ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᒪᐃ 21, 2020
ᓯᕗᓕᖅᑎᒥᑦ ᑐᓴᒐᒃᓴᖅ:
ᐅᓐᓄᒃᓴᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ.
ᐅᓪᓗᒥ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ 972-ᖑᓕᖅᑐᑦ. 223 ᒫᓐᓇ ᖃᐅᔨᓴᖅᑕᐅᔪᑦ.
ᐅᓪᓗᒥ ᓇᓗᓇᐃᖅᓯᔪᒪᖅᑲᐅᒐᓗᐊᖅᐳᒍᑦ ᒪᑐᐃᖅᐸᓪᓕᐊᒃᑲᓐᓂᕐᓂᐊᓕᕐᓂᕐᒧᑦ ᐊᑐᕐᓂᐊᓕᕐᒥᔭᑦᑎᓐᓂᒃ ᐊᔪᕐᓇᕈᓐᓃᖅᑎᑦᑎᕚᓪᓕᕐᓗᑕᐊᔪᕐᓇᖅᑎᑦᑎᔪᓂᒃ ᐊᑐᖅᑕᐅᔭᕆᐊᓕᖕᓂᒡᓗ, ᑭᓯᐊᓂᓗ ᓱᓕ ᑭᖑᓪᓕᖅᐹᖅᓯᐅᑎᒃᓴᓂᒃ ᐃᓚᖏᑕ ᐋᖅᑭᒃᓱᐃᕙᓪᓕᐊᕗᒍᑦ, ᓇᓗᙱᑦᑎᐊᕈᒪᓂᕐᒧᑦ ᓄᓇᕗᒻᒥᐅᒃ ᖁᐊᖅᓵᕐᓇᖅᑐᒦᙱᒃᑲᓗᐊᕐᒪᖔᑕ ᖃᓄᐃᙱᑦᑎᐊᕈᓗᐊᕐᒪᖔᑕᓗ. ᑕᒪᓐᓇ ᑕᒻᒪᖅᑕᕐᕕᐅᙱᑦᑎᐊᕐᓗᓂ ᐱᓕᕆᐊᖑᔭᕆᐊᖃᕐᒪᑦ, ᓇᓗᙱᑦᑎᐊᕈᒪᓂᕐᒧᑦ ᐱᕙᒌᔭᖅᓯᒪᔭᕗᑦ ᑲᔪᓯᓂᖃᑦᑎᐊᕐᓂᐊᕐᓂᖏᓐᓂᒃ ᐊᑐᕈᓐᓇᕐᓗᑎᒡᓗ ᓄᓇᕗᒻᒥ, ᓄᓇᕗᒻᒥᐅᓄᑦ.
ᖁᔭᓐᓇᒦᖑᔪᓯ ᐅᑕᖅᑭᔪᓐᓇᑦᑎᐊᖃᑦᑕᕋᔅᓯ ᑕᒪᑐᒥᖓ ᐱᒻᒪᕆᐊᓗᖕᒥᒃ ᐱᓕᕆᐊᒃᓴᒥᒃ ᐱᔭᕇᖅᓯᕙᓪᓕᐊᑎᓪᓗᑕ. ᑐᕌᕆᔭᕗᑦ ᑕᒪᓐᓇ ᑭᒃᑯᑐᐃᓐᓇᓄᑦ ᑕᑯᔭᐅᔪᓐᓇᖅᓯᓛᖁᓪᓗᒍ ᐱᓇᓱᐊᕈᓯᐅᓂᐊᖅᑐᖅ ᐱᒋᐊᓕᕐᒥᒃᐸᑦ.
ᐱᔭᕇᓕᖅᑎᓪᓗᖓ, ᓇᓗᓇᐃᖅᓯᔪᒪᕗᖓ ᑭᐱᙳᓇᕐᓂᕐᒥᒃ ᑕᖃᓇᕐᓂᕐᒥᒡᓗ ᑕᒪᑦᑕ ᐃᒃᐱᒋᔭᖃᕐᓂᑦᑎᓐᓂᒃ. ᓄᕙᒡᔪᐊᕐᓇᖅ-19−ᒧᑦ ᑕᖃᓂᖅ ᐱᓪᓚᑦᑖᖑᕗᖅ. ᑭᓯᐊᓂ ᑕᒪᓐᓇ ᑐᑭᖃᙱᓚᖅ ᐃᒪᓐᓇ, ᐅᔾᔨᖅᓱᙱᓐᓂᖅᓴᐅᓕᕐᓗᑕ ᐊᒃᓱᕈᙱᓐᓂᖅᓴᐅᓕᕐᓗᑕᓘᓐᓃᑦ ᐱᐅᔪᓄᑦ ᐱᓕᕆᐊᕆᓕᒫᖅᓯᒪᔭᑦᑎᓐᓄᑦ. ᐃᒪᓐᓇᒻᒪᕆᐅᖕᒪᑦ, ᓄᓇᕗᒻᒥᐅᑦ ᐊᑐᖅᑕᖏᑦ ᑕᑯᑎᑦᑎᕗᑦ ᐅᔾᔨᖅᓱᐃᓐᓇᕐᓂᖅ ᑲᔪᓯᓂᖃᓪᓚᕆᑦᑎᐊᕐᒪᑦ!
