Angijut Maniliurutikhait Ikajuutikhat Angiglijuumiqtiutikhanut Nunavunmiinnaq Francophone Iliharvik
Angijut Maniliurutikhait Ikajuutikhat Angiglijuumiqtiutikhanut Nunavunmiinnaq Francophone Iliharvik
Iqaluit, Hikutirvia 9, 2020 - Tuhaqtipkaititlugit ukuak Nan'ngarijaujuq David Joanasie, Nunavutim Minista Ilinniaqtuliqijikkuni, Nan'ngarijaujuq Mélanie Joly, Ministaujuq Pivalliadjutikharnik imaalu Ilitarijauhimajut Uqauhiit, tuhaqtitijut Kavamanga Kanadami tunihijut $10,769,000 maniliqtuutikhanik taffumunga École des Trois-Soleils unalu Centre de la petite enfance les Petits Nanooks nutaqqiqiviat havakhanik angiglijuumiqtirutikhanik najugaanut nuannguqtiridjutikhaniklu ingilrutainik. Nunavut Kavamanga tunihiniaqtut manikhanik $9,001,000 umninga anginiqaqtumik havaakhamut, ilauniaqtut ulapqiviat ukuallu hitamat iliharviinni, niuvrutikhat ingilrutikhanik, imaalu angiglijuumiqtirutikhanik nutaqqiqivianik. Angiglijuummiqadjuk imaalu nakutqijanik ingilrutinikkan, École des Trois-Soleils pillahiniaqtut atauhirmungarlugit tamaita avikturnianni Francophone ilihaqut atauhirmut iliharvingmut. Tadja, ilihaqtut nuutauvaktut taffumunga Qablunaatun uqauhirmik angajukhiit iliharvianut inirangatigiik puqtunia 8.
Inuktut, Qablunaatun Uiuitunlu Nunavutim pingahut iltarijauhimajun uqauhiit. Avikturnianni Francophone inugiangnigit amigaigjuumijut, una amigaigjuuminiat naunaittuq talvani iliharvianni. Taimaittumik anginiqaqtguq kavamatuqatkunut ikajuutikhanik una ilitarijauhimajuq uqauhiq ikinnikhait nunaqatigiiktunut.
Unaluttauq tammaqtailitikhanik Inuktut, Nunavut Kavamanga akhuuqpaktut una avikturnianni malrungnik uqauhiqaqtunut inungnik inugiangningit ajuittiaqtukhat uqauhiinaringitanik Inuktut, kihimi Qablunaatun Uivivitunluuniit.
“Tamarmik Kanadamiutat pilaarutiqaqtut nakuukpiaktumik iliharnirmik hivulliqpaami tuklianiklu uqauhirmikkut, pidjutigingitlugu nalliani nunagijamingni. Hakugikhijuumirlugit Nunavutim Francophone iliharnikkut aullaranginnaqtumik imaalu qaritauijakkut, kavamavullu ikajurlugit Francophonie nauvalliadjutikhat nunaptingni ukiuqtaqtumi avikturnianni.”
—Tamna Nan'ngarijaujuq Mélanie Joly, Ministaujuq Pivalliadjutikharnik imaalu Ilitarijauhimajut Uqauhiit
“Nunavut nutaanguqjuq imaalu amigaigjuumivalliajut inuugiaktilanga ukuallu uqauhiit ajuiqpalliajut avikturnianni. Quvianaqtuq takujami iliharviit nutaqqiqiviillu igluqpait angiglivalliajut imaalu ihuaqhijuumiqtut inulrammiit tunijaujukhaungmata nakuukpiaktumik iliharvikhanik. Hamna igluqpangmut nutannguqtiutikhat ihuaqutauniaqtuq amigaittunut Nunavummiut uqaugikkut titirarnikkut pitquhikkullu.” —Tamna Nan'ngarijaujuq David Joanasie, Nunavunmi Minista Nunavummi Ilinniaqtuliqijikkuni
Naunaiqhittiarumaguvit, uqarvigidjavat (tuhaqtakhainnarnik), uqarvigidjavat:
Catherine Mounier-Desrochers
Tuhaqtaujukhani Titiraqti
Havagviat Ministaujuq Pivalliadjutikharnik imaalu
Ilitarijauhimajut Uqauhiit
613-295-3617
@email
Tuhaumapkainikkut
Kanadami Pitquhikkut
819-994-9101
1-866-569-6155
@email
Troy Rhoades
Atan'ngujaq, Tuhaqtidjutinun
Havagviat Ilinniaqtuliqijikkut
Nunavut Kavamanga
867-975-5680
@email