ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᖓᑕ ᓄᑖᙳᕆᐊᖅᑎᑕᖏᑦ - ᒪᐃ 4, 2020
ᒪᐃ 4, 2020
ᓯᕗᓕᖅᑎᒥᑦ ᑐᓴᒐᒃᓴᖅ:
ᐅᓐᓄᒃᓴᒃᑯᑦ. ᐅᖃᐅᓯᖃᓚᐅᖅᑎᓪᓗᑕ, ᑕᐃᒪᐃᑦᑐᖃᓪᓚᕆᒃᑐᓂᒃ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ ᐱᑕᖃᙱᓚᖅ. ᐱᓇᓱᐊᕈᓯᐅᓵᖅᑐᒥ ᖃᐅᔨᔭᐅᔪᖅ ᓱᓕᙱᖦᖢᓂ ᑕᐃᒪᐃᓐᓂᕋᐃᓚᐅᕐᒪᑦ.
ᖃᔨᒪᑦᑎᐊᖅᐳᖓ ᐊᒥᓱᒻᒪᕇᑦ ᐃᓄᐃᑦ ᖃᓱᕚᓪᓕᖅᑐᒻᒪᕆᐅᓂᖏᓐᓂᒃ, ᑕᐃᓐᓇᓗ ᐃᓄᒃ ᐱᓗᐊᙳᐊᖅᖢᓂ, ᐃᓚᖏᑦ, ᒥᑦᑎᒪᑕᓕᖕᒥᐅᓪᓗ. ᐊᐱᕆᓂᐊᖅᐸᕋ ᓘᒃᑖᖅ ᐹᑐᓴᓐ ᐅᖃᖁᒍ ᖃᓄᖅ ᖃᐅᔨᒪᓕᓚᐅᕐᒪᖔᕐᒥᓂ ᐱᓕᕆᖃᑎᒋᔭᖏᓪᓗ ᑖᓐᓇ ᓱᓕᙱᖦᖢᓂ ᑕᐃᒪᐃᓐᓂᕋᐃᓂᖓᓂᒃ, ᖃᓄᐃᑦᑐᒥᒡᓗ ᐊᑐᖅᑕᐅᔪᓐᓇᖅᑐᒥᒃ ᐊᑐᓚᐅᕐᒪᖔᑕ ᑕᒪᓐᓇ ᑕᐃᒪᐃᙱᓐᓂᖓᓂᒃ ᖃᐅᔨᔪᒪᓪᓗᒍ.
ᐅᓪᓗᒥ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ 703-ᖑᓕᖅᑐᑦ. 266 ᒫᓐᓇ ᖃᐅᔨᓴᖅᑕᐅᔪᑦ, 437−ᓗ ᐃᓄᐃᑦ ᖃᐅᔨᓴᖅᑕᐅᔪᓐᓃᖅᖢᑎᒃ.
ᐅᖃᐅᓯᕆᓚᐅᖅᑎᓪᓗᒍ ᑕᒪᓐᓇ ᐱᓇᓱᐊᕈᓯᐅᓵᖅᑐᒥ, ᑭᓇᑐᐃᓐᓇᑦᑎᐊᖅ ᓄᓇᕗᒻᒥᐅᑕᖅ ᐃᓱᒪᖅᓱᕐᓗᓂ ᐊᐅᓪᓚᖅᑐᕕᓂᖅ ᑕᒫᙵᑦ ᐊᕕᒃᓯᒪᓂᑦᑎᓐᓂᑦ ᒪᐃ 7 ᐊᓂᒍᐊᓪᓚᓚᐅᖅᑐᖅᑎᓪᓗᒍ, ᐅᑎᕈᒪᓕᕐᓗᓂᓗ, ᐊᑭᓖᔭᕆᐊᖃᕋᔭᖅᑐᖅ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐅᓕᒪᕝᕕᒋᔭᒥᓄᑦ, ᑭᓯᐊᓂ ᑕᒪᒃᑯᐊ ᐊᐅᓪᓚᖅᐸᒃᑐᓄᑦ ᓄᖅᑲᖓᑎᑦᑎᔾᔪᑎᒋᔭᕗᑦ ᐊᑐᕈᓐᓃᖅᑎᑕᐅᒃᐸᑕ. ᐋᓐᓂᐊᕕᓕᐊᖅᓯᒪᔪᑦ ᓂᕆᐅᒋᔭᐅᕝᕕᐅᔾᔮᙱᑦᑐᑦ ᐊᑭᓖᓇᔭᕐᓂᖏᓐᓂᒃ.
