Piumajut Tukhirutikhanut: Nunavunmi Inungnit Hanauganut Uuktuutikhaq
Hunauva uuktuutkhaq
Nutaamik quviahuutikhat hanauyarnirmik Nunavummiut!
COVID-19 qalagjuarniq kiudjutikhat amigaittunik ayuqhautinginut Nunavummiut ilauyut amigaigyuumiyut ayuqhautauvaktutimaalu nallunaqtullu. Kiudjutikhanik ikayuqhimmaaqtakhavut hanauyaktivut.
Tapkuat Kavamatkut Nunavut – Havagviat Pivalliayuliqiyikkut Ingilrayuliqiyitkullupiyumayut uuktuutikhanik inungnit hanauyarnirmut. Hamna akiraqtuidjut havauhikhat.
Apiriyavut hanauyaqtit ihumaliuquplugit Inungnit hanauyarnikkut havaakhamik ihumagilugu pidjutiqaqtumik Inuuqatigiitsiarniq: Pittiarnirmik aallanun, inuuqatigiiknikkut uvalu piqpagiblugitlu inungnik, atauhiq itnguyunit Inuit Inuudjuhiini Atuqniqaqtut.
Uuktuutikhat takunnaqtukhat
- Qanuqtut pillahiniaqaqtigiik iniqtirlugillu aanniarutautitlugu tamna COVID-19 qalagjuarniq, maliglugillu tadja atuqquyauhuimayut COVID-19 qalagjuarniq aanniaqtailinikkut atuquyauyut
- Atuqtaunikhangat ihuatumik ikpingnarniq
- Iliuraqtauhimayukhamik imaaluuniit tadjakaffuk atuqtauykhamik
- Havaakhat iniqtauyukhat tikitpat March 31, 2021- ihuaqhiyuminaqtumik kinguliqpaamik iliurautikhanik ubluani hilaup piyuminaqqan nutqarvikhanik uumani September 30, 2021. Kinguliqpaamik unniudjutikhaq piyauyukhaq naatinagit 60 ublut iniqtiutnit havaakhap imaaluuniit uumani November 30, 2021, nalliak qanitqiyaukpat.
Ihuaqtumik tamaita havaakhat ihivriuqtauyangit ihuariakhainnik aadjikiiktumiklu, havaqatigngmit ihivriuqtauniq havauhikhat ihivriurniaqtait uuktuutikhat aturlugit hapkuat naunaitkutikhat:
- Hanaugat pimmaringningat numiktitirninga ihumagiyakhat: Inuuqatigiitsiarniq: Pittiaqtiq aalanun, inuuqatigiiknikkut uvalu piqpagiblugitlu inuit.
- Aadjikutaittuq uuktuutikhat Inungnit hanaugat iliurauidjutikhat imaaluuniit huliakhap (Qanuqtuurniq: Nutaanguqhimaluni unalu ikayuutauyuq.)
- Havaakhamik iligiiktut piqaqtut atuqpakhimayamingnik iniqtiutikhanik havaakhamingnik. (Pilimmaksarniq/Pijariuqsarniq: Pivallianiq ayuitaminik ukunuuna qun’ngiarniq, ikayurniq uqautigilugit, ayuiqhaqhimaarniq, unalu akhuurniq.)
- Pimmaringninga havauhikhanik
- Titiraqtauhimayut piyumaplutik imaalu ikayuqtikhat (Piliriqatigiinniq/Ikajuqtigiinniq: Havaqatigiingnikkut atauttikkut pinahuaramik.)
- Ihuarningat nayuugakhanik/humiittukhaq uuktuqquyauhimayuq
- Ihuarningat atuqtakhat huungilaittumik avatingani tamna uuktuqtauyumayuq
- Maniit atugakhat ihuarninga
Kitkut Uuktuqtaaqqat
- Hanauyaqtit ilagiiktukhallu (Anginikharmik $35,000)
- Hanauganuttimiqutauyut (Anginikharmik $35,000)
- Manikhaqhiungittunit timiuyunit
- Hamliuyut
UUktuutikhat Inuinnarnit aallanillu inmikkut naunaiqtauhimayut Nunaqaqqaaqtut inuit, Inuit Aallangayunik Uviniqaqtut imaalu naunaittiaqhimayut hanayaktit, hanaugaqtit timimikkut ayuqhautiqaqtut, arnat ukuallu LGBTQ2S+ uuktuqquyauyut.
