Niqikhanik qayangnaittunik ilihimalutit niuvviraiguvit inungmit igayauhimayunik
Kavamatkunnin Tuhaqtitaudjutikhaq
Niqikhanik qayangnaittunik ilihimalutit niuvviraiguvit inungmit igayauhimayunik
Nunavummiut uqaudjauhimajut niqikhaliurniarumik niuvrutikhamingnik iglumingnit, imaaluuniit niuvvirumik niqikhaliuqtauhimayunik iglumingni piliuqhimayunik nanminiqaqtunit, qayangnaittunik atuqpaktukhat, taimaittunik igauyakhimayut tamuakhat, mamaaqtut, paniqtihimayut niqikhat, nutaat ahiat nauhimayullu. Qanikkut, amigaigyuumivalliayut takuyauyakhat iglumingni-niqikhaliuqtauhimayut niqit niuvrutikhat inungnun tuhaumapkaitjutinni.
Iglumingni-niqikhaliuqtauhimayut niqit upalungaiyaqtauhimayunaqhiyut maliqaplugit atupagait havauhikhangillu angiqtauhimayut Havagvianit Aanniaqtalinikkut. Angiqtauhimaittut iglumingni-niqikhaliuqtauhimayut aulapkaiyit piqangittunaqhiyut pitquyauhimayunik inikhaanik imaalu ingilrutikhanik ihuaqtumik naunairutikhanik niqikhat niglaumanikhanik imaaluuniit uunnaqtihimayukhat qayangnaittumik upalungaiyaqtauhimavianit niurutauvikhanut, imaaluuniit inikhailiuqtut qayangnaittumik tutquumavikhanik, pihimavikhanik imaalu niuvirvihanik niqikhanik amigaittunik inungnut.
Hamna tuhaqtipkaidjutikhaq atuqtauyakhaittuq niuvrutikhanik qayangnaivyaktut niqikhat katimayiuyunit imaalu ikayuqtikhailliuqtunut maniliurnahuarutikhainnik pidjutiqaqtunik imaalu niuvrutikhat niqqainarnik maniliurnahuangittunit Inuinnarnit malikhugu una Article 5 uvani Nunavunmi Nunataarutaanut Angirutaa.
Niqikhat upalungaiyaqtauhimayut angiqtauhimayuni igaaviinni, nunallaani ulapqiiviinni imaaluuniit iliharviup igaaviinni. Uqarvigilugu avikturnianni Aanniaqtailinikkut Havakti una uqautigilugu imaalu aallat atuqtakhat hailiyunaqhiyut. Kinamut uqarvikharnik titirarvikharnikluuniit takulugu https://www.gov.nu.ca/in/health/information/avatingnut-aanniartailinirm….
###
Tuhaqtipkainikkut Uqarvigijakhaq:
Dana Sommerville
Tuhaqtidjutikhanut Tutqikhaiyi
Aanniaqtailinikkut Havagvia
867-975-5712
@email