ᑕᖃᓂᖅ ᑭᐱᙳᒋᔭᖃᕐᓂᕐᓘᓐᓃᑦ ᐃᒪᓐᓇ ᑐᑭᖃᙱᓚᖅ, ᑕᒪᓐᓇ ᐋᓐᓂᐊᕐᓇᖅ ᓇᒧᙵᕈᓘᔭᖅᓯᒪᔪᖅ ᓄᖅᑲᕐᓂᖓᓂᒃ, ᐅᕝᕙᓘᓐᓃᑦ ᐊᒃᓱᕈᙱᓐᓂᖅᓴᐅᔭᕆᐊᖃᓕᕐᓂᑦᑎᓐᓂᒃ. ᐱᓕᕆᐊᖃᒃᑲᓐᓂᓪᓚᕆᒍᒪᕗᖓ ᐊᒃᓱᕈᕐᓗᖓ ᐱᓕᕆᐊᖃᕐᓂᐊᕐᓂᕐᒥᒃ ᓴᙲᓐᓇᕐᓂᐊᕐᓂᕐᒥᒡᓗ. ᑕᒪᑦᑕ ᑕᐃᒪᐃᓕᐅᕆᐊᖃᖅᐳᒍᑦ ᐊᑕᐅᑦᑎᒃᑯᑦ ᓄᓇᓕᒋᔭᕗᑦ ᖁᐊᖅᓵᕐᓇᖅᑐᒦᖁᓇᒋᑦ. ᑕᒪᑦᑕ ᐊᑐᓂᑦ ᓇᐅᑦᑎᖅᓱᖃᑦᑕᐅᑎᓚᐅᖅᑕ ᑲᒪᒋᖃᑦᑕᐅᑎᑦᑎᐊᕐᓗᑕᓗ ᐅᕙᑦᑎᓐᓂᒃ.
ᓇᒡᒐᔾᔭᒥ 11−ᒧᐊᖅᐸᑦ ᐅᓪᓛᒃᑯᑦ ᐅᑎᓛᕐᒥᔪᒍᑦ ᓄᑖᙳᕆᐊᖅᓯᒪᓕᕐᒥᔪᓂᒃ ᑐᓴᖅᑎᑦᑎᓕᕐᒥᓗᑕ. ᐱᓇᓱᐊᕈᓯᐅᑉ ᓄᙳᐊᓂ ᓄᖅᑲᖓᑦᑎᐊᕐᓂᐊᖅᐳᓯ.
ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ
ᐅᓐᓄᒃᓴᒃᑯᑦ. ᖁᕕᐊᓱᒃᐳᖓ ᐅᓪᓗᒥ ᖃᔅᓯᑲᓪᓚᖕᓂᒃ ᐅᖃᐅᓯᖃᕈᓐᓇᕐᓂᐊᕋᒪ. ᓯᕗᓪᓕᖅᐹᖅ ᐅᓇᐅᕗᖅ, ᑲᖏᖅᖠᓂᕐᒥᐅᑦ ᐊᔪᕈᓐᓃᖅᐳᑦ ᖃᐅᔨᓴᖅᓯᑦᑎᐊᕆᐊᒃᓴᖅ ᑕᐃᒪᐃᑦᑐᖃᕐᓂᕋᐃᔪᒥᒃ ᓇᓗᓇᖅᐃᖅᓯᓪᓚᕆᒃᑐᖃᖅᐸᑦᑕᒫᓂ ᐅᑭᐅᖅᑕᖅᑐᒥ ᑕᐃᒪᐃᑦᑐᖅᑕᖃᕐᓂᖓᓂᒃ. ᐱᒃᑯᒋᔪᒪᕙᒃᑲ ᐃᓗᐊᖅᓴᐃᓂᕐᒧᑦ ᖃᐅᔨᓴᖅᓯᓂᕐᒧᓪᓗ ᐃᖅᑲᓇᐃᔭᖅᑎᒋᔭᐅᔪᑦ, ᐱᓗᐊᙳᐊᖅᖢᓂ ᐅᓇ, ᒫᑦ ᓯᑕᐃᓯ ᐊᒻᒪᓗ ᐅᓇ, ᓘᒃᑖᖅ ᔮᔅᒥᓐ ᐸᕙ, ᑕᖃᔪᐃᑦᑑᖅᑰᔨᓪᓗᑎᒃ ᐱᓕᕆᖃᑦᑕᖅᓯᒪᓂᖏᓐᓂᒃ ᖃᐅᔨᒪᓕᕈᒪᓪᓗᑎᒃ ᐆᒥᖓ, GeneXpert ᐱᓕᕆᔪᓐᓇᐅᑎᒥᒃ, ᓇᓗᙱᑦᑎᐊᕈᒪᓂᕐᒧᓪᓗ ᐊᐅᓚᐅᔪᓐᓇᕋᓗᐊᕐᒪᖔᑦ ᖁᐊᖅᓵᕐᓇᙱᓪᓗᓂ, ᑲᔪᓯᓂᖃᑦᑎᐊᕈᓐᓇᕐᓗᓂ, ᑕᒻᒪᖅᑕᙱᑦᑎᐊᕐᓗᓂᓗ. ᑖᔅᓱᒥᖓ ᐱᓕᕆᔪᓐᓇᐅᑎᒥᒃ ᐋᖅᑭᒃᓱᐃᓂᖅ ᑲᔪᓯᑎᑦᑎᓕᕐᓂᕐᓗ ᐊᖏᔪᑲᓪᓚᐅᓪᓗᓂ ᑲᔪᓯᒋᐊᕐᓂᕆᔭᐅᒋᕗᖅ ᓄᓇᕗᒻᒥᐅᓄᑦ, ᑕᒪᓐᓇ ᓲᖃᐃᒻᒪ ᑲᔪᓯᑎᑦᑎᓕᕐᒪᑦ ᐱᓕᕆᐊᕆᔭᕆᐊᖃᖅᓯᒪᔭᑦᑎᓐᓂᒃ ᐱᓂᕐᒥᒃ ᐊᑐᖅᑕᐅᑦᑎᐊᕈᓐᓇᖅᑐᒥᒃ ᑲᔪᓯᓂᖃᑦᑎᐊᕈᓐᓇᖅᑐᒥᒡᓗ ᑕᒫᓂᑦᑕᐃᓐᓇᖅ ᑎᒥᒃᑯᑦ ᖃᐅᔨᓴᖅᓯᓂᒥᒃ ᐊᔪᙱᓐᓂᖃᕐᓂᕐᒥᒃ. ᐃᓚᓕᐅᑎᒍᓂ ᓱᓕᔪᒧᑦ ᓱᓕ ᒫᓐᓇᒧᑦ ᑎᑭᖦᖢᒍ ᑕᐃᒪᐃᓪᓚᕆᖕᓂᕋᖅᑕᐅᔪᓂᒃ ᓄᕙᒡᔪᐊᕐᓇᖅ-19−ᖃᖅᑐᓂᒃ ᐱᑕᖃᓚᐅᙱᒻᒪᑦ ᑕᒫᓂ ᐊᕕᒃᓯᒪᓂᑦᑎᓐᓂ ᐅᑭᐅᖅᑕᖅᑐᒥ, ᑕᐃᒪᓕ ᑎᑭᐅᑎᓯᒪᓕᖅᐳᒍᑦ ᒪᕐᕉᖕᓄᑦ ᐱᖓᓲᑎᓪᓗᒋᑦ ᖃᓄᐃᓕᖓᔭᕆᐊᖃᕐᓂᑦᑎᓐᓄᑦ. ᖃᓄᐃᓕᖓᓂᕆᔭᐅᔪᖅ ᖃᓪᓗᓈᓂ ᑲᓇᑕᒥ ᖃᓄᐃᓕᕙᓪᓕᐊᓂᕆᔭᑦᑎᓐᓂᒃ ᐊᒃᑐᐊᖃᑦᑕᐃᓐᓇᕐᓂᐊᖅᑎᓪᓗᒍ ᑲᓄᐃᓕᕙᓪᓕᐊᓂᕆᔭᑦᑎᓐᓄᑦᓯᕗᒻᒧᐊᖅᐸᓪᓕᐊᓂᕆᔭᑦᑎᓐᓂ, ᐱᐅᓂᖅᓴᒥ ᐃᓂᒦᓕᖅᐳᒍᑦ ᐃᓱᒪᒃᓴᖅᓯᐅᕈᑎᖃᕋᔭᕐᓂᕐᒥᒃᒥᑭᒡᓕᒋᐊᖅᑎᑦᑎᓂᕐᒥᒃ ᐃᓚᖏᓐᓂᒃ ᐊᔪᓕᖅᑎᑦᑎᓯᒪᔪᓂᒃ ᑕᒫᓂ ᐅᑭᐅᖅᑕᖅᑐᒥ.