Hamna maniliqtuutikhaq piliuqtauhimayut ikayuutikhanik hanauyaqtinut. Tamna hanauyaqti inuk piqaqtuq allangayunik ayuiqhattiakhimayuq (ilitquhikkut unalu/uvaluuniit iliharnikkut) imaatullu ihuaqtunik havakpakhimapluni hunaliurnirmik hanahimayaminik; akhuurutigivaktaa hanahimayaminut miqhurnikkutluuniit huliarivagaminut maniliurutigilluaqpakhugullu havaarayamitut ittugu inuuhimini; imatutlu, ilihimayauvakhuni nunaqatiminillu ayuittiaqhimayunit hanaugarivaktainik imatut “hanaugaqtiupluni”. Ukuat ilauyut, kihimi tahapkunginaungittut titiraqhimayut, atuqtuuyarnirmik aturnirmiklu, qun'ngialirnirmik, tuhaarnaqtitiyut atuqtut hulipkainirmiklu, takunnaqtut hanauyaqhimayut, taigualiurnirmik, aannuraliurnirmik aannuraniklu.
Hunaungmat tamainnut Inungnit hanauyat?
Inungnit hanaugat qanurittut hanaugat piliuqtauhumayut inikhani inungnit atuqtauyut takuyauyutluniit. Inungnit hanaugat ihuaqtumik nunaqaqtigiiktut katilvikhat, ikayuutikhat nunamingni ikpingnaqtumik imaalu mihingnautiqaqtuq ilaugiaqaqtunik, imaalu ikayuutikhanik inuuhiringnaqtumik inuuhikhanik nunaqatigiiktunut.
Naunaiyautikhanut ilauyut mingukhimayut iglup haniraani mingukhimayut hulinguaqtunik; angiyut hanaukkat; hilami iliurautikhangit; taimunga tadjakaffurluuniit qaritayakkut iliuraqtauhimayut nipiliuqhimayunik, qullirmik, qun'ngialiuqhimayut; qaritauyakkuuktumik numirnirmik, qun'ngiaqtitiyut huliplutik, ilitquhikkut ulapqidjutit imaaluuniit aallanik qun'ngiarnaqtunik imaaluuniit ilitquhikkut atuqhimayamngnik ilaupkaiyunik inungnik.
UUktuutikhat ilaqaqtukhaq nauyugakhanik hulipkaidjutikharnik takkunnarianginnik, iliuraqtaulutiklu qun'ngiaqtitivikharnik.
Hunanik hamna aittutikhaq akiliqhitauniaqqa?
- Hanaugaktit akiliqtakhainnik pidjutiqaqtut ubluqhiutikkut ublukhainnikluuniit aturnikhanik piliurnirmik ihumagiyarmik, qanuritutkhanik, pliurnirmik hanayaunikhanik hunamik; hapkuat akiliqtakhat angiyukhauyut ihuaqtumik akiliqhiyamik mikinikharmik inuudjutikhat akiliqtakhat qaffinut ublunut havakhutik havaakhamik (taimaittunik iglumut pidjutiqaqtunik akiliqtakhanut, niqikhanut, tuhapkaidjutikhanut, GST unalu taksiiyautinut)
- Uqaudjiyikhanut akiliqtakhat ayuittunut hanaugaktinut havaktut uqaudjiyiuplutik ayuiqhalihaqtunut hanaugaktinut
- Nunamingni ilaupkaidjutikhanik hulipkaidjutikhat nallaumayut tadja aanniaqtailinirmut atuquyauyunut pidjutiqaqtut qanurittuliurutikhanut piliurninganullu hanaugakhanik, nayugakhaniklu pukuktaudjutikhanut aallanikhavauhikhanik havaakhap
