Nunaqyuarmi Nakimaniqarnikkut Ilituqhaidjutikhaq Ubluanga 2020

Kingulirmik nutaanguqtiqhimajuq Hivulliq, Apitilirvia 28, 2020

Kavamatkunnin Tuhaqtitaujukhaq

Nunaqyuarmi Nakimaniqarnikkut Ilituqhaidjutikhaq Ubluanga 2020

Apitilirvik 28, aulaniaqtuq Nunaqyuarmi Nakimaniqarnikkut Ilituqhaidjutikhaq Ubluanga Nakimayuq aanniarut aanniartailiqinikkut pigiaqaqtuq hiamittaaqtuq huradjanut inungnullu. Amihukpiat uumayut huradjat tigumiagiaqaqtun aanniarutmik nakimmahimanirmik, ilauyut titiganniat, amaqqut, qingmitlu. Aanniaut hiamitiqtaaqtun nakimmayumit uumayumit qiittirangamik, qittukhiqhutikluuniit, alluktauplutikluuniit killiqarniagut. Anginirmik ayungnautiqarniaqtun Nunavunmi inungnik ilauniqaqtunik nakimaniqaqtunik pamirhimayunik qinminik.

Nakimaniqaqtunik mamitirutiqangitun. Inuk ihuaqtumik havautituqtaungitkumi akuktaugumik, maqidjutikhangit ayungnautiqarniaqtun. Kapuutit havautit tuniyauhimayut ayuittiagiikhimayunik taima huradjamin kiiyaugumik aanniaqtailiqidjutikharnik qayangnairutikharnik annaktuiniaqtun inuuhirnun.

Tamapta qanuriliuriaqaqtugut nutqaqtitinahuarlugu nakimaniq:
• Qayangnairutikharnik piqarlutin; nanguhuiqlugit qinminik.
• Hanguinaqtun qinmiit qaniklinahuaqtailugit.
• Munagilugit nutaqqat ilauligumik qinmirnik.
• Kapukhirtauhimaaqtukhaq pamirhimayan.
• Pamirhimayat ipiutiqtauhimayukhat hilami.
• Hivayaqlugit munarhitkut qilaminuaq kiiyauguvit qituqhiguvitluuniit huradjamin.

Ihumaguvit nakimaniqaqtumik huradjamik, hivayaqlugit nunalaani uumayuliqiyitkut havaktingit. Qinmit kiiyaukpat uumayumit niryutimit, uqagvigilugu aviktuqhimanirni anguhiqiyinut havaktmuni uvaluuniit nunangni palihimauyangit qanuriliurutikharnik.

###

Tuhaqtipkainikkut Uqarvigijakhaq:

Danarae Sommerville
Tuhaqtipkainirmut Ajuittiaqhimajuq
Havagviat Aanniaqtailinikkut
867-975-5712
@email

Titiraq(t):

2020-09_psa_hea_world_rabies_day_-_ikw.pdf

Aallanun atqtillugu una makpivia

Email address

Uqarumajarnik titirarlugu?

Quana uqaqvigijatin Nunavut Kavamanga

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.