ᐊᓯᐊᓂᒃᑕᐅᖅ ᑐᓴᒐᒃᓴᒥᒃ ᑐᓴᖅᑎᑦᑎᒃᑲᓐᓂᕈᒪᒋᕗᖓ. ᓯᕗᒻᒧᑦ, ᕿᑎᕐᒥᐅᑦ ᐋᓐᓂᐊᕕᓕᐊᖅᓯᒪᔪᑦ ᑲᒪᒋᔭᐅᓪᓗᑎᒃ ᔭᓗᓇᐃᒥ ᐊᑐᕆᐊᖃᖃᑦᑕᔾᔮᔪᓐᓃᖅᑐᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᓕᒪᔭᕆᐊᖃᕐᓂᕐᒥᒃ, ᑭᓯᐊᓂᓕ ᐊᔪᖅᑎᑕᐅᖃᑦᑕᔾᔮᔪᓐᓃᖅᑐᑦ ᐊᖏᕐᕋᖅᑎᑕᐅᑲᐅᑎᒋᔪᓐᓇᖅᐸᒡᓗᑎᒃ. ᑕᒪᓐᓇ ᐋᖅᑭᒃᑕᐅᔪᖅ ᐋᖅᑭᒃᑕᐅᓯᒪᕗᖅ ᐅᖃᖃᑎᒋᔭᐅᓯᒪᓪᓗᑎᒃ ᓄᓇᑦᓯᐊᕐᒥᐅᑦ ᐊᑐᕐᓂᐊᖅᖢᓂᓗ ᐱᑕᖃᙱᓐᓂᖓᓄᑦ ᐱᖃᓪᓚᑦᑖᕐᓂᕋᖅᑕᐅᓯᒪᔪᓂᒃ ᓄᕙᒡᔪᐊᕐᓇᖅ-19−ᒥᒃ ᓄᓇᑦᓯᐊᒥ. ᐅᔾᔨᕈᓱᒃᑐᖃᕐᓕ ᑕᒪᓐᓇ ᐆᓐᓂᐊᕕᓕᐊᖅᓯᒪᔪᓄᑐᐊᖅ ᐊᐅᓪᓚᖅᓯᒪᔪᓄᑦ ᑐᕌᖓᓂᖓᓄᑦ, ᐊᒻᒪᓗ ᑲᒪᒋᔭᐅᓂᖏᑦ ᑭᓯᐊᓂ ᔭᓗᓇᐃᒥᑐᐃᓐᓇᐅᒃᐸᑦ. ᑭᓇᑐᐃᓐᓇᖅ ᐋᓐᓂᐊᕕᓕᐊᖅᓯᒪᔪᖅ ᐊᐅᓪᓚᖅᓯᒪᔪᖅ ᐊᐅᓪᓚᕆᐊᓕᒃ ᓄᓇᑦᓯᐊᒥᑦ ᑲᒪᒋᔭᐅᔭᖅᑐᕐᓗᓂ ᐊᓯᖏᓐᓂ ᓄᓇᓕᐸᐅᔭᕐᓂ ᑲᓇᑕᒥ ᓱᓕ ᐊᑐᕆᐊᖃᕐᓂᐊᖅᑐᖅ ᐃᔭᕇᕐᓗᒍᓗ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓗᑎᒃ. ᑕᒪᐃᓐᓄᑦᑎᐊᖅ ᐋᓐᓂᐊᕕᓕᐊᖅᓯᒪᔪᓄᑦ ᑖᓐᓇᑦᑕᐅᖅ ᓄᑖᖅ ᒪᓕᒋᐊᓕᒃ ᐊᑐᕐᓂᖓᓄᑦ ᑕᐃᒃᑯᓄᖓ ᒫᓐᓇ ᐅᐸᒃᑕᐅᑦᑕᐃᓕᒪᔪᒦᑦᑐᓄᑦ, ᐱᓕᕆᕗᒍᑦ ᐊᖏᕐᕋᖅᑎᑦᑐᒪᓪᓗᓯ ᐊᔪᕐᓇᕈᓐᓃᑐᐊᖅᐸᑦ.