ᓄᕙᒡᔪᐊᕐᓇᖅ-19 ᑭᓱᕈᓘᔭᑲᓴᑦᑎᐊᒻᒪᕆᖕᓂᒃ ᐊᓯᔾᔨᖅᑎᕆᓯᒪᓕᕐᒪᑦ, ᐅᓪᓗᒥᓗ ᐅᓪᓗᐃᑦ ᐊᑐᖅᑕᕗᑦ ᓇᓗᓈᕿᓐᓇᖅᖢᑎᒃ. ᑕᒪᑦᑕᑲᓴᑦᑎᐊᖅ ᐊᑐᔾᔮᙱᑦᑐᒍᑦ ᐊᐅᔭᒥ ᓄᖅᑲᖓᓂᐊᕐᓂᕐᒧᑦ ᐸᕐᓇᓚᐅᖅᑕᕋᓗᐊᑦᑎᓐᓂᒃ.
ᒐᕙᒪᒃᑯᑦ ᑲᒪᒋᔭᒃᓴᕆᙱᓚᐅᒃ ᐊᑭᓖᔭᕆᐊᒃᓴᖅ ᐅᐸᒃᑕᐅᑦᑕᐅᓕᒪᔪᒦᓐᓂᕐᒧᑦ, ᑕᐃᒃᑯᓄᖓ ᓂᕈᐊᕆᔭᖃᖅᓯᒪᔪᓄᑦ ᖃᖓᑕᔭᕆᐊᒃᓴᖅ ᐅᖃᐅᔾᔪᖅᑕᐅᓯᒪᒐᓗᐊᖅᖢᑎᒃᑕ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᒥᑦ ᑕᐃᒪᐃᒪᐃᖁᔭᐅᓯᒪᓇᑎᒃ. ᑕᒪᑦᑕᑦᑎᐊᖅ ᐱᔭᒃᓴᖃᖅᑐᐃᓐᓇᐅᕗᒍᑦ ᓄᓇᕗᒻᒥᒃ ᖁᐊᖅᓵᕐᓇᖅᑐᒦᑎᑦᑎᙱᓐᓂᕐᒥᒃ.
ᒫᓐᓇᒧᑦ ᑎᑭᖦᖢᒍ, ᐅᐸᒃᑕᐅᑦᑕᐅᑦᑕᐃᓕᒪᕝᕖᑦ ᒐᕙᒪᒃᑯᓐᓂᒃ ᐊᑭᓖᑎᑦᑎᔭᕆᐊᖃᖅᓯᒪᕗᑦ $2 ᒥᓕᐊᓐ ᐅᖓᑖᓄᑦ. ᐅᓇᑖᕆᔭᖃᕐᓂᑦᑎᓐᓂ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ, ᑮᓇᐅᔭᖁᑎᕗᑦ ᐊᑐᕆᐊᖃᕆᕙᕗᑦᑕᐅᖅ ᐊᓯᖏᓐᓄᑦ ᓲᕐᓗ, ᑲᔪᓰᓐᓇᖅᑎᑦᑎᓂᑦᑎᓐᓂᒃ ᖃᖓᑕᓲᕆᔭᐅᕙᒃᑐᓂᒃ, ᐱᒡᑕᖅᐸᓪᓕᐊᓂᕐᒥᒃ ᐱᔭᕆᐊᖃᓪᓚᕆᒃᑐᒥᓃᒃ ᐱᖁᑎᓂᒃ, ᑕᒪᓐᓇᓗ ᑮᓇᐅᔭᒃᓴᕋᓱᖕᓂᕆᔭᐅᕙᒃᑐᖅ ᖃᐅᔨᒪᑦᑎᐊᕈᒪᒧᑦ ᐃᖏᕐᕋᐃᓐᓇᕐᓂᐊᕐᓂᖓᓂᒃ.
ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ
ᒫᓐᓇᐅᓂᖓᓂ, ᓄᓇᕗᒻᒥᐅᑦ ᑐᓴᖅᑎᑦᑐᒪᕙᒃᑲ ᑕᐃᓐᓇ ᖃᐅᔨᓴᖅᑕᐅᔪᕕᓂᖅ ᖃᐅᔨᕝᕕᐅᓪᓗᓂ ᓄᕙᒡᔪᐊᕐᓇᖅ-19−ᒥᒃ ᓱᓇᐅᕝᕙ ᓱᓕᙱᖦᖢᓂ ᑕᐃᒪᐃᑦᑐᖃᕐᓂᕋᐃᓚᐅᕐᒪᑦ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᑕᐃᓐᓇ ᓯᕗᓪᓕᖅᐹᖅ ᑕᑯᑎᑦᑎᓚᐅᕋᓗᐊᖅᑎᓪᓗᒍ ᓄᕙᒡᔪᐊᕐᓇᖅ-19−ᒧᑦ ᐊᐃᑦᑐᕐᓗᒃᓯᒪᔪᖃᕐᓂᖓᓂᒃ, ᖃᐅᔨᓴᖅᑐᖃᒃᑲᓐᓂᕐᒪᑦ ᖃᐅᔨᓇᓱᒃᑐᖃᒃᑲᓐᓂᕐᒪᓪᓗ ᑕᑯᑎᑦᑎᙱᑦᑎᐊᖅᐳᑦ ᖃᐅᔨᔾᔪᑕᐅᒃᑲᓐᓂᕈᓐᓇᖅᑐᓂᒃ ᓄᕙᒡᔪᐊᕐᓇᖅ-19−ᑕᖃᕐᓂᖓᓂᒃ ᒥᑦᑎᒪᑕᓕᖕᒥ.
ᑭᖑᓂᑦᑎᓐᓂ ᐅᖃᖅᓯᒪᑎᓪᓗᖓ ᐃᒪᓐᓇ, ᖃᐅᔨᓴᕐᕕᖕᓂ ᖃᐅᓕᓴᖅᑕᐅᔪᑦ ᐱᐅᓚᕇᓐᓇᐅᔭᖅᑐᑯᓘᙱᒻᒪᑕ. ᐱᑕᖃᐃᓐᓇᐅᔭᖅᑐᖅ ᐱᑕᖃᑐᐃᓐᓇᕆᐊᖃᕐᓂᖓᓂᒃ ᓱᓕᙱᑦᑐᒥᒃ ᑕᐃᒪᐃᑦᑐᖃᕐᓂᕋᐃᔪᒥᒃ, ᓱᓕᙱᑦᑐᓂᒡᓘᓐᓃᑦ ᑕᐃᒪᐃᑦᑐᖃᙱᓐᓂᕋᐃᔪᓂᒃ. ᕿᒥᕐᕈᐊᓕᕌᖓᑦᑕ ᖃᓄᐃᓕᖓᓂᕋᖅᖢᒋᑦ ᖃᓄᐃᓕᖓᓂᕆᔭᐅᔪᑦ, ᐋᖅᑭᒃᓯᔪᒪᒑᖓᑦᑕᓗ ᓈᒻᓚᒃᑐᒥᒃ ᐱᓕᕆᐊᕆᓂᐊᖅᑕᑦᑎᓐᓂᒃ, ᐃᓱᒪᒃᓴᖅᓯᐅᕈᑎᖃᖅᐸᒃᐳᒍᑦ ᐊᒥᓱᓂᑦ ᑐᓴᖅᑕᐅᔪᒃᓴᓂᒃ, ᑕᒪᒃᑯᐊᓗ ᖃᐅᔨᔭᐅᔪᑦ ᐃᓛᕐᔪᒋᑐᐃᓐᓇᑦᑎᐊᖅᖢᓂᒋᑦ. ᐅᔾᔨᕐᓱᐃᓐᓇᐅᔭᖅᐳᒍᑦ ᑕᒻᒪᖅᑕᐃᓕᒪᓪᓗᑕ.
