒡᒋᖅᑐᓄᑦ. ᒫᓐᓇᓕᓴᑦ, ᐃᖏᕐᕋᑦᑎᐊᖅᑐᑦ ᓄᓇᓕᖕᓂ ᐊᐅᓚᔪᓐᓇᐅᑎᑦ ᐃᑲᔫᑎᖃᕐᒪᑕ ᐱᐅᔪᓄᑦ ᐃᓅᓯᕐᒧᑦ ᐃᑲᔫᑕᐅᓪᓗᑎᒃ ᐃᓄᖕᓂᒃ ᓴᓇᕕᒃᓴᑦᑎᐊᕙᐅᖕᒪ, ᐃᒥᖅᑕᕐᓂᕐᒥᒃ ᐱᐅᓯᒋᐊᕈᑕᐅᔪᓐᓇᖅᖢᑎᒃ, ᐃᑲᔪᕈᑕᐅᔪᓐᓇᖅᖢᑎᒡᓗ ᓄᑖᓂᒃ ᐱᓕᕆᐊᖑᖔᕈᓐᓇᖅᑐᓂᒃ. 

ᑲᓇᑕᒥ ᒐᕙᒪᒃᑯᑦ ᐊᑐᐃᓐᓇᕈᖅᑎᑦᑎᓯᒪᓕᖅᑐᑦ ᓄᓇᕗᒥᐅᓄᑦ $7.875 ᒥᓕᐊᓐ−ᓂᒃ ᓄᓇᓕᖕᓄᑦ ᐊᐅᓚᔪᓐᓇᐅᑎᓄᑦ ᐊᖅᑯᑎᒋᔭᐅᓪᓗᑎᒃ ᑲᓇᑕᒥ ᐅᖅᓱᐊᓗᖕᒧᑦ ᑖᒃᓯᓕᕆᔾᔪᑎᑦ ᑮᓇᐅᔭᑦ (GTF), ᑭᒡᒐᖅᑐᖅᖢᒋᑦ ᓯᕗᓪᓖᒃ ᒪᕐᕉᒃ ᐃᓕᔭᐅᔪᑦ 2016−17−ᒧᑦ. ᑲᑎᓗᒃᑖᖅᖢᒋᑦ, ᓄᓇᕗᒻᒥᐅᑦ ᐱᑎᑕᐅᓂᐊᖅᐳᑦ $15.7 ᒥᓕᐊᓐ ᐅᖓᑖᓂ ᑕᒪᑐᒪᓂ ᐊᕐᕌᒍᒥ ᑲᓇᑕᒥ GTF−ᑯᓐᓂ. 

GTF−ᑯᑦ ᑮᓇᐅᔭᖏᑦ ᐃᑲᔪᖅᓱᐃᔾᔪᑕᐅᓂᐊᖅᐳᑦ ᐃᒥᖅᑕᖅᑕᐅᓂᕐᒧᑦ, ᒥᓪᓗᐊᖅᑕᐅᓂᕐᒧᑦ ᐊᒻᒪ ᐊᒃᑕᖅᑕᐅᔾᔪᑎᓄᑦ ᓄᓇᕗᒥᐅᓄᑦ ᖃᓄᐃᙱᑦᑎᐊᕈᓯᖏᑦ ᐊᒻᒪ ᐃᓅᑦᑎᐊᕈᓯᖏᑦ ᐊᒃᑐᐃᓲᖑᑎᓪᓗᒋᑦ, ᓴᐳᑎᓗᒋᓪᓗ ᐅᑭᐅᖅᑕᖅᑑᑉ ᐊᕙᑖ ᐊᑦᑕᕐᓇᕐᓂᖓ. $10.3 ᒥᓕᐊᓐ ᐱᓕᕆᐊᒥᒃ ᐃᒡᓗᓕᖕᒥ ᕼᐋᒻᒪᓚᒃᑯᓐᓂ ᐃᒥᖅᑕᕐᕕᖓ ᐊᖏᒡᓕᒋᐊᖅᑕᐅᓂᐊᖅᑐᖅ ᐊᒻᒪ ᐱᐅᓯᒋᐊᖅᑕᐅᓗᓂ ᐃᒪᕐᒧᑦ ᓴᓗᒻᒪᖅᓴᐃᕕᒃ, ᐸᕐᓇᒃᑕᐅᓂᖓ ᖃᐅᔨᓴᖅᑕᐅᓗᓂ ᑭᙵᓂ ᑭᓈᓗᖃᕐᕕᒃ ᖃᓄᖅ ᐱᔭᕆᑐᑎᒋᖕᒪᖔᑦ ᓄᑖᙳᕆᐊᕆᐊᖃᖅᑐᑦ, ᑲᓇᑕᒥ ᐊᓯᖏᓐᓂᒃ ᑮᓇᐅᔭᑎᒍᑦ ᐊᑐᐃᓐᓇᕈᖅᑎᑦᑎᔪᖃᕈᓐᓇᙱᒻᒪᑦ ᓄᓇᕗᒻᒧᑦ ᐊᓯᔾᔨᒐᒃᓴᐅᔪᓂᒃ ᐊᒻᒪ ᐃᓱᒪᓕᐅᕆᔨᓂᒃ ᐱᔪᓐᓇᕐᓂᖃᖅᑐᓂᒃ. 

