Aktuqtailiniq Nakimayunun
Kavamatkunnin Tuhaqtitaudjutikhaq
Aktuqtailiniq Nakimayunun
Nunavummiut upalungaiyaliqtilugit quviahugiamingni maniqami ilatiklu upingaarmi, Havagviat Aanniaqtailinirmun tunihiyut ikayuutighanik aktuqtailinirmun nakimayunun.
Nakimaniq hivuuranaqtuq pittailiyaaqtuq aanirutaa tamna aanialaqidjutigiyaat huradjat inuillu. Amihut uumayut huradjat aanniarutiqaqtut, ilauyut titiraniat, ammaqqut, qinminlu. Aanniautip hiamiatirutigiyaa humi nakimayuq huraaq kiinikumi, qitukumi alupirumiluuniin kilangniagut. Anginirhauyuq qayangnaut Nunavunmi inungnun aktungnira nakimaniq qinminin.
Nakimaniq mamihaidjutighaituq. Inuk munaridjutinik piyaungitkumi aktuqtaugumi, aanniarut ayungnautiqaqtuq. Kapuqhugit havauhiqtauyut ayuittiaqhimayunin kinguani kiitirumi nakimmaktailidjutauyut anautigilugulu.
Tamapta qanuriliuriaqaqtugut nutqaqtinahuaqlugu nakimaniq imaa:
- Qayagilutit, alianaigihuiqlugit qinmit.
- Ipiingaaqtut qinmit qaniklinahuaqtailugit.
- Munagilugit nutaqqat hanianiitut qinmini.
- kapuqhiqtilugu pamiqhaat.
- Pamirhaatit ipirhimalugit hilami.
- Hivayaqlugit munaqhitkut qilamik kiitiruvin qitughiruvinluuniin huraamin.
Ihumaaluutiqaruvin nakimayukkut huraakkut, hivayaqlugit uumayuliqiyit havaktiit. Qinmit kiitiqqat huraamin, hivayaqlugit uumayuliqiyit havaktia maligaliqiiluuniin maligahanik.
Aviktungniirigut uumayuliqiyit havaktiita hivayautait:
- Kivalliq: 1-867-645-8071.
- Kitikmeoni: 1-867-983-4236.
- Qikiqtaaluk avikturnia: 1-867-975-4800.
###
Tuhaqtipkainikkut Uqarvigijakhaq:
Danarae Sommerville
Tuhaqtipkainirmut Ayuittiaqhimayuq
Aanniaqtailinirmut Havagvia
867-975-5712
@email