ᐅᖃᓚᐅᑎᓯᐅᑏᑦ

You are here

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᖃᓄᐃᓕᐅᓲᖑᕙᑦ?

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᖃᓄᐃᓕᐅᓲᖑᕙᑦ?

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐃᖃᓇᐃᔭᕐᕕᖓᓂ ᐃᓄᖕᓂᒃ ᓯᕗᓪᓕᐅᔾᔨᓲᖑᕗᒍᑦ, ᐃᑲᔪᖅᖢᑎᒍᑦ ᖃᓄᐃᖏᑦᑎᐊᖅᑐᒥᒃ ᓄᓇᓕᖃᖁᓪᓗᒋᑦ ᐊᒻᒪᓗ ᓄᓇᓖᑦ ᐊᑐᖅᐸᒃᑕᖏᓐᓂᒃ ᒪᑭᑕᔪᓐᓇᖁᓪᓗᒋᑦ ᐱᑕᖃᖅᑎᖢᑎᒍᑦ ᑲᓲᑎᖃᑕᐅᔪᓐᓇᖁᓪᓗᒋᑦ, ᑲᓇᑕᓕᒫᒧᑦ, ᓄᓇᕐᔪᐊᓕᒫᒧᓪᓗ. ᐱᓕᕆᔾᔪᑎᒃᓴᐅᒐᔭᖅᑐᓂᒃ ᐊᕿᒃᓱᐃᓲᖑᕗᒍᑦ ᓴᕿᑎᑦᓯᓪᓗᑕ ᐱᕕᒃᓴᐅᔪᓐᓇᕐᓂᐊᖅᑐᓂᒃ ᐊᒥᓱᓂᒃ ᐊᔾᔨᒌᖏᑦᑑᑎᓂᒃ ᐃᖃᓇᐃᔭᕐᕕᐅᔪᓄᑦ ᐊᒻᒪᓗ ᐱᖁᑎᓕᐅᖅᑎᐅᔪᓄᑦ ᓄᓇᕗᒻᒥ, ᐱᖃᓯᐅᑎᓪᓗᒋᑦ ᐳᓚᕋᖅᑐᓕᕆᔨᒃᑯᑦ, ᐱᕕᒃᓴᖅᑖᕐᕕᐅᒍᓐᓇᖅᑐᓂᒃ ᐱᕙᓪᓕᐊᑎᑦᓯᓂᕐᒥᒃ, ᓇᖕᒥᓂᖃᕐᓂᕐᒥᒃ ᐱᕙᓪᓕᐊᑎᑦᓯᓂᕐᒥᒃ, ᐃᖏᕐᕋᔫᓕᕆᓂᕐᒥᒃ, ᓴᓇᖑᐊᖅᑎᐅᓂᕐᒥᒃ ᐊᒻᒪᓗ ᐃᓕᖅᑯᓯᓕᕆᓂᕐᒥᒃ. ᑐᕌᒐᕆᓂᖅᐹᕗᑦ ᑐᑭᒧᐊᑦᑎᐊᖅᑎᑦᓯᔨᐅᔪᒪᓪᓗᑕ ᐊᒻᒪᓗ ᒪᑭᑕᒐᓱᐊᕐᓂᕐᒥᒃ ᐃᑲᔪᖅᑐᐃᔨᐅᔪᒪᓪᓗᑕ ᐱᔭᐅᔭᕆᐊᓕᖕᓂᒃ ᐃᑲᔫᑎᒋᓂᐊᕐᓗᒍᑦ ᓄᓇᕗᑦ ᓱᕙᓪᓕᖁᓪᓗᒍ. ᐊᐅᓚᔾᔭᐃᒋᐊᕈᑎᒋᓯᒪᔭᕗᑦ ᑐᑭᒧᐊᖅᑎᑕᐅᓯᒪᕗᑦ ᓯᕗᒧᑦ ᐊᑉᓗᖅᑕᒧᑦ, ᐊᑐᑎᓕᖅᑎᖁᔭᐅᓯᒪᔪᖅ ᑲᔪᓯᑎᑕᐅᓚᐅᖅᑎᓪᓗᒍ ᒫᔾᔨ 2014ᖑᑎᓪᓗᒍ ᓄᓇᕗᑦ ᒪᓕᒐᓕᐅᕐᕕᖓᓄᑦ.

ᓯᕗᒧᑦ ᐊᑉᓗᖅᑕ ᐱᑐᒃᓯᒪᕕᖓ: http://gov.nu.ca/eia/news/sivumut-abluqta