ᒪᕐᕉᒃ GTF ᐃᓕᐅᖅᑲᖅᑕᐅᔪᑦ ᑕᒪᑐᒪᓂ ᐊᕐᕌᒍᒥ ᐃᓚᒋᔭᐅᕗᑦ ᑮᓇᐅᔭᓄᑦ ᓄᓇᕗᒧᐊᖅᑐᓄᑦ ᐊᓯᖏᑦᑎᒍᑦ ᐱᓕᕆᐊᖑᕙᒌᖅᑐᒃᑯᑦ ᐊᒻᒪ ᓄᑖᕐᒧᑦ ᓴᓗᒪᔪᖅ ᐃᒪᕐᒧᑦ ᐊᒻᒪ ᑭᓈᓗᖃᕐᕕᖕᒧᑦ ᑮᓇᐅᔭᓄᑦ, ᐃᓚᒋᔭᐅᓪᓗᓂ ᐱᓕᕆᐊᖅ 1, ᑲᓇᑕᒥ ᒐᕙᒪᒃᑯᓐᓂ ᐊᕐᕌᒍᓄᑦ ᖁᓕᓄᑦ, $120-ᐱᓕᐊᓐ ᑲᓇᑕᒥ ᑮᓇᐅᔭᓕᐅᖅᑐᑦ ᐸᕐᓇᐅᑎᒧᑦ. ᒪᕐᕉᓕᖅᑲᖓᔪᖅ ᐊᖏᖃᑎᒌᒍᑎ ᑖᒃᑯᓄᖓ ᓄᑖᖑᓪᓗᓂ ᑮᓇᐅᔭᓄᑦ ᐊᑎᓕᐅᖅᑕᐅᓂᐊᖅᑐᖅ ᐱᓇᓱᐊᕈᓯᕐᓂᒃ ᐊᒡᒋᖅᑐᓂᒃ. 