ᑕᐃᒪᐃᖏᓐᓇᐅᔭᖅᑐᑎᑐᑦ, ᑐᕌᕆᓪᓗᐊᑕᖅᑕᕗᑦ ᖁᐊᖅᓵᓇᖅᑕᐃᓕᒪᓂᖅ, ᖃᓄᐃᙱᑦᑎᐊᖅᑎᑦᑎᓂᖅ ᖃᓄᐃᙱᑎᑦᑎᓂᕐᓗ ᓄᓇᕗᒻᒥᐅᓂᒃ. ᑕᒪᔅᓯᑦᑎᐊᖅ ᖁᔭᒋᔪᒪᕙᔅᓯ ᐅᑕᖅᑭᔪᓐᓇᑦᑎᐊᖃᑦᑕᕋᔅᓯ, ᑐᑭᓯᐅᒪᒐᔅᓯ ᐃᑲᔪᖅᑐᐃᖃᑦᑕᕋᔅᓯᓗ, ᑲᔪᓰᓐᓇᖅᖢᑕ ᑲᒪᒋᔭᖃᖃᑦᑕᕐᓂᑦᑎᓐᓂᒃ ᐃᓚᑦᑎᓐᓂᒃ ᓄᓇᓕᑦᑎᓐᓂᒡᓗ.
ᐃᓚᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᕗᑦ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ
ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᕈᓂ ᐊᐴᑎᓯᒪᓚᐅᕋᓱᒋᓗᓂ ᓄᕙᒡᔪᐊᕐᓇᖅ-19−ᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-888-975-8601 10−ᒥᑦ ᐅᓪᓛᒃᑯᑦ 6−ᓗ ᐅᓐᓄᒃᑯᑦ ᐊᑯᓐᓂᖓᓂ, ᐅᕝᕙᓘᓐᓃᑦ ᖃᐅᔨᑎᑲᐅᑎᒋᓗᒋᑦ ᓄᓇᓕᖕᓂ ᐋᓐᓂᐊᕕᖓᑦ, ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᑎᓪᓗ ᐊᖏᕐᕋᖅᓯᒪᓗᑎᓪᓗ ᐅᓪᓗᓄᑦ 14-ᓄᑦ.
ᑭᓇᑐᐃᓐᓇᑦᑎᐊᖅ ᖃᕆᑕᐅᔭᒃᑰᕈᓐᓇᐅᑎᖃᖅᑐᖅ ᐱᓕᕆᔪᓐᓇᕆᕗᖅ ᐃᑭᐊᖅᑭᕕᒃᑯᑦ ᓇᖕᒥᓂᖅ−ᖃᐅᔨᓴᕈᒪᔪᑦ ᐅᕙᓂ, nu.thrive.health
ᐅᓄᕐᓂᖏᑦ
|
ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓃᑦ) |
|
|
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ |
ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᒪᐃ 21-ᒥᑦ ᐱᒋᐊᖅᖢᓂ |
|
ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᑦ |
190 |
|
ᐃᓄᓕᒫᑦ |
86 |
|
ᐃᓕᓐᓂᐊᖅᑏᑦ |
0 |
|
ᑲᑎᖦᖢᒋᑦ |
276 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:
|
ᐊᐅᓪᓚᕐᕕᒃᓴᖓᑕ ᐅᓪᓗᐊ |
ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ |
|
ᒪᐃ 21 |
39 |
|
ᒪᐃ 22 |
13 |
|
ᒪᐃ 23 |
14 |
|
ᒪᐃ 24 |
6 |
|
ᒪᐃ 25 |
31 |
ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ
ᒪᐃ 21−ᒥ ᐱᒋᐊᖅᖢᓂ, 1080−ᓂᒃ ᑐᒃᓯᕋᖅᓯᒪᔪᖃᖅᐳᖅ, 838−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃᑐᒃᓯᕋᕈᑕᐅᔪᑦ.
|
ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ |
# |
% |
|
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᖕᓂᑦ ᐱᒻᒪᕆᐅᓗᐊᙱᑦᑐᓂᒡᓗ) |
916 |
84.8% |
|
ᐊᖏᕐᑕᐅᙱᑦᑐᑦ |
122 |
11.3% |
|
ᐅᑕᖅᑭᔪᑦ |
48 |
3.9% |
|
ᑲᑎᖦᖢᒋᑦ |
1080 |
100% |
ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐸᒡᓗᒋᑦ ᐊᓪᓕᕋᐃᓪᓗ, ᐃᓅᖃᑎᑦᑎᓐᓂ ᖃᓂᒃᓴᓗᐊᖅᑕᐃᓕᒪᕙᒡᓗᑕ, ᓈᓚᒃᐸᒡᓗᑕᓗ ᐋᓐᓂᐊᕐᕕᖕᒥ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.