Havaktingit

You are here

Iglirni kumait ilitturiyauyut Igloolikmi

Nuvaipa 21, 2016

Inungnun Tuhaqtitauyukhaq

Iglirni kumait ilitturiyauyut Igloolikmi

Aullaqtiqvikhaq Upluq: Hikutirvia 21, 2016

Taimaaqvikhaq Upluq: Ubluirvia 5, 2016

Igloolik, NU 60 sec

Iglirni kumait ilitturiyauyut Igloolikmi. Hanaqitjutigilugu una, avatikkut aanniaqtailinikkut havaktiit halummarhiyiillu tikittut nunallaamun Salutimi, Nuvaipa 19mi. Kumaiyaiyi tikinniaqtuq nunallaamun Nuvaipa 24nguqqat.

Avatikkut aanniaqtailinikkut havaktiit halummarhiyiillu itirniaqtait ilangi igluliqiyitkut igluqpait ihivriuqhilutik, kiutjutigilugit apirhuutit ikayuqlutiklu upalungaiyaqlutik kumaiyaiyinun. Piqarniaqtut tamanik ikayurutikhanik Igloolikmiunnun aullaqtirnikkut uuminnga havagutikhamik, ilaqaqtut:

• iqqakuuqvikhanik puunik

• hivungani-tununganilu carpet-mut nipitirutinik

• halummarhitjutinik

• atuffaaqtaaqtunik allarutinik

• Vaseline

• kinilaittunik algaangnik

• uunaqtunik uarutinik carpets-nun halummarhitjutinik.

Tikittukhami havainirmi, kumainnun naniriat iliuraqtauniaqtut tamainnin igluliqiyiit igluqpautainni nunallaamilu igluqpautainni naunaiyariami kitut igluqpait piqaqtut. Tamaita iglupait kumaqaqtut hanaqiyauniaqtut.

Itqaumaquyavut nunallaamiut kumait uvinikmik aupatjaktittaaqtut ihumaaluktipkailutiklu, kihimi hiamitingittut aanniarutikhanik, munarhiliariaqangittutit. Ilihimayavut ihumaaluutitit, kihimi kappiahugiaqangittutit. Una Igloolikmi Igluliqiyiit Katimayiit, Iglookmi Haamlanga Nunavut Kavamatkullu havaqatigiiktut kumaitigut Igloolikmi.

Kumait naunaitkutaungittut halumaittumik iglumik igluqpakmikluunniit, kihimi hiamitihainnaqtaaqtut puukattakkut, ikhivautani aannuraakkullu. Igloolikmiut qayagiyukhat pulaarhimagaangamik ilannamiknik ilaruhiminiklu ilitturiyauhimayut kumaqaqtut.

Igluliqiyiitkunnik igluqaqtut nanminiqaqtullu nalvaaqhimayut kumanik igluqpamikni hivyaqtakhait Igloolikmi Igluliqiyiit uvani 934-8917, Hivulliunmin Tallimiunmun talvannga 8:30 uplaamin uvunga 5mun unuliqqat.

Piqaqtuq kangirhitjutikhanik ilitturipkaitjutikhaniklu kumainni uvani nunallami katimavikmi, haamlatkut havakviani, igluliqiyitkunni uvanilu Aanniaqtailinikkut Havakviani qaritauyakkuurutaani.

###

Tuhaumapkainikkut Uqaqatigivikhaq:

Cate Macleod

Aulapkaiyi Tuhaumapkainikkut

Kavamaliqinikkut Havakvia

867-975-6049

cmacleod@gov.nu.ca