Katimayiit Ilauyut
Naunaitkunmi 3(2) talvani Taaninik Maligaq pigiaqtitiyaangat taima nainguyunik ilauyukharnik talvani Nunavut Taaninik Laisiliqiyukharnik Katimayiinun, tikuaktauniaqtun Ministamin.
Hadja aulayut tallimanik Katimayiyiuyut, ilauyurlu tamna ikhivautalik. Titiraqvigiyaangat qaritauyakkut Katimayiit Katimayiyiuyunun, titiraqlugit qaritauyakkut @email.
Terry Dobbin (ikhivautaq)
Nunavunmi nunaqaqtuq 20-nik ukiunik, Terry qaritiyuq hakugiktukharnik nunalaani atuqtakharnik talvunga NLLB-mun. Nunalipauyarmi Iqalungni katimayiuyuugaluaq, Terry ilauyuq tamangni Nunalipauyaq Iqalungni Nunavut Kavamatkunilu katimayiinun. Ilauyurlu ikhivautaqatigiyaa talvani nunalipauyam maniliurutikharnik pivalliadjutikharnik katimayiinun ilauyuq talvani pivalliadjutikharnik Nunalipauyarmi Iqalungni @emailNunalaani Maniliurutikharnik Pivallianikkut Upalungairutikharnik unalu iniqtilihaaqhimayuq nunalipauyam hanaqidjutikharnik upalungairutikhainik. Ihumagiyaingit talvuuna malrungnik ilauyuq talvani katimayiyiuyuni ihuaqyumiqtitivakhimayuq nunalipauyam igluutainik ilituqhaiyaangat igluiliungnikkut ihumagiyaunginaqtun.
Uvani havaktauhimaaqtunik havakpaktainik, talvanga tingmiqataqpakhimayunik tamaini Nunavutim Qikiqtaalungmi, Kitikmeotmi, Kivallirmil. Terry piqaqtuq anginirmik ilitugidjutikharnik nunalaani ayungnautivakhimayainik pidjutikharniklu aulayut munagidjutingnik nunalaani pivalliadjutingnik. Taima ilautinani NWTmi Nunavut Havakvingnik Munaqtiuyut talvani Uyaraghaqhiutiit, havakpakhimayuq talvani Northern News Servicemi talvani Iqalungni. Ilauniqaqtuq taima, Terry nanminikharnik aulatitivakhimayuq mikiuyumik havagvingmik talvani nunaptingni nunalipauyarmi.
Terry piqaqtuq ilitagidjutikharnik hunaliuqtiuyunik talvanga Iliharvikyuangani New Brunwickmi Frederictonmi, New Brunswickmi, ilitagidjutiqaqtun inuuhirinikkut talvanga Champlain Ilihaliarpaarvingmi talvani Lennoxville, Québecmi, maligaligaliqinikkutlu ilihairutingnik ilitagidjutiqaqtuq talvanga Iliharviyuanganin Kanatami Corner Brookmi, Newfoundlandmi. Quviagiyain hulilukaarutikhangit ilauyut iqalukhiuniq, kiitaliqiyaangat haakiniklu.
Leesa Sowdluapik
Leesa inunguqhimajuq Pangniqtuumi, Nunavut. Qaffini ukiihimajuq Iqalungni imaalu nunaqatiqhuni Kimmirunmi. Leesa havalihaaligami havaanikpaktuq Nunavut Kavamatkuni 2000mi. Havalirami GN-kuni, Leesa havaaqaqhimajuq aallatqiinik havaarijakhanik, kivgaqtuijiupluni aullarnikkut tutqihaijiunirmik, havaktit pivallianirmik ajuittiaqhimajuq imaalu kiinaujaliqijiupluni Havagviat Munaqhiliqijikkuni imaalu Ikajuuhialiqijitkuni Iqalungni; havaktiinut nuutirijiunirmik havaktiunirmik Havagviat Ilinniaqtuliqijikkut, Qikiqtaani Iliharviit Aulapkainiit Mittimatalingmi; havaktikhaqhiurnirmik nuuitirijiunirmik imaalu havaguiqhimallaktukhnut titiqqiqijiurnirmik tutqihaiji Nunavunmi Inirnirit Ilihaaqpaalirviit; imaalu, tadja nKavamatkuni Kivgaqtuijiunirmik Havagviat Hivuliqtiujut Iluani Kavamatkut Kimmirunmi.
