Mary River Uyarakhiurvianni aanniarutiqarnahugiyut aanniarunmik COVID-19 qalagjuarnirmik ihivriuqtaudjutait naunaiqtauyut aanniarutiqangittut

Kingulirmik nutaanguqtiqhimajuq Pinggattiut, Taaqhivalirvia 22, 2020

Tuhaqtitauyuqhaq

Mary River Uyarakhiurvianni aanniarutiqarnahugiyut aanniarunmik COVID-19 qalagjuarnirmik ihivriuqtaudjutait naunaiqtauyut aanniarutiqangittut

IQALUIT, Nunavut (Taaqhivaliavia 22, 2020) – Dr. Michael Patterson, Nunavunmi tanilluaq Nunalaani Aanniaqtailinikkut Havaktimi, tuhaqtitiyuq tapkuak malruuk aanniarutiqarnahuguyuuk taffuminga COVID-19 qalagjuarnirmik talvani Mary River Uyarakhiurvianni ihivriuqtaudjutaik naunaiqtauyut aanniarutiqangittut kinguani naunaiyattiaqhimayunik ihivriuqtaudjuhiinnik qauyihaiviinni hivuraani Kanadami.

“Havagviat CPHO havaqatigiplugit ukuat uyarakhiurvianni naunaiyakhugit tamna ihivriurlugit aanniarnahugiyut imaalu qaniklihimayainnik aanniaqtumut naunaiqtauyukhanik ihuaqtumik avalingarvikhanik hivituniqaqtumik qayagiyautitlugit naunaiqhimayunik. Tadjamit, nalingiik ihivriuqtaudjutingit aanniarunmik ukualluuniitqaniklihimayainnik aanniaqtumut naunaiqtauyukhanik mihingnautiqangittut aadjikutainnik taffuminga COVID-19 qalagjuarnirmik imaalu naunaiqtauhimaitut hiamitiriakhanik talvani uyarakhiurvianni,” uqaqtuq Dr. Patterson. “Nunavunmi piqangittuq huli naunaiqtauhimayunik aanniarnahugiyunikluuniit COVID-19 qalagjuarnirmik”.

Kinaliqaak ukpiruhukkumik qaniklinahugihimaplutik taffuminga COVID-19 qalagjuarnirmik uqaudjauhimayut hivayaquplugit talvunga COVID-hivayautaanut 1-888-975-8601 akkungangni 10 mit imaalu 6 mut, imaaluuniit tuhaqtitlugit nunamingni munaqhitkut qilamiurlutik, imaalu qilaminnuaq avalingaaqtukhat aimavingmingni imaatut 14ni ubluni. Naunaitkutit COVID-19 qalagjuarnirmi ilaqatun kidjangnirmik, qalaliqtumik ajurnarhijumikluunniit anirhaaktariami. Nakuutqijaujuq hapummidjutinik hiamitirnirnin aannialaqidjutimilluunniit aanniarutimik taimaatun inungnin ahiqpaniinniit, algaknik-uarnirnik 20 secondsnik, qalakhurniq takjurniqlu ikuhingnun aihimalunilu.

###

Tuhaqtidjutikhanut Uqarvikhaq:

Chris Puglia
Atan'nguyaullaktuq, Tuhaqtidjutinun
Havagviat Aanniaqtailinikkut
867-975-5949
@email

Titiraq(t):

2020-07_nr26_hea_mary_river_presumptive_covid-19_cases_test_negative_-_ikw.pdf

Aallanun atqtillugu una makpivia

Email address

Uqarumajarnik titirarlugu?

Quana uqaqvigijatin Nunavut Kavamanga

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.