ᓱᓕᔪᑦ 

  • GTF ᐊᑐᐃᓐᓇᕈᖅᑎᑦᑎᓯᒪᕗᖅ $135 ᒥᓕᐊᓐ ᐅᖓᑖᓂ ᑮᓇᐅᔭᓂᒃ ᓄᓇᕘᒥ ᓄᓇᓕᖕᓄᑦ ᑕᐃᒪᙵᑦ ᐱᒋᐊᖅᑕᐅᓚᐅᖅᓯᒪᖕᒪᑦ 2005−ᖑᑎᓪᓗᒍ. 
  • $2 ᐱᓕᐊᓐ ᐊᑐᐃᓐᓇᕈᖅᑎᑕᐅᓲᖑᓪᓗᓂ ᐊᕐᕌᒍᑕᒫᑦ ᒪᕐᕉᐃᖅᖢᑎᒃ ᐃᓕᓯᕙᒃᖢᑎᒃ. 
  • GTF ᐊᑐᐃᓐᓇᕈᖅᑎᑕᐅᓲᖑᓪᓗᓂ ᑲᓇᑕᒥ ᓄᓇᓕᖕᓂ ᒐᕙᒪᒃᑯᓐᓄᑦ ᐊᑐᔅᓲᔭᕐᓂᐊᖅᑐᓄᑦ, ᖃᐅᔨᒪᓇᕐᓗᓂ ᐊᒻᒪ ᓇᓗᓇᐃᒃᑯᑦᑎᖅᓯᒪᓗᑎᒃ ᐊᑯᓂ ᑮᓇᐅᔭᖁᑎᒋᔭᐅᔪᒃᓴᑦ. 
  • ᐊᑐᐃᓐᓇᕈᖅᑎᑕᐅᔪᓐᓇᕐᓗᑎᒃ ᐊᓯᔾᔨᒐᒃᓴᐅᔪᑦ ᖃᓄᖅᑑᕈᑎᑦ ᑮᓇᐅᔭᓕᐅᕋᓱᐊᕈᑎᓄᑦ 18−ᓄᑦ ᐊᔾᔨᒌᙱᑦᑐᓄᑦ ᐱᓕᕆᐊᖑᔪᒃᓴᓄᑦ, ᐃᓚᓕᐅᔾᔭᐅᓪᓗᑎᒃ ᐊᖅᑯᑎᑦ ᐊᒻᒪ ᐃᑳᕆᐊᑦ, ᐃᒥᖅᑕᕐᕕᖕᓄᑦ ᐊᒻᒪ ᑭᓈᓗᖃᕐᕕᖕᓄᑦ ᐊᐅᓚᔪᓐᓇᐅᑎᓄᑦ. 
  • ᓄᓇᕗᒻᒥ, ᑮᓇᐅᔭᑦ ᐱᓕᕆᐊᒃᓴᓅᖓᔪᑦ ᒪᑯᓄᖔᖓᓪᓗᑎᒃ ᐃᒥᖅᑕᖅᑕᐅᓂᕐᒧᑦ, ᑭᓈᓗᖃᕐᕕᖕᒧᑦ, ᐊᒃᑕᕐᕕᐊᓗᖕᒧᑦ ᐊᒻᒪ ᐱᔪᓐᓇᐅᑎᒃᓴᓄᑦ ᐱᕙᓪᓕᐊᔾᔪᑎᓄᑦ. ᑮᓇᐅᔭᑦ ᐊᑐᖅᑕᐅᓯᑲᐅᑎᒋᔪᓐᓇᖅᑐᑦ ᓯᕗᓪᓕᐅᖁᔭᐅᔪᓄᑦ ᐱᓕᕆᐊᕐᒃᓴᓄᑦ, ᑐᖅᑯᖅᑕᐅᓗᑎᒃ ᖃᑯᒍᒃᑲᓐᓂᖅ ᐊᑐᖅᑕᐅᔪᒃᓴᐅᓕᕐᓗᑎᒃ, ᑲᑐᔾᔨᖃᑎᒌᒍᑕᐅᓗᓂ ᐊᓯᖏᓐᓄᑦ ᓄᓇᓕᖕᓄᑦ ᑲᑐᑎᔭᐅᓪᓗᑎᒃ ᐊᐅᓚᔪᓐᓇᐅᑎᑦ ᐱᓕᕆᐊᒃᑯᑦ ᐅᕝᕙᓘᓐᓃᑦ ᐊᑐᖅᑕᐅᓯᒪᔪᑦ ᑮᓇᐅᔭᖃᕈᑕᐅᓪᓗᑎᒃ ᐱᕐᔪᐊᓄᑦ ᐊᐅᓚᔪᓐᓇᐅᑎᓄᑦ ᐊᑭᓕᖅᓲᑕᐅᓗᑎᒃ. 
  • ᐱᓕᕆᔾᔪᓯᖅ 1 ᑮᓇᐅᔭᓕᐅᕋᓱᐊᖅᑐᓂᒃ ᑲᓇᑕᒥ ᐊᑐᐃᓐᓇᕈᖅᑎᑦᑎᕗᑦ $11.9 ᐱᓕᐊᓐ ᑮᓇᐅᔾᔭᒃᓴᔾᔪᑕᐅᓯᒪᔪᓂᒃ ᐃᑲᔫᑕᐅᓪᓗᑎᒃ ᐃᓄᖕᓄᑦ ᓄᒃᑕᕈᑎᓄᑦ, ᓯᓚᒧᑦ ᐊᓯᔾᔨᖅᐸᓪᓕᐊᔪᒧᑦ ᐊᒃᑑᑎᓗᐊᕐᓇᙱᑦᑐᓂᒃ ᐱᓕᕆᐊᓄᑦ, ᐊᒻᒪ ᐃᓄᖕᓄᑦ ᐊᐅᓚᔪᓐᓇᐅᑎᑦ ᐱᓕᕆᐊᓄᑦ. ᓇᓗᓇᐃᖅᓯᒪᔪᑦ ᐱᓕᕆᔾᔪᓯᖅ 2−ᒥ ᑮᓇᐅᔭᓕᐅᕋᓱᐊᕈᑎᓄᑦ ᑲᓇᑕᒥ ᐅᖃᐅᓯᐅᓛᖅᑐᖅ ᖃᑯᒍᒃᑲᓐᓂᖅ ᑕᖅᑭᓂᒃ ᐊᒡᒋᖅᑐᓂᒃ. 

