Havaktingit

You are here

Nunavut Nunalaani Taiguuliqiviingit

Nunavutmi Makpiraaqaqviit

Nunallaani Makpiraaqaqviit inungnut pitjuthimayut inmi pipkaingmat nakuunikhaanunutlu nunallaamingni.  Nunavunmi Makpiraaqaqviit Havagviit (NPLS mik taivagaat) pivikhaqaqtut makpiraanik, qaritauyakkut ikayuutikhait hunanutlu ikayuutikhaqariaqtut tamainnut laivauyut makpiraaqaqviqaqtut nunallaani nakuunikhaannut nakuuyumik nunallaami.  Qanuriliuqtakhamingnik ikayuutikhamingnik inungnut ayuitpiaqtutlu ikayuqpaktut ikayuutikhainnik nunallaat Nunavunmi pivikhaqariaqpiagannik makpiraaqaqviit.

Nunavutim makpiraaqaqviit aanniqvikhaittuq, tun’ngahuqtittivaktut lu qanuritkaluaqtillutik inuit.  Ikayuqpaqtavut inuuqativut pittaalaqiyaangginnik naunaitkutikhainnut ihariariyainnik, inmi nakuuhivikhainnutlu.  Pivikhaqagumayavut inuuqativut pittaalaqiyaanginnik naunaitkutikhainnik ihuaqqutikhamingnik Nunavunmiut nunaqarmattalu nunaqyuaptingni.  Uuktukhimmaaqtugut nunallaami pivikhaqaqtittinahuaqhimaaqhugit Nunavutim inuuqatingmingnut ihuaqutikhamingnik inungmiutilluni, maniliurnikkut pitquhitigutlu pivikhaqaqtittinahuaqhugit tamaita imaa pittaalaqiyaamingnik naunaitkutikhainnik tamaani nunaqyuaptingnit kihimi takulluaqtauluni ukiuqtaqtumin uqaqvigiyauyaangginnik naunaiklugitlu kitut inuuhirmi hivituyumi ayuikhautigiyauniaraluaqqat tairuangnitigutlu titirangnikkutlu.  

Nunavutim makpiraaqaqviit amigaittuqaqtut makpiraanik, qun’ngiararhanik, DVDs nik aadlaniklu.   Aadlat taapkuat ikayuutaugiyuqtut qaritauyakkut ayuikhainikkut, nutaqqat ayuikhautivikhainnik, qaritauyakkuurutiyaamingniklu akiittumik, ikayuutigiyauyuniklu, makpiraaqaqvingmiinnaq atukkiutit hulidjutikhanunutlu atuquhimmaangginnariamingnik Nunavutim pitquhia, tairuangnik titirangnikutlu aadlatlu hunauyut.  

qaritauyakkuugutivikhaqaqtutlu uumani NPLS kut  naunaitkutikhaqaqhutik titirarhimayunik kitut nunallaat ikayuutivikhaqaqtut qaritauyakkut talvunggauyaamilu naunaitkutigiyauyunut tutqukhimayunik qaritauyakkut. Kitkut piumayut talvunggauyaamingnik tutqukhimayunut qaritauyakkut NPLS naunaitkutainnut hamunggauginnariaqaqtut

Hivayariami nunallaangginni makpiraaqaqvianggannut… 

 

Hivayainnarialrit NPLS kut – Anggiyuqqaaqaqviit aaffissianut Qamanittuaqmi

Hivyautaa: (867) 793-3353
Faaksiutaa: (867) 793-3360
Qaritauyakkut: rknowling@gov.nu.ca

Titiqqivilikkutluunniit hamunga:

Nunavut Public Library Services
P.O. Box 270
Baker Lake, Nunavut
X0C 0A0

www.ch.gov.nu.ca