Qalagjuarniq-19 GN Ilitturipkaidjutit - Qitiqqautijuq 14, 2020
Hivuliqtip ilitturipkaidjutikhaa:
Ublumimit, naunaiqhihimangittut aannialiqtunik aannialirnahugijunikluuniit qalagjuarniq-19 Nunavunmi.
Ublumi, atauttimut nampait inuit ihivriuqtaujut ublumimut 399. 218 inuit hadja ihivriuqhidtaujut, ukuat 181 inuit ihivriuqhigakhaiktut.
Ublumi, kavamatuqatkut tuhaqtitijut $35.8 million maniliqtuutikhamik Nunavunmut aanniaqtailinikkut atuqtakhanik, tingmitivut, aallallu ikajuutikhanginnik Nirittiarnikkut Tununganirmi imaalu ikajuutikhanginnik mikijut nanminiqaqtunut. Qjagijavut hapkuat maniliqtuutikhat imaalu ikajuutaujunik hapkuat maniit, kihimi Nunavut angitqijanik ihariahuktut , tadja atuqtakhailliuqhutallu. Nunavut akhurjuaq maniilliuqtut, ikajuutikhaqangittugut haffumuuna nalunaqtukkut nutaaq nunarjuami atuqtauliqtukkut tunuanit aullaqtirnianit. Takujaqqut hamna tunngavikhanga, havaqatigijavulklu Kanadaup Kavamangit piliurniannut hivulliqpaamik ikajuutikhanik avikturniptingni aanniarutaanik qalagjuarniq-19.
Nunavut Kavamanga tunihijut ublumimut $2.25 million havainirmi tamaat tingmitiptingnut, aulladjutikhanut ihuaqhartiiqhimajut tingmitikhangit imaalu ikjajuutikhainnik havagviit aulladjutikhanut. Aallaniklu maniliriurutikhanik Kanataupo kavamatkunit haffumuuna. Tingmitikkut aullarviit atauhiinauuq turrangajut nunallaanut ilanganullu Kanadami nunaginnut – ianginiqaqtuq hamna munarijakhaqqut kivgaqtuutikhat imaatullu aullahimmaarnikhanut kinguanni aanniarjuarutanut.
Talvanga April 10, 230 Nunavummiututiqtitaujut avikturniannut inirangamikku pijariaqaqtaqtik 14-ubluni aanihimaittumik najuqtakhamingnithivituniannik hiovuraani itiqtirvingni.
Uqautigijauffaaktukhaujuq Nunavunmi maliqqatpiakpiaktaujukhanik naunaijattiaqpiakhimajunik aanihimaittumik najuqtakhamingnit upalungaijautikhaliuqhimajut nunaqaqtunut utirnahuanut avikturniannut. Akhuurutigijavut qajangnaitkutikhat aanniaqtailitikhaniklu Nunavummiut ublumimut. Aanniaqtuliqijivut ajuiqhattiaqhimajut piliuqhimajait aanihimaittumik najuqtakhamingnit imaalu aullarnahuanut upalungaijautikhaliuqhimajut, ihuaqpiaktunik naunaitkutikhainnik atuqhimajainniklu. Ukpirijatka atuqtakhaliuqhimajut.
Naunaidjavakhillu kavamatuqatkut tuhaqtitijut ublumi tuhaqtitijut aadjikkutavjainnik atuqtakhaliuqtamingnik. Hapkuat maliqajakhangit ajurnaqtutut ittu, kihimi ikajuutaujut ihuaqpoiakhutiklu.
Itqaumatqujatka Nunavummiut akhuurutigijavut hiamittailitikhanik aanniarutinik qalagjuarniq-19 avikturniptingni. Qujahuktugut amigakhurnqhimaittumik imaalu ukpirijaffingnik havaktitluta atuqtakhaliukhutallu ajuqhautaujukkut, imaalu aallanguqtiqattaktukkut.
Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:
Havagviat Aanniaqtailinikkut
Anittailijaujunut Najugakhait
Inuit anittailijaujut atuqtaaktait tiiviirutit, ikiakkuurutit qaritaujakkut, pingahuiqtuqhutik niripkaktauvaktut ubluummat, igliit uliit himiktauvakhutiklu haluummaqtirutikhaniklu tunijauplutik. Iqqakuut agjaqtauvaktut ubluq tamaat. Hapkuat akiliqtakhat akiliqtpaktait Nunavut Kavamanga. GN-kut akilirniaqtait makkakhat, nutarannuat milukhainik uaqtirutikhanik arnat atuqtainniklu. Inuit itiqtiqtauhimajut munarijakhait aquiqtuqtukhat hapkuninga atuqtakhanik naunaiqtauhimajumit agjaqtikhamit kivaqtuqtimit, kihimi akiliqhipkaqtaulimaittut hapkuninga titiraqhimajunik qulani.
Naunaitkutikhat puuqhimajut nutaanguqtiqtaujut ilaukhugit naunaitkutikhanik niqikhanik aquiqtuutikhainnik agjaqtaujukhanik. Tamangnik agjaqtauniaqtuk itiqtirvingnut. Hapkuat agjautait akiliqtakhatit akiit akiliqtaulimaittut GN-kunit.
Qaffiujut
|
Atauttimut (Tamaita Anittailijaujut Najugainni) |
|
|
Tingmijukhanut Qanurinniit |
Itiqtikhimajut Anittailijaujut talvanga April 13 |
|
Taaktiliarnahaqtun Tingmidjutikhanut |
191 |
| Inuit inmikkuuktut | 101 |
| Ilihaqtut | 1 |
| Attautimun | 293 |
Aullaqhimajut utiqtut naunaijautingit:
April 14
| Winnipeg (Ihuaqhariiqhimajut tingmvikhait) | |
|---|---|
|
Aanniarviliaqtut tingmitikkut |
23 |
| Ilihaqtut | 0 |
| Inuit inmikkuuktut | 1 |
| Attautimun | 24 |
| Yellowknife (Ihuaqhariiqhimajut tingmvikhait) | |
|---|---|
|
Aanniarviliaqtut tingmitikkut |
11 |
| Ilihaqtut | 0 |
| Inuit inmikkuuktut | 2 |
| Attautimun | 13 |
|
Edmonton (Ihuaqhariiqhimajut tingmvikhait) |
|
|---|---|
|
Aanniarviliaqtut tingmitikkut |
2 |
| Ilihaqtut | 0 |
| Inuit inmikkuuktut | 1 |
| Attautimun | 3 |
Tingmijumajunit tukhiutit
Ubluaniit April 13 (a.m.) imaatut amigaitilangit 527 tingmitikkut aullarumajut tukhiutait, 425 ukunanga ihariagijaujut havaktikhat tukhiutait.
| Tukhiutait Qanurinniit | # | % |
| Angiqtaujut (ilaujut ihariagijaujut imaalu havaktiungittut) | 425 | 80.7% |
| Qin'ngijaujut | 56 | 10.6% |
| Ihumaliurutaujut huli | 646 | 8.7% |
| Attautimun | 527 | 100% |
Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.