Niqinut Qajangnaitkutikhat
Hitamat maliktakhat niqiliqinikkut qajangnaitkutikhanun
Hamma hitamauyut ayungnairutikharnik hanaqiyaanganik niqinik ihuaqtumik:
Uarniq:
- Uaklugit algakkit unnavyaktumut irmiuhirhimayumun imarmut niqiliqitinnatit.
- Uaqtiqlugillu halummaqtirlugillu avguivigiyatit ikpatigiyatillu haviillu.
- Tamaita ahiat nauhimayullu uaqtauyukhauyut avguktinnagit nirhiuqtinnagillu.
Ilikkuuqtitlugit:
- Uuhimaittut niqit, tingmiat, tariurmiutat niqit imaqutaillu ilikkuuqtitlugit.
- Iliuraruiqlugu uuhimayut niqit uakhimaitumut akkiutamut.
- Atuqlutin allani avguivikharnik alligarnik, atauhirmik nauhimayunik niqivalungnik , atauhirtauq niqainarnik, tingmianik tariumilu niqivalungnik.
Iganiq:
- Igalugit niqivaluit igluangit uquninganik taima aanniarnaqtun niqini piigianganik:
- Beefnik, Porknik, Lambniklu: 71°C (160°F) uqutilaanganik igavit
- Chickennik Turkeylu: 85°C (185°F) uqutilaanganik igavit
- Iqalut Uviliqaqtunik iqaluitlu: 74°C (165°F) uqutilaanganik igavit
- Ilakuit Casserolengitlu: 74°C (165°F) uqutilaanganik igavit
- Tingmiat, mannilgit alliuyat, casserolengit ilakuitlu igayukhauyut innakhivaataulutiklu aanniarutikhangit pigianganik.
- Uutpiarlugit hambukat niqit (ground meat) iptirutait imarighitirlugit.
- Avuutikhat, suuliuqhimayut, gravy-lu purriktitlugit uunnaghiffaalirupkit.
Niglaumapkarlugit:
- Ikhinaqtailugit niqivaluit igluam unaqutaangani aanniarutiqarnaqitumik niqiffingni amigairyumirnaitumik.
- Ililugit niqit hunngiktaaktut tutquqpaklugit niglaumavikmun qiqittivikmulluunnit qilamik niviruiruvit.
- Mahaktitilugit niglaumaviqarvingmi taima 4°C-mi, uvaniluuniit niglaumayumik aulayunik imarnik (mahaktitiyaangat talvani niglauminirvingmi pigiaqtitiniaqtun malrungnik ubluanganik mahagianganik tamaat, taima hanaqiyaanganik upalungaikhimayukhat). Mahakhihuiqlutit tahamaniinnaq.
- Qiqittiivikmungarlugit huungiktaaktut niqit uuhimayariiqhimayulluunniit niqivaluit (ukunatun nirivingmin pihimajun nirijaungittullu niqivaluit) iluani malrungni ikaarnirni.