Naujaani

Naujaat

Atiluanga Repulse Bay, Naujaat naunaijautaa "naujat ivavia" Inuktitut. Naujaat najugaqaqtuq Ukiuqtaqtup Avaluani, uvani N66 32' W85 50'. Avatiini Naujaat amigaitut inuksuit (amigaitqijaa inukshuk). ujaqqat qalriiktiqhimajut inuktut ilihimajut, aalallu qanuriniit, atiqhimajut Qablunaat imaa stone cairns. Ilangit hapkua inuksuit napaqtiqtauhimajut tausini ukiuni kingungani Inungnin naunaitkutait humtu aulaaqpauhitik, nakataujullu humi iqaluqanirit/anguniaqviilluuniin. Nuna amigaitunik kangiqhuqaqtuq aghaluaniqaqtullu majuqait, kitut apihimainaqtut ukiuq tamaat.

Tikinagu 1964, Naujaat Kapanit niuvaaviqaqtut ukualu Faalamiut igluqpaanik. Inuit najugaqaqtut ikituublutik aquivaktut hamunga Naujaanun niuvaajut kapaninino. Uvani 1964 hivuliit iglut napaqtaujut. Hapkua iglut mikijut atauhirmik igluaqaqtut iglut, atiqaqtut imaa "qiuqutit iglut". Qaffit inuit nuutiqtut nunallaamun amigaiqpaliajut, iglughaniklu piumajaujut amigaiqhutik.

Uvani 1968, ukua Federal Department of Indian and Northern Affairs aularutijut anginirhakkut iglutigut pinahuarutinik tapkua ilaujut Tusarvik Ilihavik, 20 pingahunik-igluaqaqtut iglut nunallaami inungnun, pingahullu kavamatkut havaktit iglughait hilataanin nunallaap. Napaqtiriblutiklu pauwaqarighamik, pingahut aghaluutit najugahaani, tmajaqavik, malruklu angijuk urhuqjuaqaviik.

Pidjutaujullu anginihakkut aalanguqtirnirmun. Uvani 1989, ukua kapanit atiriliqtaat Northern store. Uvani 2002, hivuliqpaaq Pilihimat havaktiit najugaqaqtut hamani Naujaani. Ujarakhiuqtuqaliqtuq hilataani nunallaap, ikuutaqtuqaqhunilu naamavjaktuqsaivat seven kilometers ungahiktilaanga nunallaamin.

Inugiangnira: 1,049

Qaujigiarviksaq

Irngiinaaqtaut: @email
Uqaalauti: 867-462-9952
Sukkajukkut: 867-462-4411
Ikiaqqivik: www.repulsebay.ca