Arnani Angutinilu Aajjikkiiktipkainikkut Havainiq September 20-26, 2020
Kavamatkunnin Tuhaqtitaujukhaq
Arnani Angutinilu Aajjikkiiktipkainikkut Havainiq September 20-26, 2020
Saptaipa 20-26 Arnani Angutinilu Aajjikkiiktipkainikkut Havainiq. Uumani ukiut qanurittuungutaa una “Ilingnun”, taamna ilitarijait quviahuutigijaillu havakpiaqpaktun akhuurhaijillu havaktun hivumuutiginikkut arnani angutinilu aajjikkiiktipkainikkut nunallaamingni.
Arnani angutinilu aajjikkiiktipkainikkut naunaitkutaujuq pijumaniit, ihariaginiit hivulliutijumajaillu tamarmik arnani angutini arnaruhini inuuhuktunilu ihumagijaujukhat, pihimajullu niamrijaarutinik pivallialiurnikkut pidjutikhamingnik ihumaliuqtaaqtullu kikliqarhimaittumik iliuraqhimajunik taimaittuuraanginnahugijaujuni ihumaliuriiqhimadjutininlu mighaagun arnani angutinilu havaarivaktainni.
Inulirijikkut Havagvia tadja ihivriuqhijuq tukhirutinik hivumuujaami havaktakhani talvuuna tamarmik ukunani Arnani Piniarhimadjutini Aittuutikhani ukunanilu Angutini Inuuhuktunilu Piniarhimadjutini Aittuutikhani.
Una Arnani Piniarhimadjutini Aittuutikhani piliuqpaktuq uuktuqvikhanik inungnun ukunungalu nunallaani-tunnganiqaqtuni pivigijauvingni pijaami maniliqtuutikhanik angikliharjuummirutikhat angummadjutikhanik ikajurutikkut arnanik arnaruhiniklu pinikkut ajuiqhimajakhanik qaffiujuni kituni imaatun hivulliuqtiunikkut, piangaijarnikkut ilikkuurutikhakkut uvanilu inmikkullu-hulijaarnikkut, akhuurhainikkullu inuuhiriknirnik pitquhikkullu qaujihimanirnik.
Havagvingmi Angutini Inuuhuktunilu Piniarhimadjutini Aittuutikhani ikajuqpaktait nunallaani-tunnganiqaqtut pinahuarutit havagutigivaktait angutit inuuhuktullu akhuurhainikkut aanniaqtailinikkut mamiharnikkullu. Hapkuat Piniarhimadjutit ikajuqpaktait angutit inuuhuktullu inuuhirnirmingni mamiharutimingnik ningarnirnin qaujiharutinginniklu qanuqtun nutqaqtittaaqtait ningarniit.
Ilaupkainiit angutinik inuuhuktuniklu taapkunani qaujiharnikkut havaktakhani hapkunani taapkunanilu aulahimmaaqtuni havagutini talvuuna Qulliit Nunavunmi Arnani Qanurinninginni (QNSWC) tunngavighaliurniaqtaa havakjuummirutikhakkut uumani arnani angutinilu aajjikkiiktipkainikkut uvanilu inuqatigiingnirni aallanguqtirutini Nunavunmi.
Qaritaujakkuurutikkut: https://www.qnsw.ca
Facebook: https://www.facebook.com/Qulliit
Twitter: https://twitter.com/QNSWC
Instagram: https://www.instagram.com/qulliit/
###
Tuhaqtipkainikkut Uqaqatigivikhaq:
Lucy Aqpik
Tuhaqtipkainikkut Ajuittuq
Inulirijikkut Havagvia
867-975-5207
@email