Mittimatalingmi, Leesa ilauvakhimajuq Hamilaatkut katimajiini uvanilu inuuhirinikkut ikajuhialiqijuniklu katimajiini, taima munarivakhimajut angirutigivakhimajangit taanganik uuktuutikharnik nunalaangani.
Leesa tikkuaqtauhimajuq talvunga Nunavunmi Tanngaliqinirmut Higaarlungniklu Katimajiinni Ubluiqtirvia 2007mi.
Qilak Kusugak
Qilak Kusugak, tikkuaqtauhimajuq tapkununga Nunavunmi Tanngaliqinirmut Higaarlungniklu Katimajiit 2017mi, tadja nunaqaqtuq Kangiqlinirmi (tahamani inunguqhimajuq) qaffini ukiungni nunaqaqhimajurlu Iqalungni.
Qilak aulapkaingnguvaktuq Atuliqtittinirmunni Nunavut Tunngavikkunni 2015 min, havaaqaqpakhuni Kivalliq Inuiit Katimajiini, Nunavut Kavamainni Nunavut Upalunggaijainirmun Katimajiinilu.
Qilak 12-luni ukiuni Katimajiuvakhimajuq, havakpakhunilu Nunavut Imaliriijini Katimajiit, Nunavut Pivikhaqautikkunni Kuapuraisinganni Kivialliq Ujararhiurviit Ilihaivikhanut Katimajiinnilu.
Qilak nulianilu Denise inulramiingnik nutaraqaqtun; pania Taylor irningalu Dylan.
Bob Jancke
Bob Jancke nunaqaqtun Kitikmeotmi avatquhimayuq 35nik ukiunganik, nanminigiyangalu aulatitivakhimayuqlu Nanook Woodworking Ltd-nik. Iqaluktuuttiarmi - hanavik, kaantulaaliqiyunik, nanminiliqiyunik munagidjutikharnik havagviuyuq.
Bob ilaulukaanginaqtuq ikayuinaqhuni Iqaluktuuttiarmi talvanganin 1994mi, ilauyurlu ikayuinaqhuni qaptiliqiyinik, ayuiqhaiplunilu inulramiit haakiktunik, ikayukhimaanginaqhunilu maniliurutikharnik amigaitunik inulramiit nunalaanilu hulilukaaktukharnik. Taima mikiunik nanminiqaqtuq havaanganik nanmigiyainik havagvingmik, Bob qaritiinaqtuq ihuarutikharnik nanminiqaqtunik nunalaanilu havagiikhimayainik Katimayiinun, talvuunalu Qiqaijaluarvia 2018mi tikuaktauvakhimayuq tuglianganik ilauyukharnik.
Bob ihumagiinaqtait quviagiyaingit hulilukaarutikhangit ilauyuq ilauqatigihimaaqhugit ilagiyaingit, hilamilu hulilukaaktuniklu, hanayiyiuplunilu.
Valerie Inukpuk
Valerie Inukpuk Titiqiqidjutiqaqhimayuq Munarhi talvani Qiqiktaalungmi. Pamiqhimayuq nunallaani Nunavikmi hamanilu Nunavunmilu (Nunavunnguqtinagu!) nuulihaaqhimajuq Iqalungnut. Valerie inuuhimaaqpaktuq avatingni Kanatami ukiuqtaqtumilu nuutinani talvunga Nunavunmi nunaliuqpaarvingmun. Havakpakhimayaini aallatqiini avikturvingmi nunalaangitlu Nunavunmi avaliqangitumik ilituqhaidjutikharnik akhurutiqaqtainik ayungnautiqaqhimayainiklu Nunavunmiunun akukhimaanginaqtainik.
Valerie uqaqtiuvakhimajuq nunarjuami ukiuktaqtuniitunik ihumagijaujunik talvuuna 2016mi-2019mun ilaujukharnik Kanatami uqaqhimaanginaqpakhimajuq nunarjuaptingni katimajuarutingnik talvuuna hilaup allanguqtirninga, niqailiurnaitumik, inugiangningit inuuhirinikkutlu. Havakpakhimajuq talvani Qaujigiartiit Inuuhirinikkut Kangiqhidjutikharni Katimaviani aituijaangat nulliqinikkut inuuhirinikkutlu ajuiqhautikharnik inulramiinun talvani Iqalungni Qikiqtarjuarmi aituihimaaqtun havagianganik ikajuutikhamik inulramiingit inuuhirinikkut piqaqtigiikhimaaqtukharnik. Havangitkaangat, Valerie quviagijait igajaangat ilaulukaagiangani ilanarmiulukaagianganilu.