ᑎᒥᒃᑯᑦ ᖃᐅᔨᓴᖅᑕᐅᓃᑦ ᐃᓚᒋᔭᐅᕗᑦ ᐊᑕᒌᔪᒻᒪᕆᖕᒥᑦ ᐊᑐᖅᑕᐅᔪᓐᓇᖅᑐᓂᑦ ᐱᓕᕆᐊᖃᓕᕐᓂᐊᕐᓗᓂ ᓄᕙᒡᔪᐊᕐᓇᖅ-19−ᒧᑦ ᐊᐃᑦᑐᕐᓗᒃᓯᓂᕐᒥᑦ. ᑕᐃᒪᐃᓕᖓᓂᖏᓐᓄᑦ, ᑕᐃᓐᓇ ᖃᐅᔨᓴᕈᑕᐅᔪᕕᓂᖅ ᑕᒻᒪᖅᓯᒪᔪᒥᒃ ᖃᐅᔨᑎᑦᑎᔪᕕᓂᖅ, ᑭᓯᐊᓂᓕ ᑕᐃᒃᑯ ᐊᓯᖏᑦᑕᐅᖅ ᐊᑐᖅᑕᐅᖕᒥᔪᑦ ᖃᐅᔨᓴᕈᑕᐅᓪᓗᑎᒃ (ᓄᓇᓕᖕᓂ ᐋᓐᓂᐊᓯᐅᑏᑦ, ᐊᐅᖃᑦᑕᐅᑎᖃᑎᒌᓚᐅᖅᑐᓂᒃ ᑐᔾᔭᖅᓯᓂᖅ, ᓇᑦᑎᖅᓱᖅᓯᓂᖅ) ᓇᓗᓇᐃᖅᓯᓯᒪᙱᓚᑦ ᐊᓯᖏᓐᓂ ᓄᕙᒡᔪᐊᕐᓇᖅ-19−ᒧᑦ ᐊᐃᑦᑐᕐᓗᒃᑕᐅᓯᒪᔪᖃᕐᓂᖓᓂᒃ.
ᐅᓪᓗᒥᒧᑦ ᑎᑭᖦᖢᒍ ᑐᓴᖅᑕᐅᔪᒃᓴᐃᑦ ᐅᑯᓂᖓ ᐃᓚᖃᖅᐳᑦ:
- ᑕᐃᓐᓇ ᐃᓄᒃ ᐱᔾᔪᑕᐅᔪᖅ ᒥᑦᑎᒪᑕᓕᐅᑉ ᓯᓚᑖᓄᐊᓚᐅᖅᑲᒻᒥᙱᓚᖅ ᖃᖓᑲᓪᓛᕐᔪᖕᓂᑦ.
- ᓇᓗᓇᐃᖅᓯᓯᒪᙱᑉᐳᒍᑦ ᓄᕙᒡᔪᐊᕐᓇᖅ-19−ᒧᑦ ᐊᐴᑎᓯᒪᔪᖃᖅᓯᒪᓂᖓᓂᒃ.
- ᒥᑦᑎᒪᑕᓕᖕᒥ ᓇᓂᓯᙱᑦᑎᐊᖅᐳᒍᑦ ᑕᐃᒪᐃᑦᑐᒃᑲᓐᓂᕐᓂᒃ ᓄᕙᒡᔪᐊᕐᓇᖅ-19−ᖃᖅᑐᓂᒃ.
