Pidjutauniarunaqhiyuq Tiibiiqhimayumut Qaniglihimayut Arviani Nutaqqiqivianni
Inungnun Aanniaqtailinikkut Tuhaqtitauyukhaq
Pidjutauniarunaqhiyuq Tiibiiqhimayumut Qaniglihimayut Arviani Nutaqqiqivianni
Atanilluaq Nunalaani Aanniaqtailinikkut Havaktimi uqaudjiyut nunaqaqtunik Arviani taimaatut nutaqqat munariyauvaktut nutaqqiqivianni qaniklihimayunaqhiyut aanniarutiqaqtumut tiibiirnirmik TB tiibiikhimayumut nutaqqiqivingmi. Havaktit nutaqqallu talvaniitpakhimayut nutaqqiqivingmi ihivriuqtauyukhat tiibiirnirmik.
Tamna TB Tiibiirnirmik ihivriuqtaudjut tukiqaqtuq taimaatut inuk hannianiitpakhimayuq ikiarmik aannikhaaqtakhimayumik inungmit aanniarutiqaqtumik tiibiiqaqtumik TB. TB itiqpaktuq timimut inungmit aannikhaaqqangami qupilrumik, pidjutaupluni ahiit hiniktutut ittuik tiibiirmik TB. Qipilrut timianiittunaqhiyut, kihimi aanniarutaungittut imaaluuniit hiamitirlutik aallanut inungnut. Tamna hiniktutut ittuq tiibiirniq TB havautitungitkumik, imaatut aanniarutingqtaaktuq TB. Hivituyumik imaaluuniit qanikliqattaqhimayuq inungmut aanniarutingqtaaktumut TB amigaigyuuminiaqtat qayangnarnia aanniarutimik.
Nutaqqiqivingmi havaktit nutaqqallu upautivaktut nutaqqiqivingmi ihivriuqtauhimaittut huli TB tiibiirnirmik uqaudjauyut hivayaquyauyut munaqhitkunut. Naunaitkutikhangit aanniarutiqaqtumik TB ilauyut:
• qallakhuqtunik aulavallagumik pingahunik havainirmik.
• unaguhuinaliqtunik.
• niriyumayungnailaqiyuq.
• kiidjakpaktuq imaaluuniit unnuami aumaalakpiakpaktuq.
Kinaliqaak mihingnautiqaqtuq munaqhiliaqtukhaq qilamiurluni. TB tiibiirniq aanniarut nakuuhiyaullayuq aullagakhaittumik nunaminit. Apiqhuutiqaruffi uqaqvigilugit havagviit munaqhitkut.
###
Tuhaqtidjutikhanun Uqarvikhaq:
Chris Puglia
Atan'ngujaullaktuq Tuhaqtipkainikkut
Aanniaqtailinikkut Havagvia
867-975-5949
@email