ᐃᒪᖕᒥᑦ ᖃᓛᖅᑎᑦᑎᖃᒃᑕᖁᔭᐅᔪᑦ−ᖃᒪᓂ'ᑐᐊᖅ

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᐃᒪᖕᒥᑦ ᖃᓛᖅᑎᑦᑎᖃᒃᑕᖁᔭᐅᔪᑦ−ᖃᒪᓂ'ᑐᐊᖅ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔨᔾᔪᑎᒥᒃ ᓴᖅᑭᑎᑦᑎᕗᑦ ᕼᐋᒪᓚᒃᑯᓐᓄᑦ ᖃᒪᓂ'ᑐᐊᕐᒥ. ᑖᓐᓇ ᐅᓗᕆᐊᓇᖅᑐᒦᑦᑐᖃᖁᓇᒍ ᐱᔾᔪᑎᖓ ᐃᓱᓗᐊᕐᓂᖓᓄᑦ (ᐃᓱᖅᑐᖅ ᐃᒥᖅ).

ᐃᒥᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᐃᒥᖅᑕᐅᓂᐊᖅᑐᓕᒫᓂᑦ ᖃᓛᖅᑎᓯᒪᔭᕆᐊᖃᖅᐳᑦ 1-ᐃᑲᕌᕈᓯᕐᒥᑦ ᑭᒡᓕᖃᓗᒍ.

ᐃᒥᓕᒫᑦᑎᐊᑦ ᖃᓛᖅᑎᑕᐅᔭᕆᐊᖃᓪᓚᕆᒃᐳᑦ ᐅᑯᓄᖓ ᐊᑐᖅᑕᐅᓂᐊᖅᑐᐊᕈᑎᒃ:

• ᐃᒥᕐᓂᐊᕐᓗᒍ.
• ᐊᒫᒪᒃᑕᐅᓂᐊᖅᑐᓄᑦ ᓄᑕᕋᓛᓄᑦ.
• ᐃᒥᒐᒃᓴᓕᐅᕐᓂᐊᕐᓗᓂ ᓂᓚᓕᐅᕐᓂᐊᕐᓗᓂᓗ.
• ᓰᕐᓇᖅᑐᓂᒃ ᓰᕐᓇᖏᑦᑐᓂᒡᓗ ᐱᕈᖅᑐᕕᓂᕐᓂᑦ ᐃᕐᕈᖅᑐᐃᓂᐊᕐᓗᓂ.
• ᓂᖅᖠᐅᕐᓂᐊᕐᓗᓂ.
• ᑭᒍᑎᓯᐅᕐᓂᐊᕐᓗᓂ.

ᐃᒥᕐᒥᑦ ᖃᓛᖅᑎᑦᑎᔪᓐᓇᖅᑐᑎᑦ ᐅᒃᑯᓯᒻᒧᑦ ᖃᑦᑕᕐᒧᓪᓘᓐᓃᑦ ᐃᒐᐅᑉ ᖄᖓᓂᑦ ᐅᕝᕙᓘᓐᓃᑦ ᑲᑉᐳᔾᔭᖅᑐᒧᑦ ᐆᓇᖅᓯᑦᑏᔾᔪᑎᒧᑦ ᐃᒻᒥᓂᒃ ᖃᒥᓲᖑᙱᑦᑐᒧᑦ.
ᖁᓛᓂ ᓇᓗᓇᐃᖅᓯᒪᔪᑦ ᐊᓯᖏᓐᓂᒃ ᐊᑐᖅᑕᐅᓂᐊᖅᑐᓄᑦ ᐃᒥᖅ ᖃᓛᖅᑎᑕᐅᔭᕆᐊᖃᙱᑦᑐᖅ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑏᓇ ᓴᒧᕕᐅᓪ
ᑐᓴᒐᒃᓴᓕᕆᔩᑦ ᑐᑭᒧᐊᒃᑎᑦᑎᔨᖓ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email