- ᐅᔾᔨᕆᔭᖃᙱᓚᒍᑦ ᐊᓂᖅᑎᕆᓂᒃᑯᑦ ᐊᐃᑦᑐᕐᓗᒃᑕᐅᕙᒃᑐᑦ ᐅᓄᖅᓯᒋᐊᖅᓯᒪᓕᕐᓂᓂᖏᓐᓂᒃ.
ᑕᒪᐃᓐᓄᑦ ᖁᓛᓂ ᐱᔾᔪᑕᐅᔪᓕᒫᓄᑦ ᐱᔾᔪᑎᖃᖅᖢᑕ, ᐅᒃᐱᕆᔭᖃᖅᐳᒍᑦ ᑕᐃᓐᓇ ᐃᓄᒃ ᒥᑦᑎᒪᑕᓕᖕᒥ ᐱᖃᙱᑦᑐᖅ, ᐱᖃᓚᐅᖅᓯᒪᓇᓂᓗ ᓄᕙᒡᔪᐊᕐᓇᖅ-19−ᒥᒃ. ᑕᐃᒪᐃᓐᓂᖓᓄᓪᓗ, ᑕᐃᒃᑯᐊ ᑐᐊᕕᕐᓇᖅᑐᒥᒃ ᑭᐅᓯᕙᖕᓂᕐᒧᑦ ᐱᓕᕆᔨᕗᑦ ᒥᑦᑎᒪᑕᓕᖕᒥ ᐱᓕᕆᔾᔮᔪᓐᓃᖅᑐᑦ, ᐱᓕᕆᔭᖅᑐᖅᓯᒪᖃᑎᒌᓪᓗ ᐱᕙᒌᔭᖅᐸᓪᓕᓂᐊᓕᕆᓪᓗᑎᒃ ᓯᕗᓂᒃᓴᑦᑎᓐᓂ ᑕᐃᒪᐃᓕᐅᕆᐊᖅᑐᕐᕕᒋᓇᖅᑕᒥᓄᑦ. ᑕᒪᕐᒥᑦᑎᐊᖅ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥ ᑎᓕᓯᔾᔪᑕᐅᓯᒪᔪᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᒧᑦ ᐊᑖᒍᑦ ᓱᓕ ᑲᔪᓯᕗᑦ.
ᑭᓯᐊᓂᓗᑦᑕᐅᖅ, ᑕᐃᒃᑯᐊ ᐊᑐᖅᑕᐅᒃᑲᓐᓂᕆᐊᖃᓚᐅᖅᑐᑦ ᒥᑦᑎᒪᑕᓕᖕᒥᐅᑕᓪᓗᐊᑕᕐᓄ ᑐᕌᖓᓪᓗᑎᒃ ᑕᐃᒪᐃᔾᔪᑎᖃᖅᖢᑎᒃ ᐱᑕᖃᕐᓂᕋᐃᔪᖃᓚᐅᕐᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ ᒫᓐᓇ ᐲᖅᑕᐅᓯᒪᓕᖅᐳᑦ. ᒫᓐᓇ ᐊᑐᓯᑲᐅᑎᒋᓪᓗᓂ, ᓄᒃᑕᕐᓂᕆᔭᐅᕙᒃᑐᑦ ᒥᑦᑎᒪᑕᓕᖕᒥᑦ ᐊᓯᖏᓐᓄᑦ ᓄᓇᕗᒻᒥ ᓄᓇᓕᖕᓄᑦ ᐱᒋᐊᒃᑲᓐᓂᕈᓐᓇᖅᓯᖕᒥᔪᑦ, ᓄᓇᓕᖕᓄᓪᓗᐊᑕᕐᓗ ᑐᕌᖓᔪᑦ ᓄᖅᑲᖓᑎᑕᐅᓚᐅᕐᓃᑦ ᓇᖕᒥᓂᕆᔭᐅᔪᓄᑦ ᐱᔨᑦᑎᕋᕐᓂᕆᔭᐅᕙᒃᑐᓄᓪᓗ ᒥᑦᑎᒪᑕᓕᖕᒥᐅᓄᑦ ᐊᒻᒪᑦᑕᐅᖅ ᑕᐃᒪᐃᑦᑐᓐᓃᖅᑎᑕᐅᕗᑦ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ
ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᖅᑐᖅ ᐊᐴᑎᓯᒪᓯᒪᓂᕐᒥᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ ᐅᖃᐅᔾᔭᐅᕗᑦ ᐅᖄᓚᖁᔭᐅᓪᓗᑎᒃ ᓄᕙᒡᔪᐊᕐᓇᕐᒧᑦ−ᐅᖄᕝᕕᐅᔪᓐᓇᖅᑐᒥᒃ ᐅᕗᖓ, 1-888-975-8601−ᒧᑦ 10−ᓗ ᐅᓪᓛᒥᑦ 6−ᓗ ᐅᓐᓄᒃᓴᒧᑦ ᐊᑯᓐᓂᖏᓐᓂ, ᖃᐅᔨᑎᓪᓗᒋᓪᓗ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓂᒃ ᖃᐅᔨᑎᑲᐅᑎᒋᓗᒋᓪᓗ, ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᖅᓯᒪᓗᓂᓗ 14−ᓄᑦ ᐅᓪᓗᓄᑦ.
ᑭᓇᑐᐃᓐᓇᑦᑎᐊᖅ ᐊᑐᕈᓐᓇᖅᑐᖅ ᖃᕆᑕᐅᔭᒃᑰᕈᓐᓇᐅᑎᒥᒃ ᐱᓕᕆᐊᖃᕈᓐᓇᕆᕗᖅᑕᐅᖅ ᓇᖕᒥᓂᖅ ᐃᑭᐊᖅᑭᕕᒃᑯᑦ ᓇᖕᒥᓂᖅ−ᖃᐅᔨᓴᕈᓐᓇᕐᓂᕐᒥᒃ ᐅᕙᓂ, nu.thrive.health
ᐅᓄᕐᓂᖏᑦ
|
ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓂᖏᑦ) |
|
|
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ |
ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᒪᐃ 3-ᒥᑦ ᐱᒋᐊᖅᖢᓂ |
|
ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᓄᑦ |
187 |
|
ᑭᒃᑯᑐᐃᓐᓇᑦ |
125 |
|
ᑲᑎᖦᖢᒋᑦ |
312 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:
|
ᐊᐅᓪᓚᕐᕕᒃᓴᖓᑕ ᐅᓪᓗᐊ |
ᖃᔅᓯᐅᓂᖏᑦ ᓄᑕᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᕐᓗᑎᒃ |
|
ᒪᐃ 3 |
14 |
|
ᒪᐃ 4 |
58 |
|
ᒪᐃ 5 |
11 |
|
ᒪᐃ 6 |
17 |
|
ᒪᐃ 7 |
23 |
ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ
ᐱᒋᐊᕐᖢᓂ ᐊᐃᐳᕈ 3−ᒥ, 840−ᓂᒃ ᑐᒃᓯᕋᖅᓯᒪᔪᖃᖅᐳᖅ, 643−ᖑᓂᖏᑦ ᐱᔭᕆᐊᖃᒻᒪᕆᒃᑐᓂᒃ ᐃᖅᑲᓇᐃᔭᖅᑎᒃ ᑐᒃᓯᕋᕈᑕᐅᓪᓗᑎᒃ.