ᐊᑭᖏᑦ 

“ᑲᓇᑕᒥ ᐅᖅᓱᐊᓗᖕᒧᑦ ᑖᒃᓯᓕᕆᔾᔪᑎᒧᑦ ᐊᑭᖓ ᐱᕕᖃᕈᑕᐅᕗᖅ ᓄᓇᓕᖕᓄᑦ ᑐᕌᖅᑎᑦᑎᑲᐅᑎᒋᔪᓐᓇᖅᖢᑎᒃ ᑲᓇᑕᒥ ᑮᓇᐅᔭᓂᒃ ᐊᐅᓚᔪᓐᓇᐅᑎᓄᑦ ᓯᕗᓪᓕᐅᑎᔪᒪᔭᖏᓐᓄᑦ ᐱᓕᕆᐊᒃᓴᕈᓘᔮᓗᖕᓄᑦ. ᓄᓇᓖᑦ ᐊᖏᒡᓕᒋᐊᖅᑎᑦᑎᔭᕆᐊᖃᖅᐸᑕᓘᓐᓃᑦ ᐱᙳᐊᕐᕕᖏᓐᓂᒃ, ᐱᐅᓯᒋᐊᖅᑎᑦᑎᔭᕆᐊᖃᖅᐸᑕᓘᓐᓃᑦ ᑭᓈᓗᖃᕐᕕᖕᓂᒃ ᐅᕝᕙᓘᓐᓃᑦ ᐆᒻᒪᖅᑯᑎᑐᓗᐊᕐᓇᙱᑦᑐᓂᒃ ᐱᐅᓯᒋᐊᖅᑎᑦᑎᔭᕆᐊᖃᖅᐸᑕ ᕼᐋᒻᒪᓚᒃᑯᑦ ᐃᒡᓗᖁᑎᖏᓐᓄᑦ, ᑖᒃᑯᐊ ᑮᓇᐅᔭᑦ ᐊᑐᐃᓐᓇᕈᖅᑕᐅᔪᓐᓇᖅᐳᑦ ᖃᐅᔨᔭᒃᓴᐅᔪᓄᑦ, ᑕᑎᒋᔭᒃᓴᐅᔪᓄᑦ ᐊᒻᒪ ᐊᓯᔾᔨᒐᒃᓴᐅᔪᓄᑦ ᐃᑲᔪᖅᓱᖅᑕᐅᔪᓄᑦ ᑲᓇᑕᒥ ᒐᕙᒪᒃᑯ ᐊᖏᖅᓯᒪᔭᖏᓐᓄᑦ ᑮᓇᐅᔭᓕᐅᕋᓱᐊᕈᑎᒋᔪᒪᓪᓗᒋᑦ ᐊᐅᓚᔪᓐᓇᐅᑎᑦ ᐃᑲᔪᖅᓱᐃᔪᑦ ᐊᑯᓐᓂᖅᓱᖅᑐᑦ−ᐱᓕᕆᕝᕕᖕᓄᑦ ᐊᓯᔾᔨᕈᑕᐅᓪᓚᒍᓐᓇᖅᑐᓪᓗ ᐃᓄᐃᑦ ᐃᓅᓯᖏᓐᓄᑦ ᓄᓇᓕᖕᓂ.” 