- Havaakhamik upalungauyautikhaliurnirmik munaqhinirmiklu, ilauyut qauyihaidjutikhat ihuaqtunik tamayakhanik imaaluqaritauyakkut ihuaqhautikhat hilami idjuhikahnik imaalu qaritauyakkut iliuraidjutikhanik, aulladjutikhainnik iliuraidjutikhanginnik, munaridjutikhanginnik hanaugat hanayauhimayunik, inungnut qayangnaitkutikhat
- Akiliqtakhat pidjutiqaqtut tuhapkaidjutikhanut hapkuat havaakhamik ilauyunutt (hivayautit, qaritauyakkut ikiakkuurutit akiliqtakhat)
- Piliurniq hanaugarnik miqhaniklu inunqarnirni nayugainni ilauyut
- Niuvvirlutik aturumanaqtunik hunavaluit, hanayakhanik atuqtakhainik hanalrutingniklu
- Akiqtakhangit hapkuat piliurutikhanik, havaktaujunun havauhikhanut
- Niurvirnirmik/aturninganut akiliqtuutit/hiring qaritauyakkut piliurutit atuqtakhat kivgaqtuidjutikhaniklu (e.g. nipiliurniq qun'ngialirnirmiklu ihuaqhainiq)
- Upalungaiyarniq nayuugakhanik iliurainiq inungnut qayangnaitkutikhat hivuuranaittumiinniq ihumagiplugit
- Titirarningit havauhikhanik piliurninganik inungnit hanauganik miqhaniklu (pimmarikpiaktunik piksaliuqhimajunik tainikhainiklu uqaqhimayut piksaliuktip piyumayanik kingulirmi piksami.)
Akikhaanik
- Mikiniqhaq ikayutikhat 5-tausitala.
- Anginikharmik ikayutikhat $35,000
Hanauyaqtit ikayuriaqaqtut mikiniqhamik 10%-mik havaam akituniganit manikhautauyumit. Tamaita aalat uuktuqtuut ikayuriaqaqtut mikiniqhamik 20%-mik akituniginik kituliqaa hulijutip manikhautauhimayuup. Una ilaqalaaqtuq ajikutainik ikayutikhanik maniinaqmikluniit.
Uuktuutit nutqarvikhaa
Pinarirlutik uuktuutit nutqarvikhaa: Hivulliq, August 17 ubluqhiut 10 am (Eastern Daylight Time)
Kingulirmik uuktuutit nutqarvikhaa: Aippiut, September 1 ubluqhiut 10 am (Eastern Daylight Time)
Humiinniaqqa havaakhat
Naliinni nunani tamaat Nunavunmi
Qanuqtut piliurniaqqiuk tukhiutikhat
- Ihumaliurlutit qanurittumik piyumayakharnik Inungnit hanaugat havaakhamik piyumayarnik nunangani.
- Uqarvigilugit inuit hamaltkuni, ilitquhikkut havagviuyut imaaluuniit nunangni havagviuyut, uqaqutigilugit humi nayugakhangit hailiyunaqhiyut ihumagiyarnut. Apiqhilutit titiraqquyilutit talvaniitquyigumi piyumadjutimik nanminiqaqtumit.
- Ihumaliurutit kinatkut ilauyumayakhainnik havaakhat aullaqtiriangani.
- Titirarlugu uuktuutikhaq titiraqtakhaq uqattiarlugu havaakhat imaalu havaakhami iligiiktukhat havaqatigiiktukhat.
- Ihumaliurutit qanuqtut havauhat akitutilaaqarniaqqa piliuriamik imaalut titirarlugit maniit atugakhat titirarvikhamik.
- Ikayuqtiqarlugit ikayuqtikhailiuruvit apiqqutikhaqaruvitluuniit.
Qanuqtun uuktuqtukhaq
Piqaqtukhaq naunaitkutikhamik maliktakhaniklu titiraqhimayumik
- Iniqhimayumik uuktuutikhaanut titiraqtakhamik
- Iniqhimayumik havaakhamut maniit atuqtakhat titiraqtakhamik
- CV hapkuninga hanaugaktit, uqaudjiyi ikayuqti imaalu havaakhamut atan'nguyaq, piyuminaqqan, ilaliutilugit havaakhamut ayuiqharvikhat, kinguagut qun'ngiaqtitauhimayut, aittuhiat imaalu pidjutiqaqtut atuqhimayatit (anginiqhaq 2 makpiraak atauhirmit havaqatigiiktunit ilauyumit)
- Naunaitkutingit: 5 - 8 pimmariqpiaktut piksat kinguagut hanaugat hivullirmit hanaugaliuqtimit uqaudjiyimitluuniit – tuyurlutik jpeg piksanik qaritauyakkut (atauhiq jpeg mikiyukhaq umanga 2 mb) tunihilutik turaarvikhanik link qaritaujakkut naunaitkutingnut
- Titiraqhimayumik piyumayumit nanminiqaqtumit nayugakhanik uuktuutimik
- Titiraqhimayumik ikayurumayumit takkunaqtumik nunagani ilauyumayut – tilauttaaqtut hanaugaktit, uqaudjiyit, maniliurahuangittut timiqutauyut, havagviuyut, hamlatkut
Hunanik ihumaliurutikhanik piyumayanik nayugakhanik munaqhidjutikhaniklu iliuraidjutikhanik
- Nayugakhaa piyumayat igluqpaup iluaniitpat himaliitpatluuniit, nahuriyauyut inungnit takuyaulayut takuurilutiklu hanaukkanik qayangnaittumiklu.
- Nunavut Kavamanga akiliqhivaktut piliurninganik havaktauninganiklu inungnit hanaukanik kihimik piutigingittat munairingitallu nayugakhaat takunnaqtut,
- Nanminiqaqtuq nayugakhanik humi inungnit hanaugat iliuraqtauvikhat/takunnaqtut/qun'ngiarvikhatmunariyauyukhaq iliurautikhanik, munariyaudjutikhanik munarilugillu inungnit qayangnaitkutikhainnik ihumaluutauyunik. Ilaliutiyakhatit titiraqhimayut piyumayumit tukhiutikharnut. Tuniyauguvit manikharnik, nayugakharnik inikhidjavutit anginiqaqtuq hivulliqpamik havaakhamut.
- Hanaugaktit pilaarutiqaqtut nayugakhanik pilaarutinganik havaktamingnik. Niuvrutiqainariaqaqtut piksainnik aadjikkutainiklu havakhimayamingnik ihuarigumikik.
Qanuqtut maniliqtuutikhat ihumaliuruitauhimava?
Hamna akiraqtuidjut havauhikhat. Piyariaqaqtuik pitquyauhimajyut naunaiqtauhimayut titiqiqiyimit uuktuutikhamik. Tamaita angiqtauhimayut tukhirautit ihuaqtut piyariaqaqtuik pitquyauhimajyut ihivriuqtauniaqtut nalaktinit pittiariyauyunit hanaugaktinit.
Qanuq hivituniaqqa ihumaliurutiffingnut?
Inirnianahugiyugut ihivriuqtauhimayumik havaiihkhanik imaalu tuhaqtitlugillu angiqtauhimayut havaakhat tikitinnagu pingahuni 3 havainirni uuktuutikhat nutqarvikhanit.
Hamaniitugut Ikayugiaffingnik
Naunaiqhittiarumaguvit, ikayuqtikhamingnik titirauhikhanik uuktuutikharnik imaaluuniit tuyuutigiyumagungni uuktuutikhat, uqarvigilugu tamna Christopher Gerlach, Uqaudjiyi, Aquinikkut Hulipkaidjutikhanut Tutqiqhaiyi talvanu (867) 975-7804 qartauyakkut titirarvigilugu @email uqaqatigilugilluuniit Havagviat Pivalliajuliqijikkut Ingilrajuliqijitkullu avikturnianni Hanauyarnikkut Uqaudjiyit (takulugu ataani uqarvikhatit) takulugu nunangni Pivalliajuliqijikkut Ingilrajuliqijitkullu Havakti.
Avikturnia Hanauyakkut Uqaudjiyit:
- Theresie Tungilik Kivallirmi: (867) 645-8454; @email
- Natalja Westwood Kitikmeoni: (867) 982-7456; @email
- Jeremy Arreak Tununnga Qikiqtaaluk: (867) 899-7345; @email
- Jeannie Metuq Hivuraa Qikiqtaaluk: (867) 473-2675; @email
Aadjiliurlugu tamna uuktuutikhanut titiraqtakhaq hamani.