|
ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ |
Nbre |
% |
|
ᐊᖏᖅᑕᐅᓯᒪᔪᑦ (ᐃᓚᖃᖅᐳᖅ ᐱᒻᒪᕆᐊᓗᖕᓂᑦ ᐱᒻᒪᕆᐅᓗᐊᙱᑦᑐᓂᒡᓗ) |
698 |
83,1 % |
|
ᐊᖏᕐᑕᐅᙱᑦᑐᑦ |
100 |
11,9 % |
|
ᐅᑕᖅᑭᔪᑦ |
42 |
5 % |
|
ᑲᑎᖦᖢᒋᑦ |
840 |
100 % |
ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:
ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᕐᓂᕆᔭᐅᕙᒃᑐᓄᑦ ᐃᑲᔪᖅᑕᐅᓂᐅᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓄᑦ ᓄᓇᓕᖕᓂ 7-ᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ. ᑐᐊᕕᕐᓇᙱᑦᑐᓕᒫᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑦ ᒪᓕᓪᓗᒋᑦ. ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᖕᒥᑦ ᐱᔨᑎᕋᐅᑎᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, ᐱᓇᓱᐊᕈᓯᓕᒫᑦᑎᐊᖅ. ᐃᓗᐊᖅᓴᖅᑕᐅᔭᕆᐊᖃᖅᑐᓕᒫᑦ ᐅᖄᓚᖃᑦᑕᖁᔭᐅᕗᑦ ᓴᖅᑭᓚᐅᙱᓐᓂᕐᒥᓂ ᐋᓐᓂᐊᕐᕕᖕᒧᑦ.
- ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ ᐃᒡᓗᕈᓯᖅ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᖓᐃᓐᓇᕐᓂᐊᖅᑐᑦ.
- ᖃᓄᐃᙱᑦᑎᐊᖅᑐᓄᑦ ᓄᑕᕋᓛᕐᓄᑦ ᐱᓕᕆᐊᖑᕙᒃᑐᑦ, ᓯᖓᐃᔪᓄᑦ ᑕᑯᔭᐅᕙᒃᑐᑦ ᑲᐱᔭᐅᕙᒃᑐᓪᓗ ᑲᔪᓰᓐᓇᖅᐳᑦ ᓄᓇᕘᓕᒫᒥ.
- ᓘᒃᑖᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᖕᓄᑦ ᐳᓚᕋᖃᑦᑕᕐᓂᖏᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ.
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
ᐃᓂᒃᓴᓕᐅᖅᑐᑦ ᐋᓐᓂᐊᕕᖕᒧᑦ ᑐᐊᕕᕐᓇᕐᓂᕆᔭᖏᑦ ᒪᓕᒃᑕᐅᖃᑦᑕᕐᓂᐊᖅᐳᑦ; ᑕᐃᒪᐃᒻᒪᑦ ᐅᖃᓘᑎᒃᑯᑦ ᐃᓂᒃᓴᓕᐅᖃᑦᑕᕐᓂᐊᖅᐳᑦ ᐅᕝᕙᓘᓐᓃᑦ ᐅᐸᒡᓗᑎᒃ.
ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᐅᓄᕈᓐᓃᕆᐊᖅᑕᐅᔪᑦ ᑭᓯᐊᓂ ᑐᐊᕕᕐᓇᓐᑐᓄᑦ ᐋᓐᓂᐊᕕᓕᐊᕆᐊᓕᖕᓄᑐᐊᖅ ᐊᐅᓚᖅᑎᑕᐅᖃᑦᑕᕐᓂᐊᖅᑐᑦ. ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᐊᓯᔾᔨᖅᑕᐅᔪᓂᑦ ᐅᖃᖃᑎᒌᖃᑕᐅᓗᑎᒡᓗ ᑐᓴᕆᐊᓕᖏᓐᓂᑦ.
ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᒃᓴᓕᐊᖑᓯᒪᔪᓂ ᓱᓕ ᑕᑯᖃᑦᑕᖅᑐᑦ. ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ. ᑕᒪᕐᒥᑦᑎᐊᖅ ᑕᑯᔭᔅᓴᓕᐊᖑᓯᒪᔪᑦ ᐃᓂᔅᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.