ᒪᓕᒐᓕᐅᖅᑎ ᐊᒪᕐᔩᑦ ᓲᕼᐃ, 

ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᐊᒻᒪ ᓄᓇᓕᖕᓄᑦ ᒥᓂᔅᑕ 

“ᑲᓇᑕᒥ ᐅᖅᓱᐊᓗᖕᒧᑦ ᑖᒃᓯᓕᕆᔾᔪᑎᓄᑦ ᑮᓇᐅᔭᑦ ᐃᑲᔪᓲᖑᕗᑦ ᓄᓇᕗᑦ ᒐᕙᒪᒃᑯᓐᓂ ᐅᔾᔨᕈᓱᓕᕈᑕᐅᓪᓗᑎᒃ ᐊᑯᓂᐅᔪᒃᑯᑦ ᐸᕐᓇᒃᑕᐅᔪᓂᒃ. ᐊᓯᔾᔨᒐᒃᓴᐅᔪᓄᑦ ᑮᓇᐅᔭᑦ ᐱᕕᖃᕈᑎᒋᔪᓐᓇᖅᑕᕗᑦ ᑭᐅᔪᓐᓇᖅᖢᑎᒍᑦ ᐱᔭᐅᔭᕆᐊᖃᖅᑐᓄᑦ ᓴᖅᑭᒃᑳᖓᑕ ᓄᓇᓕᖕᓂ, ᐃᑲᔫᑕᐅᒋᐊᖃᑦᑎᐊᖅᑐᖅ ᐱᓕᕆᓕᕌᖓᑕ ᐊᔾᔨᒋᔭᐅᙱᑦᑐᓂᒃ ᐊᒃᓱᕈᕐᓇᖅᑐᓂᒃ ᓄᓇᑦᑎᓐᓂ. ᑲᓇᑕᒥᐅᓂᒃ ᐱᓕᕆᖃᑎᖃᐃᓐᓇᖅᐳᒍᑦ ᖃᐅᔨᒪᔪᒪᓪᓗᑕ ᑮᓇᐅᔭᓕᐅᕋᓱᐊᖃᑦᑕᕐᓂᖏᓐᓂᒃ ᓄᓇᕗᒥᐅᓄᑦ ᐃᑲᔫᑎᒃᓴᓂᒃ.” 

ᒪᓕᒐᓕᐅᖅᑎ ᔫ ᓴᕕᑲᑖᖅ, 
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᒥᓂᔅᑕ 
ᓄᓇᕗᒻᒥ ᑲᑎᒪᑎᑦᑎᔨ, ᑕᓯᐅᔭᕐᔪᐊᕐᒥ ᑲᑎᒪᔨᓄᑦ 
ᐊᕙᑎᓕᕆᔨᒃᑯᓐᓄᑦ ᒥᓂᔅᑕ 
ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕ 
ᐊᒃᑐᐊᓂᓖᑦ ᐱᓕᕆᐊᑦ 

ᑲᓇᑕᒥ ᐅᖅᓱᐊᓗᖕᒧᑦ ᑖᒃᓯᓕᕆᔾᔪᑏᑦ ᓄᐊᑕᐅᔪᑦ ᓄᓇᕗᒻᒥ ᓄᓇᓕᖕᓄᑦ 2016-17−ᒥ: http://news.gc.ca/web/article-en.do?nid=1118809 

ᐊᒃᑐᐊᓂᓖᑦ ᐊᑦᑕᑕᕐᕕᐅᔪᓐᓇᖅᑐᑦ 

The federal Gas Tax Fund 

Federal infrastructure investments in Nunavut 

Have your say on infrastructure 

Investing in Canada, the Government of Canada’s new $120 billion infrastructure plan 

- 30 - 

ᖃᐅᔨᒋᐊᕐᕕᒃᓴᑦ 

ᐳᕈᒃ ᓯᒻᑉᓴᓐ 
ᐱᕙᓪᓕᐊᔪᓕᕆᔨᒃᑯᑦ ᑎᑎᕋᖅᑎᖓ 
ᐊᐅᓚᔪᓐᓇᐅᑎᓕᕆᔨᒃᑯᑦ ᐊᒻᒪ ᓄᓇᓕᖕᓄᑦ ᒥᓂᔅᑕᐅᑉ ᐊᒡᓚᕝᕕᐊᓂ 
613-219-0149 
brook.simpson@canada.ca 

ᑯᕆᔅ ᒧᓛᓕ 
ᐊᑐᐊᒐᓕᕆᓂᕐᒧᑦ ᓇᓗᓇᐃᔭᐃᔨ/ᑐᓴᒐᒃᓴᓕᕆᔨ 
ᓄᓇᕗᑦ ᒐᕙᒪᖓ 
867- 975-5342 
kmullaly@gov.nu.ca 

