Nuutaanik Tuhaadjutikharnik talvuuna Ikualaaqtuqaqtuq Qikiqtaaluup Itiqtauviani
Uqautait
Nuutaanik Tuhaadjutikharnik talvuuna Ikualaaqtuqaqtuq Qikiqtaaluup Itiqtauviani
Iqaluit, Nunavut (Qiqaiyaqvia 22, 2021) - Ministauyuq Maligaliqiyitkutni George Hickes ublumik tuhaqtitivakhimayuq ukuninga uqaqtainik:
“Talvuuna hanaqingnagigamiuk itiqtauvium havaktiit hivuliuyutlu kivgaktiluat, aanniqtuqangituq ikualaaqtiluni Qikiqtaalungmi Itiqtauvikmi (BCC) Qiqaiyaqvia 18, 2021.
Malikhautiplugu ayungnautigaluangit, itiqtauhimayut agyaqtauvakhimayuq allanun igluqpangmun ikayuutikhaqaqhutik Palihimarnik Vmi Havagviani, Nunavut Apiqhuivik Maligaliqiyit Atanguyaluangit allatlu itiqtauvingni igluqpangit Iqalungniituni.
Talvuuna 24 ikaakninik, Havagviat Maligaliqijikkut nalvaaqhivakhimayut nakuuyumik nayugakhaanik itiqtauhimayut nuutiqtauvakhimayut ikualaaqtiluni. Havaqatigihimaaqatigiplugit ilaqatigiitun talvani Itiqtauvingmi Kivgaktiuyut Kanatami, nuutiqtitivakhimayugut 30nik itiqtauhimayut talvunga Joyceville Institution Kingstonmi kingulirmi havainirmi imaani. Una itiqtauvik Qalagjuarniq-19 aanniarutiqangitut talvanganin Iidjirurvia 26, 2021mi. Allat 30nguyut itiqtauvakhimayut nuutiqtauvakhimayut allanun itiqtauvingnun nunavunmi.
Ilagiyaingit itiqtauhimayut tuniyauniaqtun nuutaanguqtiqhimayumik uqarvigigiaqaqtainik naunairutingnik piqpagiyainik itiqtauhimayut.
Ihuaqhaiyiit havaktit ihivriuliqtaat ikualaaqhimayut itiqtauvingmi aulatitiliqtunlu ihuaqhaidjutikharnik upalungairutikharnik naunaiyaiyaangat havaktauyukharnik aulavikhangit angmaffarutikharnik talvani Qikiqtaalungmi
Itiqtauvikmi. Quyagiumayatka inuit tamaita ikayukhimaaqpaktun ihuaqhaiyaangat uminga ayungnautigiyauvakhimayuq, naunaiyaiyaangat qayangnairutikharniklu munaqtiuyunun havaktit itiqtauvakhimayutlu ubluq tamaat aulavakamik.”
###
Tuhaqtidjutikhanut Uqarvikhaq:
Mark Witzaney
A/Aulapkaiyi Maliruagahanun Upalungaiyautinunlu Havagvia
Maligaliqiyit
867-975-6346
@email