MHA−ᑯᑦ ᐅᖄᓚᐅᑎᒃᑯᖔᖅ ᖃᐅᔨᓴᖅᑕᐅᖃᑦᑕᕐᓂᐊᓕᖅᑐᑦ ᐃᑲᔪᖅᑕᐅᖃᕐᓗᑎᓪᓗ ᐃᓚᖏᓐᓄᑦ ᐃᓄᓕᕆᔭᐅᖃᑦᑕᖅᑐᓄᑦ. ᑕᑯᔭᔅᓴᓕᐊᖑᓯᒪᔪᑦ ᐃᔭᒐᖏᓐᓂᑦ ᐊᐃᔅᓯᕆᐊᓖᑦ ᐊᒻᒪ ᐱᓕᕆᖃᖅᑕᕐᓂᕆᕙᑦᑕᖏᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ. ᐊᖏᕐᕋᕆᔭᐅᔪᓂ ᐅᐸᒃᓯᕙᖕᓃᑦ ᐃᓗᐊᖅᓴᐃᔭᖅᑐᕐᓗᓂ ᐱᓕᕆᐊᖑᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ ᑕᐃᒪᐃᓕᐅᕆᐊᖃᖅᐸᑕ.
ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:
ᑐᐊᕕᕐᓇᖅᑐᑐᐊᑦ ᑭᒍᑎᓕᕆᔨᒧᑦ ᐱᓕᕆᐊᖑᖃᑦᑕᕐᓂᐊᖅᐳᑦ ᓄᓇᕗᒻᒥ ᓄᓇᓕᓕᒫᓂᑦ ᐊᓯᐊᓂᒃ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.
ᐱᑐᐃᓐᓇᐅᙱᑦᑐᔨᕆᕝᕖᑦ ᐃᓗᐊᖅᓴᖅᑕᐅᓃᑦ ᓄᖅᑲᖅᑎᑕᐅᓯᒪᓕᖅᐳᑦ. ᐱᓕᕆᔪᖃᖅᐸᓪᓕᐊᕗᖅ ᖃᐅᔨᒪᓕᕈᒪᓂᕐᒧᑦ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.
ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ. ᐊᐅᓪᓚᕆᐊᖃᖅᑐᓕᒫᑦ ᖃᑕᙳᑎᒥᓂᒃ ᐋᓐᓂᐊᕐᕕᖕᒦᑦᑐᒥᒃ ᑕᑯᔭᖅᑐᖅᐸᒃᑐᑦ ᓄᖅᑲᖅᑎᑕᐅᔪᑦ.
ᐳᓛᕆᐊᖅᑐᖃᖃᑦᑕᕈᓐᓇᔾᔮᙱᑦᑐᖅ ᐊᕗᖓᑲᓪᓚ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᐅᓂ ᓄᓇᕗᒻᒥ − ᑎᒥᒥᒍᑦ ᐃᓕᖅᑯᓯᖅᓱᙱᑦᑐᓄᑦ ᐃᓂᒋᔭᐅᔪᓂ ᐃᓐᓇᐃᓪᓗ ᐊᖏᕐᕋᕆᔭᖏᓐᓂ.
ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐸᒡᓗᒋᑦ ᖄᕆᔭᐅᔪᓪᓗ, ᐊᑐᖅᐸᒡᓗᑎᒃ ᑭᒃᑯᑐᐃᓐᓇᓂᒃ ᖃᓂᒃᓴᓗᐊᖅᑕᐃᓕᒪᓂᕐᒥᒃ, ᓈᓚᒃᐸᒡᓗᑎᓪᓗ ᐅᖃᐅᔾᔪᐃᔾᔪᑕᐅᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᑦ, ᐊᖏᕐᕋᖅᓯᒪᕙᒡᓗᑎᒡᓗ ᖃᓂᒪᔭᕌᖓᕕᑦ.