ᐊᐅᓚᔪᓐᓇᐅᑎᓕᕆᔨᒃᑯᑦ ᑲᓇᑕᒥ 
613-960-9251 
ᐊᑭᖃᙱᑦᑐᒃᑯᑦ: 1-877-250-7154 
infc.media-medias.infc@canada.ca 
ᑐᐃᑐᒃᑯᑦ: @INFC_eng 
ᐃᑭᐊᖅᑭᕕᒃᑯᑦ: Infrastructure Canada

 

 

 

ᖃᓄᐃᓕᐅᖃᑦᑕᖅᓯᒪᓂᖏᑦ 

ᑲᓇᑕᐅᑉ ᒐᕙᒪᒃᑯᖏᑦ ᑐᓂᓯᓚᐅᖅᑐᑦ ᓯᕗᓪᓕᕐᒥᑦ ᒪᕐᕈᐃᓕᖓᔪᓂᒃ ᒐᕙᒪᑐᖃᒃᑯᓐᓂ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖁᑎᒋᔭᐅᔪᓂᒃ ᐊᑭᓖᓪᓗᑎᒃ 2016-17-ᒥ ᑲᓇᑕᒥ ᐊᕕᑦᑐᖅᓯᒪᔪᓕᒫᓂᒃ ᐅᑭᐅᖅᑕᖅᑐᒥᓪᓗ ᐊᕕᑦᑐᖅᓯᒪᔪᓕᒫᓂᒃ. 

ᐊᑖᓃᑦᑐᖅ ᓇᓗᓇᐃᕆᕗᖅ ᑕᒪᑐᒪ ᐊᕐᕌᒍᒥᑦ ᒐᕙᒪᑐᖃᒃᑯᓐᓂ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖁᑎᒋᔭᐅᔪᓂᒃ ᑐᓂᔭᐅᔪᑦ ᓄᓇᓕᓕᒫᓄᑦ ᓄᓇᕗᒻᒥ.

ᓇᒦᓐᓂᖓ ᒐᕙᒪᑐᖃᒃᑯᓐᓂ ᑮᓇᐅᔭᑦ

ᓄᓇᕗᑦ ᒐᕙᒪᒃᑯᖏᑦ 

$13,387,000 

ᓄᓇᓕᐸᐅᔭᒃᑯᑦ ᐃᖃᓗᓐᓂ* 

$2,362,500 

 

 *ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓂᔭᐅᓪᓗᐊᑕᓲᑦ ᑖᔅᓱᒪ ᐊᑖᒍᑦ ᐊᖏᖃᑎᒌᒍᑎᒃᑯᑦ ᓄᓇᕗᒻᒥ ᑲᓇᑕᒥᓪᓗ ᑖᔅᓱᒧᖓ ᒐᕙᒪᑐᖃᒃᑯᓐᓂ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖁᑎᒋᔭᐅᔪᓂᒃ, ᑐᓐᓂᖅᑯᓯᐊᓲᑦ 15 ᐳᓴᓐᑎᒥᒃ ᑕᒪᐃᓐᓂᒃ ᓄᓇᕗᒻᒧ ᑐᓂᔭᐅᕙᒃᑐᓂᒃ ᑮᓇᐅᔭᖁᑎᒋᔭᐅᔪᓂᒃ ᐊᕐᕌᒍᑕᒫᑦ. 

ᑐᑭᓯᒋᐊᒃᑲᓐᓂᓂᕐᒧᑦ ᒐᕙᒪᑐᖃᒃᑯᓐᓂ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖁᑎᒋᔭᐅᔪᓂᒃ, ᐅᕗᖓᕐᓗᑎ: http://www.infrastructure.gc.ca/plan/gtf-fte-eng.html 

ᑐᑭᓯᒋᐊᒃᑲᓐᓂᓂᕐᒧᑦ ᐊᖏᖃᑎᒌᒍᑕᐅᔪᒥ ᒐᕙᒪᑐᖃᒃᑯᓐᓂ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖁᑎᒋᔭᐅᔪᓂᒃ: http://www.infrastructure.gc.ca/prog/agreements-ententes/gtf-fte/2014-nu-eng.html 

ᑐᑭᓯᒋᐊᒃᑲᓐᓂᓂᕐᒧᑦ ᓄᓇᓕᓐᓂ ᒪᑭᒪᔾᔪᑎᒃᓴᕆᔭᐅᔪᓂ ᓄᓇᕗᒻᒥ, ᐅᕗᖓᕐᓗᑎ: http://www.buildingnunavut.com